سلام عليكم أبغى طريقة المظروبة طبعا بالدجاج سويتة كم مرة وما أعجبتنى

فقالت اسئلكم عاد ماشاء **** عليكم فى هاالطبخ ؟
وخبرح ماعرف اطبخ عدل نصف الى اسوية موعدل ؟
ف***** **** احد يساعدنى .
12 وحدة ماتعرف اشدعوة ..
بكرة ايش اسوى حق زوجى غداء .
اممممممممممممم .... مضروبه... لذيذه جدا جدا ... تراني ماني شاطره بالطبخ.. بس المضروبه اللي اسويها حلوه عطتني اياها قريبتي ...اتمنى انها تعجبك....

إليكي الطريقه...

المقادير:
1كوب جريش (مغسول جيدا ومنقوع في ماء مو اقل من 4 ساعات)
نصف مقدار الجريش رز...(كذلك مغسول جيدا ومنقوع)
1 صرة شبنت مفرومه
1 صرة كزبرة مفرومه
3 صرات سلك مفروم (انا ماادري وشو السلك وما احطه لاني بغربه.. بس اسألي عنه عند الخضار)
2 بصل مفروم
6 فصوص ثوم شرائح ناعمة
2 طماطم مقطع مكعبات صغيره
2-ملعقة صلصلة طماطم
دجاجة مسلوقه ومخلي منها العظم ومسلكه
ماء سلق الدجاج
فلفل حار حسب الرغبة
عصير ليمون اقل من نص كوب
2 ماجي
ملح وفلفل اسود

الطريقة:

يحمر البصل في الزيت لمدة 3 دقائق ثم يضاف نصف الثوم .... ثم يضاف السلك والطماطم ونصف الكزبرو ونصف الشبنت... ثم الصلصة....
يحمسون شوي لمدة دقائق ثم يضاف الدجاج وشوي ملح وفلفل اسود... وخلاص غطيه...

بعد ذلك... حطي في الخلاط: باقي الثوم / الليمون/ الفلفل الحار/ النصف الباقي من الشبنت والكزبرة / وكأس من ماء الدجاج المتبقي... اخلطيهم...

ثم يفتت الماجي على الخطله اللي بالقدر وتضاف لها الخلطه اللي خلطتيها بالخلاط.... واظيفي تقريبا كوبين ماء....

عندما يغلي الخليط... اضيفي الجريش والرز....واخلطيهم جيدا.. وزيدي الماء كلما كان بحاجه لذلك... وطبعا لا تخلين النار جدا عاليه ... خليها واطيه... وترا المضروبه يبيلها طبخ لمدة طويله يعني ساعه او ساعتين...
عندما تستوي المضروبه ... اضربيها جيدا بالملعقة عشان الحب ينهرس.....

وتراها لذيذه جدا جدا.... اتمنى انها تعجبك....
مشكورة أختى ماقصرتى .
Najolh حبوبة ترى المضروبة مايبيسلها أي شيء كل السالفة مجبوس بس اتزيدين الماي عشان يطلع لين وبعدين يحتاج قليل ضرب
وصارت جاهزه هني وعافية
فقدناكم
ولو بيدنا وسط الحلم جيناكم
وحشتونا وما ندري اذا كنا وحشناكم


الساعة الآن 12:10 .