السلام عليكم ورحمة الله وبركاته
وكل عام وانتم بخير وعافيه وسلامه ومن تحبون
وجعل الله هذا العام زيادة لنا بالصالحات وقربا لرب السماوات
القصه وما فيها ياطويلات العمر اني جيت زياره لرياض هالخميس والجمعه وفي يوم الخميس الصباح رحت مع زوجي لمركز الهرم الي بالفيحاء وبعد خروجي قبل اذان الظهر بدقائق اردنا اغراض من التموينات فما كان من زوجي الا الاتجاه الى تموينات بالحي الي في ظهر الهرم وفعلا كانت اقرب تموينات هي التموينات الي تحت( شقق الارتقاء)طبعا اسمها تموينات فقط
نزل زوجي للبقاله بعد ماوقف امام الباب بالضبط (وليته ما سواها)دخل بعد زوجي طفلين ولد(تقريبا رابع ابتدائي) وبنت(سادس ابتدائي تقريبا)الولد كان ماشاءالله جميل ودبدوب اشوي ,البنت اخذت تدور بجهه والود وراها بمسافه لما جو عند الجهة الي يمين الباب وامامه تقريبا عدت البنت للسيب الثاني وجاء الولد وراها بمسلفه(بالسيب الي امام الباب بالظبط لسى ماعدا وراء اخته)هنا جاء البنقالي راعي البقاله وراه واستوقفه واخذ يتكلم عليه والولد منزل راسه ويفرك ايديه وشكله خااايف ووجهه احمر بشكل ملحوظ( ولاكان بايده اي شي ولابجيوبه اي شيءظاهريا)اخذ البنقالي يلح عليه بالكلام وكانه يقول هاه قل ايه :(ولاترك الولد يطلع من سيب الا لماهز براسه بنعم وواضح انه قالها بالغصب:(
عقبها على طول اشر له البنقالي على اخر المحل او مكان خلف البقاله انا ماادري ايش يشر عليه وتكلم مع الولد بحيث خلاه يهز براسه كمان بنعم بعدها عدى البنقالي للجهه الداخليه للمحل
وكان زوجي يحاسب ومن وراه اخت الولد اما الولد ظل واقف بمكانه اشوي يناظر الارض:(
ثم مشى لسيب الثاني كانه يكمل تسوقه هنا طلع زوجي ومابقي بالبقاله الا الولد والبنت والبنقالي وبنقالي ثاني هو المحاسب واذن الظهر وزوجي يركب
انا قلته السالفه وقلت له قل الولد والبنت نوصلهم اخاف البنقالي ناوي على الولد هنا زوجي قال اصلا الولد لما اكلمه انا راح يخاف مني
قلت طيب اصبر لما يطلعوا من المحل على الاقل:( مارضي زوجي وكان اصلا ماشيء وانا اتكلم :(
انا استودعت الله الولد والبنت وربي ماراح يخذلني:(
واتمنى ان توقعاتي غلط
بس انا ودي اذا وحده تعرف رقم الهيئه او يقرب لها احد بالهيئه تقول لهم يراقبوا البقاله
علما ان البنقالي طويل وعريض ولابس طربوش
حتى اني يوم الجمعه اصريت على زوجي يرجع يمر من عند البقاله ابي اخذ اسمها وشوف اذا البنقالي يشتغل بالبقاله او هو كان زائر فعلا مرينا ولقيت الاسم تموينات فقط والبنقالي هوهو بالبقاله وعليه طربوشه بعد :angry2:
ادري قرقت كثير ويمكن توقعاتي تكون غلط وهذا الي اتمناه
بس والله كسر خاطري الولد يوم يتكلم عليه البنقالي وحالته واضح انه مرعوب عجزت امسح هالمشهد من مخيلتي :angry2:
ارجووووووكم الي تقدر تسوي شيئ تسويه بسرعه
ولاتنسوني اذا حصل شيء ريحوني الله يريح بالكم
سلام
dr.cafe @drcafe
محررة
يلزم عليك تسجيل الدخول أولًا لكتابة تعليق.
الصفحة الأخيرة
من غزونا البنقاليه ماشفنا خير