هلا خواتي

انا عن نفسي ما اعرف شو نوعية قماش الصالونة لكن احنا في قطر نعرف قماش والغالبية يفصلون منه للعبايات سواء للراس او الكتف وهو معروف باسم كريب سعودي لكن عند الرغبة في الكي انا عن نفسي اتكوي لي الشغالة والعباية مقلوبة حتى ما يطبع مكان الكي في القماش.

لكن عندي استفسار خصوصا لبنات الكويت الملتزمات ...

دائما الاحظ ان لبس النقاب في الكويت مع عباية الراس مرتب وكمان السعوديات بس حاولت وما ضبط علي لاني قصيرة وابغي شي مرتب وعملي يعني ابغي عباية فوق الراس ونقاب ما ادري يمكن هو لثام بالضبط بس مهب لافت للنظر ..واعتقد الاخوات في السعودية يعرفونه واشوف بعضهم يلبسون زيه..

ارجوكم فيدوني بسرعة هاليومين لان اختي بالكويت قبل ما ترجع من السفر بالسلامة ان شاء الله على الاقل تعلموني باسماء القماش ومحل بيعه حتى اقول له تجيبه معاها وتكسبون فيني اجر الالتزام بلباس شرعي سليم..

ارجوكم فيدوني ...

في امان الله
اللهم لك الحمد كما ينبغي لجلال وجهك وعظيم سلطانك
اللهم اني اسألك من الخير كله عاجلة وآجله ما علمت منه وما لم اعلم واعوذ بك من الشر كله عاجلة وآجله ما علمت منه وما لم اعلم
انا اقولك حبيبتي بس اول شي اقول الله يثبتك يارب ويجزاك الف خير على حرصك على الستر

انا صلت وجلت بالعبايات الى ان طحت على (((( صالونه )))) تلاقينها بدون اسم طبعا هذا بالسعوديه عندنا بكل مكان وفي بالبحرين بمجمع البحرين اللي فيه جيان بس بالكويت والله مدري ولا بقطر

هذا اللي عندي وعلى فكرة العباة ما تحتاج كوي يعني علقيها بس وهي تنفرد من حالها طبعا لانها تجنن
انه مره شفت وحده عجبتني عبايتها واهي العبايه مكسره كلها على طول لما سالت راعيتها عنها قالت انه اهلها جابوها لها من كويت وصدقوني للحين ادور عليها عندنا مافي وخاطري فيها حيل وااااااااااايد عجبتني لكن شاقول انطر يا ....لي يجيك الربيع خخخخ
صراحه صالونه هي الاحلى والارقى
بس للدوام خسر لا زم تتقطع من تحت وتهتري من الكراسي
عشان جي انا افصل للدوام (شيخه) اسم قماش هذا مش وحده... مرتبه واتم معاج اطول وبصراحه في كل غسله اتحسينها بعدها يديده مش مثل الصالونه تملح اشوي
حبيبتي ام جابر انا افصل النقابات اللي تقصديها وهي تطلع على اللبس مرتبه وكانها لثمه اوصل للامارات اذا تريدين خبريني وانا ارسل لك


الساعة الآن 10:35 .