السلام عليكم ورحمه الله وبركاته
كيف حالكم وش اخباركم *****************
ياخواتي انا بصراحه بطرح عليكم مشكلتي مع(القهــــــــ ــــــــــــــ ـــــــــــــو )
والله العظيم مابقى طريقه ماسويها الا انه يطلع فيها طعم غريب مو نفس القهوه الا اشربها عند اهلي وخواتي
تصدقون غيرت بريق القهوه وغيرت الثلاجه حقت القهوه
وانا اللي احمسا بنفسي وماطحنها الا اذا جيت اصلح
واطبخ البريق بعويدي (المسمار)يقولون ازين عشان مايطلع طعمها مهجر
لاكن والله العظيم عجزت منها نفس الطعم فيه مراره
طلبتك سالتكم بالله
ردو لي اللي عندا حل والله زوجي طفش يقول وش المشكله انقذوني وجعل اللي ترد ربي يحرمها عن النار ويرحم والديها ويحفظ لها عيالها ويسخر لها قلب زوجها

http://tickers.babygaga.com/p/dev028pr___.png
اللهم اني استودعتك مافي رحمي فاحسن خلقه وخلقه وسهل حمله وولادته وجعله من عبادك الصالحين
استخدمي خلطه القصيم للقهوه مره حلوه علبتها بيضا وطباقتها زرقا والله حلوه مره
حلوه خلطه القصيم وحطي شيبه مع القهوه مو شبه انتبهي >>>>اخاف يصير فيك شي
ولا تغلين بمسمار يمكن هو اللي يطلع طعم
وبعدين وشو نوع البن حقك
استخدمي هرري او باشنفر حلوين يمكن نوع القهوه مو كويس
اللهم لگ الحمد حتى يبلغ الحمد منتهاهـ ..
يااختي اخاف ان حمستك للقهوه ثقيله ...
وبعدين ياعيوني حطي شيبه تلقينها عند العطار خليها تطبخ بالبريق مع الزعفران ربع ساعه ثم حطي قهوتك
وبعد ماتخلص حطي شوي حليب وشوي هيل مطحون فالترمس نفسه وصبي عليها القهوه

ومثل ماقالوا الاخوات يمكن نوع قهوتك مو كويس

سوي اللي قلنا لك عليه وبلغينا شيصير عليك
احبكم يابنات حواء
غيري البن خذي البن الخولاني شكلي منه الفاتح والغامق وخلي القهوه تنطبخ

على النار اقل شي نص ساعه القهوه يبي لها طبخ مو تنغلي مرتين اوثلاث

وكمان خلطة القصيم شي ثاني و***** الله تضبط معك






الساعة الآن 11:46 .