أمة*الرحمن العفوا ولو ما سويت شي تستاهلين
26-06-1425 هـ, 07:07 مساءً
 
اختي العزيزه ( امه الرحمن )

كله ولا الزواج يا معودة !


انا سويت ذاك المطبق يوم الجمعه اللي مسحوا الطبق 0

وطريقتي ترى سهله وتقدرين تستعملين اي نوع سمك مو شرط الزبيدى 0

اولا تغسلين السمك وتفتحين بطنه شويه مو وايد وترشينه بالملح والطحين عشان الزفر وبعدين تغسلينه0

تحشين السمك ( بصل مفروم + ثوم مهروس + كزبره + اشبنت + كاري وبهارات السمك وملح )

بالجدر تحطين بصل مفروم وايد وزيت وتخلينه شويه لما يطرى وتحطين فوقه السمك وتقلبينه على الوجه الثاني

حتى يستوي شويه ( مو ينهري ! ) وبعدين تشيلينه من الزيت وتحطينه في صينيه فرن وترشينه بالهيل والداريسن

وتخلينه حتى يتحمر بالفرن0

ثانيا : تغسلين الرز وتنقعينه شويه وبعدين تصفينه وتحطينه في الجدر اللى قليتي فيه السمك مع البصل

وتقلبينه و تحطين اعواد دارسين ومسمار ولومي اسود وملح و قرنين فلفل اخضر حار وبعدين تضيفين ماء مغلي بحيث يرتفع عن الرز

بمقدار 1سم وبد ما يتشرب الماى تخلينه على نار هادئه حتى يتسكر وفوقه توزعين قطع زبدة

وحطي السمك فوقه 0
وبالعافيه
28-06-1425 هـ, 01:19 مساءً
 
السلام عليكم

اختى امة الرحمن

ان شاء اتعلمين كل الطبخات الكويتيه وتتفننين فيها

وان شاء الله ما يتزوج عليج زوجك

بس الصراحه وبدون مبالغه كل الكويتيات شاطرات فى الطبخ

سواء دسم او حلو او معجنات

تبارك الله

حتى ان زوجى ماخذ دوره لتعلم اللغه الانجليزيه

يقول المدرسين البريطانيين والامريكيين يقولون له ان الميزه المشتركه

فى كل البيوت الكويتيه الطبخ الرائع والشهى على قولهم

حتى انهم مستغربين حب الكويتيين للمطاعم رغم طبخ البيت الشهى والعجيب

حتى فى مدرس امريكى يقول مو معقوله كل ما انعزم فى بيت القى الطبخ احلى من اللى قبله



ارجو ان اكون ما ازعجتك ( ومداح نفسه يبيله رفسه)
29-06-1425 هـ, 01:42 صباحاً
 


الساعة الآن 07:06 .