خواتي ..

عندي مشكلة أتمنى تساعدوني في حلها

أمتلك مواهب كثيرة أقدر إني أستثمرها في مشاريع تجارية
ومثال عليها:

تأليف الكتب
تصميم مواقع الإنترنت
تصميم الأزياء
المكياج
تنسيق الزهور
تغليف الهدايا والحلويات
ترتيب الأفراح وتنسيقها
الأشغال اليدوية وأعمال الديكور



كما أنني أمتلك أفكار كثيرة لمشروعات تستثمر مواهبي السابقة

ودرست كورسات في مجال المشاريع التجارية وعندي كتب تساعدني على دراسة جدوى المشاريع والتخطيط لها

ولكن :

مشكلتي إني كلما بدأت أتوقف في منتصف الطريق

ما أعرف ليش ؟؟ أحس عمري مثل العاجزة ؟؟

ما أقدر أكمل على الرغم من توافر كل الظروف

فجأة جي

شو أسوي وشنو الحل في نظركم

تعبت واايد .. وأغلب اللي أسويه مشاريع غير مكتملة

سبحان الله وبحمده
استعيني بالله و تعودي من الشيطان الرجيم

و نوي في نفسج لنك تكملين هدا العمل و ان شاء الله بادن الله سوف تكملينه

أختي الغالية ,....
نفس اللي قالته الأخت سمورة الدلوعة ...
واجاوبك ليش لأن مواهبك كثيرة رح تحتاري فيهم و ما تبين تضيعينهم أو تهمليهم ، بس أختي احيانا لما تكثر الاختيارات تقفين كالعاجزة ... وماشاء الله مواهبك مترابطة تقريبا ..بس اختاري واحد منهم وكملي فيه ،وان ترددت أو صادفك شي أو معوقات لا تبدليه كملي وقاومي نزغات الشيطان لأنه يزعزع ثقتك بنفسك ...وأبداً لا تتحسري على انك تركت الباقيين ...
خلي لك مهنة واحدة والباقي ما رح يضيع هي هوايات ممكن تعلمينها لأي بنت ثانية وتساعديها بخبرتك هيك أبداً ما بتضيع بالعكس ، وركزي على مهنتك وكمليها ... شو فايدة الموهبة اذا بتبقى مكانك سر ... صدقيني كل اللي يريده الشيطان ان الوقت يضيع فيما لا ينفع ... فاستغلي نشاطك وحماسك في انك تتميزي بموهبه من مواهبك
بالتوفيق وفي حفظ الله
شوفي عزيزتي مثل ما يقول المثل سبع صنايع والبخت ضايع انتي عندج مواهب ماشاء الله شوفي أقرب موهبةلنفسج وتقدرين تبدعين فيها مثلا تنسيق الزهور وتغليف الهدايا ابتدي من البيت من خلال صديقاتج واقاربج واذا عندج امكانية تفتحين محل افتحي وان شاء الله يوفقج ..
الله يوفقج يارب اانا الصراحة اشجع المواطنات

عتدي فكرة لج ممكن من الا فكار والمشاريع اللي عندج اتروحين مشروع محمد بن راشد للباب في ابراج الامارات وراح ايساعدنج ويعطونج تمويل لمشروعج


الساعة الآن 03:01 .