السلام عليكم ورحمة الله وبركاتة .....
اشكر كل من تضامن معي في قصتي مع اهل زوجي والله يسعدكم زي ما اسعدتوا قلبي ساعات الشخص لمن يحس بأن الناس معاها حتا ولوا ما يعرفهم شخصيا هذا الشي كفيل بأنوا يسعد ويهون علية
مشكلتي هالمرة مو معاهم لانهم مهما اذوني في النهاية الأهم الزوج وبس الباقين مقدور عليهم
طبعا انا لي 7 سنوات زواج من اول زواجي وانا اكتشفت مشكلة الحشيش مع زوجي طبعا عااااااااااااااانيت منها بس الي كان مصبرني انو زوجي كان يشتري رضاي بكنوز الدنيا وكنت لمن اشوفه يوعدني انها اخر مرة وكان يسوي المستحيل علشان اسامحة بعدها الحبوب قلت لا كذا الموضوع كبر انا انسحب بكل احترام من حياتك طبعا كالعادة وعدني وكان هالمرة صادق في وعدة وما عاد شفت الحبوب وجلست احاول معاه الين بعد العيد لأني ولله الحمد ما قصرت وقلتلة انا عندي استعداد اوقف معاك للأخر وما راح اتخلى عنك الين اخر لحظة والله اني في فطور رمضان ادعيلة اكثر من نفسي لانو عارفين متعاطي الحشيش شخص لا يملك اعصابة وكيف وانا زوجي عصبي اصلا والله ياما مسحبي البلاط بسب وشتايم وانا والله لو قلت لأهلي ليطلقوني منهم قبل الصبح ما يصبح انا الحمد الله عندي الله ما اقول غير الله لايحرمني منهم بس انا كنت مخبي موضوع الحشيش عنهم نهائيا
كنت انسب وانشتم وانا اصبر والله كان يمر الليل كلة وانا ابكي وادعي والحمد لله بعد العيد وانا على سفرت فطوري كنت صايمة وقال انا الحمد لله عزمت ابطل حشيش والله فرحت بس مو كثير لانو قبل كذا بطل شهرين ورجع بس قلت معليش وحسستة اني انبسطت مرة وقلت يالله انا معاك قال بس ترى راح اتعب كثير وراح اعصب اكثر تتحملين
قلت انا اتحملتك 7 سنوات ما اتحمل كم شهر اتوكل على الله وربنا معاي ومعاك بس انت علق قلبك بربنا وشوف
والحمد لله الحين عدى 3 شهور وكل شي تمام
الين................................................................................................................
من قبل اسبوع فتحت جوالة ولقيت في تقارير التسليم رسالة مرسلة لوحدة مو كاتب كلام مو زين لا بس كاتب انو انت بنت اصول والله يخليلك ........
ما طلعت الرسالة كاملة لانها في التقارير وهو ما يعرف ان الرسائل تطلع في التقارير وماسحها من الرسائل المرسلة بس انا لمن شفت الرسالة انجنيت ولقيت رسالة ثانية طالب منها الدعاء لشخص عزيز علية متوفي
طبعا لمن صحي ماحبيت انكد علية من بدري راح الدوام ورجع واتغدا وبعدها فاتحتة اول شي قال يمكن واحد من زملاي استخدم جوالي وبعدين حلف انو ما يعرف شي عن الرسالة المهم طنشنا الموضوع وقلت انا ما ابي اعرف شي عن الرسالة ولا عن المرسل الية ولا الموضوع انا راح اجلس في البيت لين اخر الأسبوع علشان بنتي الي في المدرسة دبر شغالة لعيالك وانا ابي اروح بيت اهلي
طبعا رجع جاني بعد المغرب وقالي قصة الله العالم صح ولا كذب زي عوايدة قلتلة ليش ما اتكلمت من اول ليش سكت للحين تفكر في كذبة انا قلتلة مو مصدقة
المصيبة ياجماعة الموضوع مرتبط بشي قديم
وهو قبل قرابة السنة كان في رقم غريب يدق على زوجي وهو كل ما يرد ما احد يرد واذا هو دق ينفتح الخط من غير صوت
بعدها بكم يوم اجتمعنا انا وكم بنت من قريباتي وحدة فيهم قالت لنا انو في وحدة من البنات الي تقربلنا مرة مو كويسة والله اعلم يعني تحب تكتشف ازواج الحريم ما يمر وحدة ما كلمت زوجها خصوصا الي يعجبها شكلة او تسمع اي شي عنة حلو انتبهوا على ازواجكم وهي الحين تكلم واحد ورايح وطي معاها وما خذتوا تريقة وتتمسخر اهي وأخواتها علية ....اللهم بلغت
احنا رحنا فيها وكل وحدة في ذيك الفترة طلع في رقم يأذي زوجها جمعنا الأرقام طلعت مختلفة انا ما ابي اضلمها لاكن اش معنا ازواجنا كلهم 3 في نفس الوقت يتعاكسوا وكل وحدة فينا زوجها من مكان ما لهم علاقة في بعض
المهم انا بصراحة رحت وقلت لزوجي اولا خفت لا سمح الله يوزة الشيطان وبعدين تروح سمعت زوجي وطي وانا كمان راح اموت
قال: انا اصلا مو معطي الموضوع اهمية ومطنش وكنت كل ما اسألة يقول خلاص ما احد دق ومرة الأياااااام واللحين طلعت الرسالة المرسلة لنفس الرقم القديم انا كان راح تجيني جلطة
الحين هو يقول انا الرسالة الأولى ارسلتها بالغلط كنت مرسلة واستخدمت السجل وراحت الرسالة لها بالغلط يعني خرااااابيط وبعدين سار يقول انا بس ابي استدرجها اذا وحدة علشان ترد لان الرقم ما بطل يدق مو كثير بس ممكن مرة في الشهر قلت انت ما قلتلي قال ما جات مناسبة
قلت انا قلتلك احتما ل يكون من طرفها قال واحتمال لاء قلتلة مو هذا المهم من طرفها مو من طرفها المهم انك غلط في حقي
.....انتهى الموضوع وانا زعلانة وعلى اساس رايحة رايحة على بيت اهلي قلت الحشيش ما خدش علاقتنا الزوجية كان ابتلاء وانا لازم اوقف معاك والحمد لله تجازيني بتصرف مثل هذا
جلست اخر الليل زي عوايدي اصيح وابكي بس كانت نفسيتي سيئة بزيادة ما حسيت على نفسي انهرت بزيادة سمع صوتي وجاني وجلس طول الوقت يحلفلي انو ماعمرة خانني من يوم تزوجني ولا كلم ولا شاف وحدة غير ي طبعا نمت وانتهى الموضوع
بعدها بيومين والله ما برى الجرح
يتبع ...............
غريبة قصة احزاني @ghryb_ks_ahzany
عضوة جديدة
يلزم عليك تسجيل الدخول أولًا لكتابة تعليق.
الحنونه2007
•
ياربي يالرجال مافيهم الطاهر الا من رحم ربي
smr1234
•
الله يصبرك يااختي وربي حالتك مثل حالتي
انا اكتشفت مثل هذي الاشياء عند زوجي وفي البدايه سكتت
والحين ماااقدر اقول شي لني غلطت من اول بسكوتي
ماانصحك تسكتين لن سكوتك راح يخليه يتمادا في افعاله
والله يسخره لك
انا اكتشفت مثل هذي الاشياء عند زوجي وفي البدايه سكتت
والحين ماااقدر اقول شي لني غلطت من اول بسكوتي
ماانصحك تسكتين لن سكوتك راح يخليه يتمادا في افعاله
والله يسخره لك
اسال المولى انه يتولاك برحمته ويعينك على محنتك والي صبرك معه هذا الفتره كلها وقدرتي تطلعيه من ادمان الحشيش قادر يساعدك تنسيه بنت الشوارع هذي وان شاء الله يكون صادق وتكون بالغلط
واسفه على الرد وبانتظار تكملت الموضوع
واسفه على الرد وبانتظار تكملت الموضوع
الصفحة الأخيرة