ياليت لو تعطوني طريقه سهله ولذيذه للعدس الاصفررررر

غاليه والطلب عدس ؟؟؟؟
تفضلي حبيبتي من عيوني

تغسلين العدس قد اللي تبين وتنقعينه لمده نص ساعه
تصفينه بطاطس قشرتيه وقطعتيه مكعبات وصبي عليه ماي حار ومكعب ماجي وتركيه على النار
لغاية ماتشوفينه استوى نستغل الوقت ونحط بصل في مقلى وتصبين عليه شوية زيت وتحمرينه
تحمير بسيط تضيفين عليه ثوم مفروم وبهارات مثل الكمون والفلفل الاسود والكركم واذا عندج كاري
حطي شوي وضيفي عليه طماطم مفروم وحركيهم مع بعض وبعدين حطي اللي سويتيه بالمقلى
على العدس وتركيه يغلي شوي على نار هاديه ضيفي الملح
واذا تحبينه بالصلصه ضيفي على الطماطم بالمقلى معجون طماطم

حبيبتي هذي طريقه من عدة طرق للعدس

عدس باللحم
عدس بالباميه
عدس بالخضار
عدس بالكاري والفلفل الحبشي

طريقتي بالعدس لعيونك :
جيبي العدس الاحمر وبعدين اسلقيه في ماء لحد ما ينهرس تقريبن نص ساعه و اكثر شوي على نار متوسطه مع التقليب
واذا خلص طبعنا ما يكون خفيف بعدين حطي بالخلاط بصل واحد وفص ثوم وحبتين طماطم مقشره ومشيول اللب وشوي زيت زيتون
وشوي كمون مطحون وشوي فلفل اسود وخلطيه زين واذا تبغين العدس احمر واجد ضيفي شوي معجون طماطم السعوديه
وضيفيه للعدس وخاليه يطبخ شوي ويكون شوي ثقيل احسن من الخفيف
والف صحه وعافـــــــــيه
هذا الطريقه يحبونها زوجي وعيالي
اللهم اني استودعك سوريا واهلها ......امنها وامانها ....ليلها ونهارها .... ارضها وسماءها ...فأحفظها ربي من بشار وشيعته وأرنا فيهم عجائب قدرتك .
اللهم انا نستودعك اخواننا في سوريا رجالهم ونساؤهم واطفالهم يامن لاتضيع عنده الودائع
مشكوره يالسنعه والغاليه كفيتي وفيتي وطريقتك سهله
اقتباس مشاركة  (( قلب صافي ))
طريقتي بالعدس لعيونك :
جيبي العدس الاحمر وبعدين اسلقيه في ماء لحد ما ينهرس تقريبن نص ساعه و اكثر شوي على نار متوسطه مع التقليب
واذا خلص طبعنا ما يكون خفيف بعدين حطي بالخلاط بصل واحد وفص ثوم وحبتين طماطم مقشره ومشيول اللب وشوي زيت زيتون
وشوي كمون مطحون وشوي فلفل اسود وخلطيه زين واذا تبغين العدس احمر واجد ضيفي شوي معجون طماطم السعوديه
وضيفيه للعدس وخاليه يطبخ شوي ويكون شوي ثقيل احسن من الخفيف
والف صحه وعافـــــــــيه
هذا الطريقه يحبونها زوجي وعيالي
مشكوره ياعسل؛وبجربها إن شاء الله


الساعة الآن 10:04 .