الله يعين

ياعمري والله اني حاسة فيك ,, ومدري ليش كثير من الحريم مستهينة بالتدخين
مع انه اسوأ شيء وبداية كثير من الكبائر التدخين ,, ولا تجي واحدة تقول التدخين
مايأثر على الشخصية ؟؟ بالعكس المدخن عصبي والله العالم وش ورا هالتدخين بعد

نجي لمشكلتك اختي .. اظن والله اعلم انه يدخن من قبل بس كان يدخن بعيد لبعيد
اعرف واحدة قريبتي كذا كان يدخن من قبل وماحد عارف وخطب واهلها وافقوا على اساس اخلاقه
وعدم تدخينه ,,

وبشهر العسل قال بيحطها امام الامر الواقع قام جاب الشيشة بالمطعم يشيش .. وانجنت
تفكره يستهبل ,, وعقبها صارت مشكلة وصار كل ماجاء يدخن يطلع مع اصحابه .. يوميا يطلع معهم
يسهر عشان يدخن .. والله حاجة تقهر اهلها حسوا بس ماقالوا له شيء خصوصا انه محترمها
ومحترم اهلها .. بس والله شلون الواحدة بكرة تربي عيالها وتقول حرام التدخين وابوهم يدخخخن؟؟

كلمي زوجك قولي له هذا حرام لأن الله سبحانه يقول : ولا تلقوا بأيديكم إلى التهلكة

وكذلك هذا من اضاعة المال اللي حرمها الاسلام ويوم القيامة بينسأل عن كل ريال ضاع بغير
وجه حق .. كلميه بهدوء واكثري من الاستغفار وعلميه ان هذا من خوفك ومحبتك له ..

وادعي الله يصرف قلبه عن التدخين وعن هالشلة الفاسدة اللي التم عليها
لأن لو فيهم خير نصحوه ماجروه لهالشيء اعوذ بالله

الله يفرج عليك

ان شاء الله
والله ماتدرون قد ايش ضايق صدري
انا الحين داخله حملة استغفار الله يتقبل بس

اشـــــــــــــــكركم جميعا على الرد
وجزاكم الله الجنه بغير حساب

تسلمين يارويال الله يعلم بحالي
اهو فيه ربو تخيلي اقوله حرام عليك بتذبح عمرك يقولي الدخان اللي انا شاريه قوته خفيفه يعني عادي عنده
انا ادري اللي خلاه يتجرا على الدخان بيخليه يتجرا على اشياء ثانيه انا اعرف زوجي زين وهذا اللي منكد علي

يوه كثير من زملاء زوجي عقب ماجام عيال طاحوا بالدخان
الله يعينك
كثري الدعاء