Analysis Services
السلام عليكم ورحمة الله وبركاته



إشلونكم يا بنات المنتدى الرائعات


أنا اليوم موضوعي غريب وطريف شوي


أنا من النوع إلى أحب العصاري أو الضحاوي
أشرب لي شاي وأحب تكون معاي بسكوته أغمسها

يعني تعودت كسناك او عصرونيه


بس الصراحه مليت وما خليت شي ما جربته من الأنواع
الموجوده بالجمعيات ومركز سلطان

آخرها بسكوت إسمه بايلتز وااااااايد لذيذ
من شركة لوتس هذي الي بسكوتها مستطيل مكيس كل بسكوته بروحها بطعم الكراميل
كان تعرفونه

المهم



يله أبي مشاركاتكم

شنو تحبون إتغمسون مع الشاهي من أنواع البسكوت

غير التك والدايجستيف طبعا

مع إنهم لذيذين بس مليت منهم

شنو أنواع بساكيت جديده جربتوها ؟؟؟؟؟؟؟؟؟



ناطرتكم يا خواتي أنا وإستكانتي لا تخلون شايي يبرد


25-06-1425 هـ, 09:20 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
صحيح الموضوع غريب
عنا دايما نستعمل بسكوت نيترو المالح ...هو يجي بكيس أصفر اسطواني الشكل وعلي صورة دبدوب...أمي تحبه وايد ، لأنه مش مثل تك يعني ما يذوب بسرعة ...اما زمان كنا على بسكوت نبيل ....وغالبا نغمس على الفطور
بالهنا والعافية أختي .....
26-06-1425 هـ, 02:50 صباحاً
 
أحلى بسكويت للتغميس مع الشاي اهو بسكويت الشاي من أولكر
مره حلووو ترى
26-06-1425 هـ, 03:51 صباحاً
 
احلى شي انك تسوين لك شابورة بيدينك ولامواد حافظة ولا خرابيط ماتدرين وش معناها مكتوبة على ها القراطيس ....
واذا صلحتيها احفظيها ابرطمان تجلس اكثر من اسبوع ماتغيرت ريحتها ولانكهتها....

معليش على اللقافة تسالين عن بسكوت واجاوبك عن شابورة بس ترى هذا طبع الحريم من سالفة لسالفة
والسالفة الاولى توها ما تمت ........................والدايجستيف روعة بس يسممممممممممممممممن.....

والسموووووووووووووووووووووحة مرة ثانية على اللقافة....
26-06-1425 هـ, 04:30 صباحاً
 
هلا عيوني انا مااخالف اي شي ازرطة عادي اروح لرف البسكوت في السوبر ماركت واقش ومايردني الا فتح الكيس افضل ماجربت بسكوت اولكر مااوفره للحلى هههه وبعد داجستيف وكل شى مااعافة ومشكورة على الموضوع الظاهر اشتهيت شاي بسكوت تعالو معي الله يحييكم
26-06-1425 هـ, 05:00 صباحاً
 


الساعة الآن 10:18 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏