يابنات بليز ابغى منكم المشوره وبشكل سريع بلييييييييييييز اليوم قبل بكره

أختي العبرى الله يهدي سركم يارب ويصلح مابينكم ويسخر زوجك لك يارب..

يعني انتي في بيت أهلك؟ مو اتسرعتي شوي على جلستك عند اهلك؟؟؟ توكم عرسان ولسه ماكملتوا سنة ولسه كل واحد جال يستأنس للثاني ويألفه ويتكيف معاه..

ويبدو كمان الموضوع متشعب وداخل فيه معاملته لأهلك يعني في أكثر من مشكلة..انتي هدي نفسك واستجمعي أفكارك وشوفي بالظبط ايش اللي مكدر حياتكم..وحاولي تدخلي قلب زوجك وتعرفي ايش فيه..أكيد مضايق من شي او متكدر او ماتدري يمكن نفسيته تعبانة للآخر بدليل لما سألتيه اذا يبغاكي ماقلك يالله مع السلامة..وأكيد لما قال الرابط هو اللي في بطنك اكيد منفعل او مشحون بالعاطفة

عزيزتي في موضوع الحياة الزوجية اللي مثبت حق خوخاية حاطه دعاء وكمان رابط لموضوع الأخت القمورة الأمورة صراحة دعاء رائع بكل معنى الكلمة صدقيني أنا نفسيتي اتغيرت مليون مرة لما قريت الدعاء...اطبعيه وحطيه جنب راسك عشان تقريه يوميا...ويا عزيزتي بيوت المسلمين الزوجية صايرة من زجاج أمام وساوس الشيطان وفتنته ممكن في لحظه ينهد كل شي ويرجع الشيطان منتصر وانتي بحسرتك وزوجك لعالم ثاني ماتدري ايش مصيره

واتذكري لايرد القضاء الا الدعاء..ولو زوجك قلبه حجر بالدعاء يصير مثل الماء الصافي...

ارجعي لبيتك وحاولي توقفي عند كل مشكلة بينكم وتدوري سببها وليش بدأت أصلا..لا تخلطي الأمور ببعض وتفتحي معاه مليون موضوع انا وانت والبيبي ومعاملتك لي ومعاملتك لأهلي و و ترى ماراح يسمع ولاشي من هذا وبيعند ويصد عنك...


ربي يريح الخواطر ويصبرك وينور بصايركم ويسخركم لبعض يارب

شكرا ياحبيبتي يا بشاير وعندي تعقيب على كلامك اذا امكن انك تسمعيني

انا ماطلبت اني اروح عند اهلي بالعكس اهو اللي حطني عندهم هذا شي

الشي الثاني اني انا حسيت اني محتاجه ابعد عنه شوي لاني تعبت وحسيت اني لو جلست اشوفه كل يوم بوجهي راح اسوي مشكله او اغلط عليه ويصير شي انا ماابيه

وثالثا انا ما اقدر ارجع معه للبيت الان انا نفسيتي مررررره تعبانه وبصراحه ماعاد اتحمل منه اي شي مع اني والله العظيم اني اموووووت فيه واحب الارض اللي يمشي عليها بس وش اللي حصل بينا انا ماادري وبصراحه عمره ماحسسني اني اعني له شي في حيلته كأنه اللي بيني حبر على ورق فقط لاغير


واسفه على الإطاله بس ارتحت لردك وكلامك وودي انك تفيديني اكثر

قمة الغلط اللي سويتيه ارجعي باسرع وقت حتى لاتندمي
لي عودة ان شاء الله تعالى

طيب يا أختي أكيد هو نفس الشي يفكر في استراحة هذه الفترة والتفكير بعيدا..بس صدقيني كل ما مرت الأيام كل مازادت الفجوة بينكم والشيطان لعب أكبر بعقولكم وقسى قلوبكم على بعض..

قوليلي هل زوجك موظف؟؟هل جالس في البيت؟؟ومن اي تصرفات يسويها بنيتي حكمك انه عديم المسئولية وايش الواقف اللي خلتك تحسي انه مايعامل اهلك كويس

حبيبتي الحي مو بس عاطفة جياشة في القلب..لازملها صوت ولازملها عمل..كيف نقاشاتك معاه هل بهدوء وبدون عصبية هل حاولتي تعرفي ايش مشاكله هو او رغبته بانجاب الاطفال من بدري؟؟هل حملك أزعجه وحسسه بالوحدة؟؟

أمور كثيرة عزيزتي..لاتخلي الأمور معلقة الى ماشاء الله وانتي جالسه عند أهلك..

ارجعي بيتك من دون مايعرف وخلي الأيام تمر بهدوء وبس كثري الصلاة والاستغفار..كلها ركعتين في آخر الليل وشوفي ايش يصير بعدها..شغلي سورة البقرة في البيت أول ماترجعي وجيبي موية زمزم واقري عليها خواتيم البقرة والمعوذات وآخر آيتين من سورة التوبة و آية (فسيكفيكهم الله وهو السميع العليم) واقري قد ما تقدري وانفخي فيها واشربي انتي وزوجك بنية طرد العين وابعاد الشيطان عنكم

واذا حبيتي تراسليني على الخاص ماعندي مانع..اللي يريحك :26:

أختي في الله
الانسان مسير وليس مخير
حاولي تدعين الله انه يكتب لك ما فيه خير
اكثري من صلاة اليل والدعاء له بالهدايا والله يسخره لك اذا فيه خير لك واذا عكس ذلك انه الله يبعده عنك اختي
قلبي معك الله يعطيك على قد نيتك
وصدقيني الله ما يضيع انسان بالعكس يمكن الله يبي لك الخير
طمنينا عليك