وكمان تستخدميه في الاكل المغربي
10-01-1431 هـ, 01:56 صباحاً
 
عزيزتي


نحن في الامارات نستخدمة في كثير من الوصفات


في جميع انواع البرياني سواء باللحم او الدجاج او الروبيان

فنجان ماء ورد وفيه شوية زعفران ترشينه علي وجه الرز وهو في القدر

لاعطاء نكهة للرز ويعطي لون مميز يوم تغرفين الرز في الصحن

ونستخدمة في عمل الخبيص ( طبق حلو اماراتي )

ونستخدمة ايضا في وصفة ( البلاليط ) اللي هي الشعيرية

هذا اللي يحضرني الان

وعلي العموم في كل استخداماته ينقع في شوية ماء او ماء ورد


وتحياتي لج
10-01-1431 هـ, 03:10 مساءً
 
انا ام الزعفران

لاني لا استغني عن الزعفران ابدا

علشان تحصلين على لون وطعم للزعفران اتبعي الخطوات الأتيه .

شوفي اختي اهم خطوه في الزعفران انج تجيبين الاصلي وطبعا الاصلي غالي .. وتجيبين حوالي ثلاث علب صغيره وتحطينه في الخلاط وتطحنينه . بس مو خلاط الكاس .. اقصد في المولينكس اللي يطحن المكسرات او اللي يطحن السكر ويخلي السكر نااااااااعم .. طيب شغلي المولينكس ولما ينطحن عندج الزعفران اصبري اشويه لا تفتحين الغطا علشان راح يتناثر البودره في كل مكان اقل شي تصبرين ثلاث دقايق وبعدين تجيبين علبة صغييره وتحطين فيها الزعفران البودره وجيبي فرشا وحاولي تنظفين المولينكس من البودره بالفرشه وتصبينه في العلبه او الغرشه .. علشان ما تضيع ولا ذره من الزعفران .. هذه اول خطوه

ثاني خطوه للزعفران بعد ما طحنتيه انج تستخدمين ماي دافي يعني ربع كوب ماء دافي يوازيه مقدار من الزعفران قد حبة العدس كفايه وراح تشوفين اللون بنفسج .. بس خليه اشويه حوالي 10 دقايق ومافي داعي تخلطين انتي بس نثري الزعفران على الماي وحركيه الكوب بشكل خفيف .. ها الطريقه بالنسبه لتلوين الرز وتصبين على الرز الابيض بعد سلقه وتصفيته ووضع الرز في القدر ثم يرش عليه وبضع ملاعق من الزيت ويكمل استواء على النار ..

وللبرياني نفس مقدار الماي نحط ماي ورد ونزود من بودره الزعفرااااااااااااااااان

يعني ربع كوب ماي + ربع كوب ماي ورد + زعفران

بس عموما لما تطحنين الزعفران تحصلين على لون احلى من الشعيرات

اتمنى اني افدتج
10-01-1431 هـ, 10:51 مساءً
 
يستخدم ايضا للقهوه حطيه بالترمس
قبل تزلين القهوه
12-01-1431 هـ, 02:56 مساءً
 
الله يجزيكن الخير يا رب و يبارك لكن في رزقكن ياللي رديتن علي!
28-01-1431 هـ, 04:19 صباحاً
 


الساعة الآن 12:55 .