هلا ام جابر كيفك
نورتي

بدي اسالك عن الشيل من وين في شي حلو

انا جبت من كم شهر من عند المتحجبة ومن محل بدون اسم

>>>>>>>>>>> الاخت جديدة على الشيل والعباية وبدها شوية تشجيع

ها شو رايك ام جابر
يا هلا اختي وندش...( شنهو معنى اسمج)؟؟؟؟؟!!!

عادة محلات العبايات والشيلات الموجودة في سوق فالح تبيع نوعيات جيدة في حالة التفصيل وارخص من المحلات الكبيرة الموجودة في المجمعات..

لكن انا عن نفسي اشتري جاهز من المجمعات افضل من ازعاج السوق والتأخير في الاستلام وفيهم عيب غريب دائما يفصلون العبايات على الجسم بالضبط يعني تقولين له وسع يقول لج لا هذي كثير واسعة اللي عليج تحتاجين اضيق ويروح يعملها لج بمقاس بنت صغيرة يعني يا دوب تنلبس.

عموما الشيلات اللي اشتريتها من محلات زمزم في سوق فالح الكريب بالذات جيدة وكذلك القماش للعبايات خصوصا الكريب السعودي اما سوق واقف المحلات اللي داخل عندهم شيلات شيفون بعد تجنن حلوة وشيفون بس حاسبي ترى تخترب شيلات الشيفون لما تغسليها سواء بالبيت او بالمغسلة ليش ؟؟؟ما ادري ..
وعندك محلات مثل المتحجبة وبدون اسم والاختيار الاول وبوكنان وكم محل في الستي سنتر بس ناسية اسمائهم عندهم عبايات مع شيلاتهم جنان ..روعة بس انا عن نفسي اشتريهم للمناسبات..

اذا حبيتي تسأليني عن شيء ثاني انا حاضرة بس تأمريني أمر..
اللهم لك الحمد كما ينبغي لجلال وجهك وعظيم سلطانك
اللهم اني اسألك من الخير كله عاجلة وآجله ما علمت منه وما لم اعلم واعوذ بك من الشر كله عاجلة وآجله ما علمت منه وما لم اعلم
حبيبة قلبي ام جابر

الله يخليكي

بس انتي قلتي احسن شي الشيفون وبعدين حكيتي انه بيخرب من الغسيل احترت شو اعمل

بدي اروح اليوم اشتري

اه نسيت اليوم شفت وحدة لابسة شيله شيفوت بتهبل وهي مطرزة الشيله باللون الاسود حللللللللوة

على العموم والله ماقصرتي وغلبتك كلك زوووووووووووووو وووووء
اقتباس مشاركة
المشاركة الأصلية كتبت بواسطة ((ليالي نجد))
اذا سمحتي يا خرافة ترسلي الرقم..

وشكرا مقدما..
حبيبتي وندش ..

اعتذر عن عدم الرد لاني انشغلت في اجازة نهاية الاسبوع..
عموما

انا ذكرت لج ان الشيفون يخرب صح بس قصدي لو تشترينه لا تغسلينه لا غسيل يد ولا غسالة ولا حتى بالمغسلة لانه بيخرب باي شكل ..

وعندي لك حل بسيط..
كلما تبغين تكوين الشيلة تقومين برش ماء عليها وهي بهالطريقة راح تنظف بدل من انج تغسلينها كلها لانها بتصغر وبتكش..

وعلى فكرة انا ذكرت لج المحلات اللي يبيعون فيها الشيلات اللي في السوق وطبعا في انواع بالسوق من الشيلات منها الشيلات الكويتية اللي تنلبس مع الكاب ومنها الشيفون ومنها الكريب وحاليا بدأ ينتشر القطن وهي شيلات قطن انا عن نفسي اشتريت لي وحدة بس لسه ما لبستها..

عندج الزرقي انا شفته يبيع شيلات حلوة بس على فكرة للامانة انا شفت شيلاته اللي في البحرين لكن كانت بسعر قطر يعني فرعه اللي في قطر ما زرته تقدرين تشوفين الاشكال اللي عنده وفي محل اسمه قصر الحمراء في سوق واقف شفت عنده شيلات شيفون حلوة وغريبة وملونة او باسود وكل المحلات اللي قريبة منه تبيع اشكال منها وعندج محل بالستي مقابل سناء عنده شيلات حلوة .

وانا حاضرة لج ولجميع الاخوات لاي سؤال ..
اللهم لك الحمد كما ينبغي لجلال وجهك وعظيم سلطانك
اللهم اني اسألك من الخير كله عاجلة وآجله ما علمت منه وما لم اعلم واعوذ بك من الشر كله عاجلة وآجله ما علمت منه وما لم اعلم


الساعة الآن 12:50 .