[SIZE=3]اخواتي الغاليات
حبيت اعطيكم معلومات بسيطة لكنها قيّمة جداً عن عشبة السنامكي
و هي عشبة يطلق عليها عدة اسماء منها في الخليج : السنا / العشرج / الحلول,,,
و كل ما بكتبه لكم بناءً على تجارب شخصية لي ,,, والله يشهد على قولي,,,
من يوم و احنا صغار امي الله يخليها لي تسوي لنا الحلول خصوصاً قبل و عقب رمضان ، لكن يوم كبرنا الكل انشغل في حياته عن هالموضوع ، بس بصراحة انا استمريت في شرب هذا الحلول لأن فايدته عظيمة - والعظمه لله وحده- صدقوني يا بنات جربو تشربونه راح تشعرون بالتالي :
خفة الجسم
راحة الجهاز الهضمي
شد البشرة
صفاء البشرة
التخفيف من حب الشباب
و أفضل وقت لشربه هو بعد الانتهاء من الدورة ، لكني جربت اشربه في اليوم الثالث او الرابع من الدورة و كانت النتائج مذهلللللللللللللللة جداًجداًجداً بشرتي صارت صااااااااافية جدا و حلوة و جسمي صار خفيف
لكن احذركم من شربه قبل موعد الدورة بيوم او يومين لأنه على حسب ما سمعت انه يزيد من الآم الدورة
و بنات عمي قالو لي عن قصة وحدة يعرفونها كان وجهها مليء بحب الشباب و كانت تعاني من كثرة العلاجات فــ قامت بشرب الحلول مرة كل شهر بعد انتهاء الدورة والله يا ينات يقولون لي ان بشرتها صارت مخمل مخمل مخمل ما شاء الله
و هذي العشبة ورد حديث للرسول عليه الصلاة و السلام بس ما اذكره - والله يجزاها خير اللي تعرفه تكتبه لنا للفائدة -
اما مكونات الحلول فــ هي كالتالي :
اوراق السنا/ورد محمدي مجفف/جلجلان/بان/سنوت
تقريباً هذي ابرز مكوناته و بتحصلونه عند العطار و هو يخلط لكم جميع المكونات السابقة
اما طريقة عمله فهي :
تغلى المكونات في ماء و قليل من الملح و قبل كذا طبعا تغسلين المكونات لأن بعضها فيه غبار أو تراب
و يشترط ان تشربين ما يعادل كوب كبير و تحذير من شرب كميه قليلة منه لأنها بتألم بطنك ألم شديد من غير فايدة
و طبعا تشربينه فاتر مب بارد و لا حار
طبعاً رائحته و طعمه مأسااااااااااااااة طعمه يجيب اللوعة و رائحته كذلك لكن والله يا بنات صبرو على الريحة و الطعم و بتشوفون النتايج المذهلة و اذا مب مصدقيني سألو جداتكم أو امهاتكم الكبار
و أفضل طريقه لشربه هو انك تاخذين نفس عميق جداً جداً و تحطين الكوب على فمك و تقولين الله أكبر بسم الله الرحمن الرحيم و تشربينه دفعة وااااااحدة من غير توقف لأنك لو توقفتي راح ترجعين اللي شربتيه كللللللله
و لازم يكون جنبك برتقالة بعد ما تنتهين من شرب الحلول مصي البرتقالة من دون ما تاكلينها و استنشقي ريحتها علشان ما تلوع كبدك و اذا عندك علك رائحته نفّاذة يكون أحسن
و مهم جداً جداً انك ما تجلسين عقب ما تشربينه اول ما تشربينه قومي امشي على كبر البيت و تحركي لا تجلسين لأنك لو جلستي مفعولة بيكون بطيء

و تأثيره عبارة عن اسهال يستمر حوالي اربع ساعات و احياناً يكون مصحوب بألم في البطن
و افضل وقت لشربه هو الصباح البااااكر يعني حوالي الساعة 8 الصباح علشان ما تجي الساعة 12.30 تقريبا الا و يكون الاسهال خلص
و الافضل انه في يوم اللي بتشربين فيه الحلول ما تخرجين من البيت خوفاً من حدوث حالة طارئة ههههههههههههههههههه ( سألوني انا مجربة ) يعني لا تطلعين من البيت ولا تخلين أحد غريب يزورك
و بصراحة أمي دائماً اذا بشرب الحلول تسوي لي الغداء : صالونة و عيش ابيض مادري شنهو السبب لكنها تقول أخف و أحسن لج و طبعا العشاء يكون خفيف جداً
و ترى كثير من الناس يعتمدون على الحلول حق الريجيم يعني تشرب الحلول الجمعة مثلاُ و يوم السبت تبداً ريجيم
و مرة وحدة من البنات قالت لي انه ثاني يوم من شربت الحلول تبدأ في نظام غذائي هو عبارة عن أكل فواكه و خضراوات فقط علشان ينزل و زنها
وووووووووو شي مهم يجب ان اقوله هو انه تجيك حالة نعاس غريبة عقب الغداء و تنامين نومة حللللللللللللللوة الظهر
سامحوني لأني اكتب اللي يجي على بالي على بعض بدون ترتيب
بس اتمنى اني اكون وفيت .....
و اللي عندها اضافة تزيدنا منا عندها ....[/size]

( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ) " البقرة : 186 "
جزاك الله خيرا على المعلومات.
بس الدكتور جابر القحطاني يقول اوراق السنامكي لاتستخدم الا مره في السنه اما بذور السنامكي فتستخدم عند الحاجه
هذا للعلم وجزاك الله خير
مشكوره على المعلومات المفيده بس بغيت استفسر فيه فرق بين اوراق السنامكي و بذور السنامكي واذا كان الجواب نعم ماهو الفرق وما الدي يستخدم ولكي كل الشكرررررررررررررررررررررررررر ررررررررر
الى جميع اخواتي اشكركن جميعاً على درودكن
اختي الطامحة للعلم بصراحة ما اعرف اذا كان فيه بذور السنامكي ,,,,
( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ) " البقرة : 186 "


الساعة الآن 03:11 .