Analysis Services
اقتباس مشاركة
المشاركة الأصلية كتبت بواسطة صدى الأشجان
شوفي عزيزتي مثل ما يقول المثل سبع صنايع والبخت ضايع انتي عندج مواهب ماشاء الله شوفي أقرب موهبةلنفسج وتقدرين تبدعين فيها مثلا تنسيق الزهور وتغليف الهدايا ابتدي من البيت من خلال صديقاتج واقاربج واذا عندج امكانية تفتحين محل افتحي وان شاء الله يوفقج ..
تسلمين أختي على نصايحج

29-06-1425 هـ, 01:47 مساءً
 
اقتباس مشاركة
المشاركة الأصلية كتبت بواسطة بنت_البنات
الله يوفقج يارب اانا الصراحة اشجع المواطنات

عتدي فكرة لج ممكن من الا فكار والمشاريع اللي عندج اتروحين مشروع محمد بن راشد للباب في ابراج الامارات وراح ايساعدنج ويعطونج تمويل لمشروعج

مشكورة أختي على نصايحج

وبغيت تخبريني أكثر عن مشروع محمد بن راشد وهل انتي جربتي ولا لأ ..

وأروح عند منو بالضبط

29-06-1425 هـ, 01:50 مساءً
 
اقتباس مشاركة
المشاركة الأصلية كتبت بواسطة سحابة خير
اختي يمكن ايكون السبب لانج ما تكتمين المشروع عن الناس في بداية تنفيذه فتصابين بالعين او ما شابهه..
ولا تنسين قول الرسول صلى الله عليه وسلم (((( استعينوا في قضاء حوائجكم بالكتمان)))
توكلي على الله وخلي الموضوع بينج وبين اهلج لين يكتمل ,,
والله يوفقج..

مشكورة أختي

وأنا فعلا اذا بديت في مشروع أتكلم فيه .. ومرة حسيت إنه من العين ..

لكني أحاول إني ما أعطي نفسي مجال علشان ما أستسلم

ويزاج الله خير

29-06-1425 هـ, 01:55 مساءً
 
اقتباس مشاركة
المشاركة الأصلية كتبت بواسطة maha2003
اختي انا من رايي انك تدورين شريكة لك عشان تشجعك في الاستمرار وتكون معاك حيث ان الخسارة و التوقف عن العمل ما راح يكون قرارك لوحدك وبذلك راح تشعرين ان الموضوع جاد
فكرتج حلوة

بس إن شاء الله إني ألاقي شريكة مناسبة

لأني ألحين انتقلت من إمارتي ( مع هلي وربعي) لإمارة الشارقة

والله يعيني

29-06-1425 هـ, 01:58 مساءً
 
اقتباس مشاركة
المشاركة الأصلية كتبت بواسطة قصر من سكر
والله مشكلتج نفس مشكلتي
ونفس هواياتي تقريبا إن شاء الله نلقا الحل المناسب
وعجبتني فكرة بنت -البنات

والله الموفق
مشكورة أختي

يالله عيل نسوي مع بعض مشروع ونشجع بعض

29-06-1425 هـ, 02:00 مساءً
 


الساعة الآن 03:01 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏