و احنا عندنا نفس هاذي الشركات في الكويت .... و طريقتهم انهم ياخذون ارقام تلفوناتنا من شركات الموبايل ... و يتصلون عليك من رقم ثابت علشان تحسب عليك المكالمة و بجذية تستفيد شركة الموبايل مكالمة طويلة عريضة على ظهرك ..... واول ما تردين يوقولون لك الف مبروك انتي اخترانك بصورة عشوائية من بين ارقام تلفونات و فزتي معانا بنوكيا 6600 او اجهزة كهربائية للمنزل او تذاكر سفرة و لك حرية الاختيار و ما عليج الا انك تجين مقر الشركة و تستلمين الهدية ..... و انا يا اسكر الخط بوجهم يا اقول ما ابي هديتكم ... لانهم ببساطة حرااااامية ... اكو حد يعطي هدايا بالمجان من دون فايده ؟؟؟؟؟ و طلع شنو الموضوع لما سئلت البنات هل تجيكم مثل هذه المكالمات فعلا يا جماعة تجي للكل .... و لازم تروحي الشركة و تقعدين سااااااعة كاملة مع المندوب .... يحط امامه ساعه و يحسب الوقت و بعد الساعة يقول للموجودين راح نسوي سحب و الي يطلع رقمه يفوز بالموبايل .... و يمكن ما يعطونه اياه ....يعطي واحد فقط من الموجودين راح يطلع بالموبايل و ليس الكل فائزين
بصراحة خواتي اني وية زوجي صار لنا هالموقف وكنت مستانسة وايد وايد وايد ان احنا حصلنا على جائزه سفر لعدة دول واحنا نختار الدوله اللي نبي نروحها وقال لكن ما اعطيكم الجائزه الا لما تجاوبون على السؤال اللي راح اقوله لكم المهم كانت الفرحة مو سايعتني خصوصا ان احنا جاوبنا على السؤال اللي قالة وقال لازم تحضرون الى الشركة وهم راح يشرحون لنا بالضبط المهم رحنا انا وية زوجي وستلمنا الجوائز على قولتهم لكن ما كنا لهدرجة واثقين فيهم وقالوا لنا تقدرون اتجيبون وياكم اثنان يسافرون معاكم ما في مشكلة يعني الرحلة لاربعة اشخاص
الحمد لله ان احنا الله فرج علينا لان احنا خلاص قررنا ان احنا نسافر وناخذ بنت عمي وزوجها وولدها معانا لكن الحمد لله ان احنا ما رحنا لان سمعت ناس راحوا وانكسرت ظهورهم من كثر المصاريف اللي صرفوها على قلة الفايده
للأسف حتى بلبنــــان انتشرت السالفة هذي
إما بطرقة سؤال وجواب
أو إنهم يوزعون كروت تفتحينهن وإذا طلعت متشابهه فإنك فزتي.... ودايما يطلع متشابه
وحنا وقعنا بالفخ بمصر مرتين
وبلبنان سلمنا
الحمد لله ان هذا الشئ حصل لصديقات كثيرة مو فى مصر فقط ولكن فى بلاد اخرى كثيرة
واعرفكم حبيباتى ان كل مكان بة الزين والناس الكويسة والناس الوحشة
اللى ربنا يكفيكم شرهم فى كل مكان
احنا بعد في دبي اسالوا زوجي سوال وقالوا انتوا فزتوا وجائزه اسبوع اقامه في سيتي سنتر بس لازم تجون بكره الساعه ثلاث العصر فيه جواثز كثيره ويوم جاء الصباح كنا رايحين الشارقه اتصلت عليه وحده منهم وقالت لازم تجي لان طلع رقم الكرت ولكم جائزه كبيره طبعا رحنا والمكان في سيتي سنتر ولقينا ناس كثير جالسين كل طاوله عليها عائله ومندوب ونفخ راسنا وضيع يومنا وتعبنا وبلا فايده وبعد ثمن صبر زوجي وتحمله انفجر فيهم وهزءهم وقال اول مره فيه ناس تلعب علي والا تتتتتتتتسسستتتتغغغفلني ووووقلنا توبه انصدقهم


الساعة الآن 12:57 .