اشكرك ياأختي على طرحك الموضوع . بالنسبة لللأمورة علياء . كل سنة اصمم لها زي خاص . مثل الزي المغربي . الزي العماني و الزي الهندي . و أشتري لللأولاد الثياب المطرزة . اما التوزيعات فمرة اخذت قطعة من السدو الى صانع الفرش ليعمل أكياس صغيرة للحلويات لتوزيعها على الأهل . مر ة وضعت الحلويات في أكواب عليها كتب اسماء الأولاد . ومرة اشتريت اكياس من الخيش بداخلها الحلويات وخارجها باقة من الورد المجفف .

و الآن أريد منكم ياعزيزاتي تزويدي بأفكاركم الحلوة من حيث اللبس او التوزيعات .
01-07-1425 هـ, 04:23 مساءً
 
أممممم يتني فكرة

اليوم الله يسلمك و أنا قاعده أشرب في MUG خطرت علي هذه الفكرة ليش ما تروحين حق fauchon إلى في فندق الكروان بلازا و تاخذين منهم الحلويات و المكسرات عندهم بنبون عجييييييييب وعندهم مكسرات و شغلات حلوة بعد و اذا تبين تعطين الموظفات الي معاك في الدوام او مدرسات عيالك و تبين شي كشخة و يستفيدون منه حطي لهم هاذي الحلويات و المكسرات داخل MUG من fauchon أنا إلي عندي لونه وردي مع بنفسجي وايد حلو حق قرقيعان بنية و إذا ولد في MUG لونه أزرق.... هاااا شرايج ؟؟؟؟

تدرين راح احاول ادخل السايت و احط صور من هذه الماركة
01-07-1425 هـ, 06:11 مساءً
 
وشوالقرقيعان ؟
انشاالله هذاك اللىيدورون الاطفال ومعاهم اكياس يجمعون حلويات؟

متىتسوونه ؟
01-07-1425 هـ, 07:58 مساءً
 
السلام عليكم
مشاء الله عليج اختى الغالية الصراحة ذكرتينى مشكورة بس انا ودى اسوى شغلة من التراث الكويتى
01-07-1425 هـ, 10:38 مساءً
 
ايوووه يافتن هو نفسه

ونسويه 13 و14 و15 من شهر رمضان

وكل عام وانتوا بخير

هي مجرد عاده اجتماعيه متوارثه وفرصه لتجمع العائله وافرادها
وادخال البهجه على نفوس الأطفال لا اكثر ولا أقل

01-07-1425 هـ, 11:29 مساءً
 


الساعة الآن 01:29 .