Analysis Services
السلام عليكم


كيفكم ؟؟؟


موضوع عجبني من عالم النت ... و حبيت انقله لكم




شـــــوربة السي فـــــــود


20 حبة روبيان
10 حبات كاليماري
( ممكن اضافة فيليه سمك حسب الرغبه ) بس انا ما استخدمته

نذوب 4 ملاعق زبده على النار ( انا استخدمت المارجرين ) و نحط عليها ملعقتين طحين و نحركهم لحد مايختلطوا
نضيف كوب حليب و مويه حسب الرغبه و نكمل تحريك حتى يغلي المزيج و نخفف الحراره
نخليه على النار تقريبا ربع ساعه ... نضيف الروبيان و الكاليماري و نتركهم على النار مدة 10 دقايق
نضيف عليهم نص علبة كريمة خفق او نص علبة قشطه و ملح و فلفل اسود و شوي ابيض
نتركهم عشر دقايق .... بهالوقت نقطع الخضار الناليه الى مكعبات حجم وسط
( فلفل بارد + بصل + جزر + فطر ) و نضيفها على الشوربه ... و نخلي النار والعه عليهم مدة خمس دقايق و بعدين نطفيها
و نترك القدر مسكر 10 دقايق عشان النكهات تتداخل...

**********

سلـــــطة البنجـــــــــــر



علبة كبيره بنجر نصفيها و نغسلها و ندخلها فرن حار ( 350 ف ) مدة 20 دقيقه
في صحن التقديم .. نقطع ربع حبة بصل + ملعقه صغيره زنجبيل مبشور + فص ثوم مهروس + ملعقة اكل بقدونس مفروم
نضيف عليهم البنجر بعد مايستوي
الصوص : 6 ملاق زيت زيتون + ملعقتين خل + ملعقتين خل بلسمك + نص ملعقه صغيره سكر + ملح و فلفل اسود حسب الرغبه

**********

Garlic Shrimp

25 حبة روبيان حجم كبير نغسلها و نحطها في صينية الفرن
نصب عليها شوي زيت زيتون + ملح + فلفل اسود + 3 فصوص ثوم مهروسه ... و نقلبهم سوى
ندخلهم فرن حار ( 500 ف ) حتى يصير لونها وردي ( خذت معي 20 دقيقه لان روبياني مجمد )
بهالوقت ... نجهز الصوص و هو عباره عن :
نص كوب زيت زيتون + 3 فصوص ثوم + قرن فلفل حار ( ممكن 2 ) + ملح
نخلطهم بالخلاط ... نطلع الروبيان و نصب عليه الصوص ... و يقدم

**********

HOT CORN DIP


في صاج على النار نذوب ملعقة زبده او مارجرين .. و نحط عليها كاسين ذره و ملح و فلفل اسود و نقلبهم حتى
يبدا لون الذره بالتغير قليلا و نخليه على جنب..
في صاج ثاني .. نحمي ملعقة زبده او المارجرين و نحط عليها ثلاث ارباع كاس بصل مقطع صغير و نتركه الى ان يذبل
نضيف عليه ربع كاس فلفل اخضر + قرن فلفل حار + فص ثوم مهروس + نص ملعقه صغيره بابريكا و نقلبهم
نصب خليط البصل على الذره و نضيف عليهم ربع كاس مايونيز و كمشتين باليد جبن تشيدر مبشور و نقلبهم سوى
نصب الخليط في صحون تدخل الفرن .. و نرش على الوجه جبنة تشيدر ( و شوي شوفان او بقسماط حسب الرغبه )
ندخلها فرن حار ( 350 ف ) مدة 20 دقيقه ... و تقدم مع الخبز و ممكن برجر او هت دوق

**********

الإسقالوب البـــــحري

مافيه كميات معينه ...
نجيب الإسقالوب ... ننظفه
نسوي خلطة بشمل و نخليها على جنب
نذوب زبده و نضيف لها ثوم بودره
نصب الزبده على الإسقالوب .. نصب البشمل .. نرشها بالبارميزان .. و اخيرا بقدونس طازج مفروم
ندخلها فرن حار ... حتى تذوب الجبنه و يتحمر الوجه

**********

العــــــــيش


في طاسه نصب 4 كاسات لبن + كاستين مويه + كاستين طحين و نخلطهم لحد مايختفي الطحين
نصب المزيج في قدر على النار و نحركه حتى يبدأ يثقل
نخفف عليه الحراره و نغطيه ... و نتركه مدة نص ساعه مع التحريك من فتره للثانيه
نصب عليه 4 ملاعق زبادي و نحرك و نغطيه
نضيف له ملح حسب الرغبه ... و ملعقه صغيره يانسون مطحون و نحركهم
نضيف لبن حسب مانبغى درجة كثافة المزيج ( انا احبه وسط ) نغطي عليه و نخليه على نار هاديه
تقريبا ياخذ العيش على النار مدة ساعه او ساعه و شوي
راح يتكون في اسفل العيش طبقه بنيه هذي من علامات نضجه ( انا احب اعصر عليه نص حبة ليمون بس مو ضروري )
يقدم العيش مع اللبن و السمن
فيه ناس تحب تضيف عسل مع السمن ... و ناس تحبه مع المرق
شخصيا ... احب اغطيه باللبن و فوقه شوي سمن
* طريقه سريعه للسمن : نحمس شوي طحين على النار حتى يصير ذهبي و نضيف له زبده و نخليها الى أن تغلي
ووووبس صار عندنا سمن

**********

مـــرقة اللحم مع اقراص العجيــــــن


اولا .. نسوي المرق : في قدر على النار ( يفضل قدر واسع ) نحمي شوي زيت و نضيف حبة بصل مقطعه صغار و نحركها لحد ماتذبل
نضيف 4 فصوص ثوم مقطعه شرايح و نحركها لحد مابدأ ريحة الثوم تطلع
نضيف كيلو لحم قطع و نحط عليه مكعب ماجي + ورقة غار + ملعقه صغيره كزبره بودره نحركهم
نسكر القدر و نخليه على نار هاديه لحد ماتبدأ اللحمه تفرز مويتها
نضيف عليهم حبة طماط مقطعه قطع كبيره و نكمل تحريك و نغطي عليها شوي
نضيف عليهم مويه حاره حسب الرغبه ... و نخلي اللحم يكبخ فيها و بعد نص ساعه نضيف
نص حبة فلفل بارد + حبة بصل ( مقطعين قطع كبيره ) + قرن فلفل حار + كوسا ( في حال الرغبه ) + نص كوب عدس مغسول
نترك اللحم يكمل ساعه على النار و نعدل الملح و نضيف فلفل اسود حسب الرغبه
لعمل العجين : في العجانه نحط 3 كاسات طحين ( فيه ناس تخلط الطحين الأبيض و البر ) انا استخدمت ابيض لأني ما اعترف بالطحين البر
نضيف عليهم ملعقه صغيره ملح + مويه حسب الحاجه ( تقريبا استخدمت كاسه و شوي )
المهم تتكون عندنا عجينه متماسكه ... نغطيها و نتركها على جنب لحد مانخلص من اللحم
نبدأ في تقريص العجين ...
حبيت اخليهم كور متساويه ... حجم كل مره 100 جرام
بعدين نفرد الكور زي صفيحة اللحم و نحطها على صحن مرشوش بالطحين
( الفرد باليد بمجرد الضغط و الأفضل أن نخلي الأقراص رقيقه تكون الذ )
نضيف شوي زيت على اللحم ... نحط القرص الأول من العجين .. نخليه لحاله 3 دقايق لحد مايتماسك
نضيف الأقراص واحد بعد الثاني مع مراعاة الحفاظ على وقت بسيط بين كل قرص و الثاني عشان ماتنعجن على بعض
نتركها على نار قويه مدة نص ساعه مع مراعاة التحريك من وقت للثاني بشكل خفيف
نطفي عليها ... و تقدم

**********
10-01-1431 هـ, 09:32 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1


كيكة الشوكولاته مع الزنجبيـــــــل



اصبع و نص زبده
كاس + ملعقتين اكل سكر بني
ملعقتين اكل سكر ابيض
ثلاث ارباع كاس سيرب ( تبع الوافل و البانكيك )
ثلاث ارباع كاس قصب سكر
ربع ملعقه صغيره قرنفل مطحون
ملعقة صغيره قرفه مطحونه
ملعقتين صغيره و نص زنجبيل بودره
ملعقه صغيره و ربع بيكنج صودا
ملعقتين اكل مويه دافيه
كاس حليب سايل
2 بيض
2 كاس طحين
ثلث كاس كاكاو بودره

نذوب البيكنج صودا في المويه و نتركها على جنب
على نار وسط ... نذوب الزبده
نضيف نوعين السكر + قصب السكر + السيرب + القرنفل + الزنجبيل + القرفه
نتركهم 10 دقايق على نار هاديه و نحركها
نشيلها من على النار و نتركها على جنب تدفى
نضيف لها البيض و البيكنج صودا المذوبه و كاس الحليب و نخلطهم
نضيف الطحين و الكاكاو باودر و نقلبهم بواسطة ملعقه
نصب الخليط في صينيه مدهونه و ندخلها فرن حار ( 160 ف ) مدة 45 دقيقه ... و نطلعها و نخليها تبرد

الصوص : شوكولاته مذوبه مع سكر بودره + شوي سفن اب

**********

مكسد بيريز مع الآيسكــــريم



بيريز مشكل ( فراوله + توت احمر + توت اسود ) او الإكتفاء بالفراوله فقط
نصبهم في صحون تدخل الفرن ... و نرش عليها شوي سكر ابيض
نسوي خلطه .. عباره عن :
( كاس شوفان + نص كاس سكر اسمر + 100 جرام زبده او مارجرين )
نخطها على البيريز ... و ندخلها فرن حار ( 350 ف ) مدة 20 دقيقه تقريبا ... او الى ان تبدأ عصارة الفواكه بالظهور
نطلعها ... و نحط عليها آيسكريم فانيلا و تقدم فورا

**********

Crepe Suzette



مقادير الكريب :
100 جرام طحين
175 مل حليب
75 مل مويه
3 بيضات
صفار بيضه
ملعقه صغيره ملح
20 جرام سكر
25 جرام زبده او مارجرين

نخلط البيض و الطحين و الملح ... نضيف السكر و الزبده و نخلطهم كويس ثم نضيف المويه و الحليب و نكمل خلط حتى يمتزجون
نغطي المزيج و ندخله الثلاجه مدة نص ساعه
نمسح صاج بشوي زبده و نصب عليه من المزيج بحيث يكون طبقه رقيقه و نخليها على نار هاديه حتى يتحول لونها للذهبي
نشيلها و ندهن شوي زبده و نقلبها على الوجه الثاني مجرد تاخذ لون ... و هكذا نستمر بالعمل حتى تنتهي الكميه و نغطيهم

الصـــوص : نكرمل 50 جرام سكر
و نضيف عليه 100 مل عصير برتقال ... نخلي المزيج يغلي و نخفف درجة الحراره حتى يثقل شوي
نضيف بشر نص برتقاله + 50 مل عصير عنب + 30 جرام زبده او مارجرين و نترككهم على نار هاديه جدا مدة ربع ساعه
نصف حبات الكريب و نصب عليهم الصوص ... و تقدم مع الأيسكريم و الفراوله

**********

Peanut Butter Cup Brownie Torte




7
7
7
شوفوا الدنيا كيف سااااايحه و الطعم جوووووونان ..


مقادير البراوني :
7 ملاعق اكل زبده او مارجرين
كوب سكر
بيضه
صفار بيضه
نص ملعقه صغيره فانيلا
ربع كوب كاكاو بودره
نص كوب طحين
ربع ملعقه صغيره بيكنج بودر
نص ملعقه صغيره ملح

نخلط الزبده و السكر
نضيف البيض و صفار البيض و الفانيلا
نضيف الطحين و البيكنج بودر و الملح و الكاكاو بودر
نصب الخليط في صينيه مدهونه و ندخلها فرن حار ( 350 ) مدة 20 دقيقه او الى أن نتأكد من نضجها
( طريقة الكيكه سويتها مرتين عشان يكون عندي دائرتين متساويه)
نخلي الكيكه تبرد تماما ...

موس البنت بتر : نص كوب كريمة خفق
علبة فيلادلفيا بحرارة الغرفه
ثلث كوب + ملعقتين كبيره سكر بودره
ثلث كوب بنت بتر
اولا : نخفق كريمة الخفق حتى تصبح جامده و نتركها على جنب
نخلط الجبنه و البنت بتر حتى يتجانسون و نضيف السكر البودره
نضيف طريمة الخفق و نخلطهم جيدا
ندخلهم الثلاجه نص ساعه ( انا تركتها ليله في الثلاجه )

ناخذ قطعة البراوني الأولى و نحط عليها من الكريمه
نحط فوقهم القطعه الثانيه و عليها الباقي من خليط الجبنه

اخيرا ... نسوي تشوكلت جاناش ( نذوب شوكولاته بالحليب مع كريمة خفق ) نتركها على جنب 5 دقايق
و نصبه على الكيكه ... و تقدم

**********

كــــيكة السكر البني


لعمل الكيكه :
كاس مويه مغليه
ثلاث ارباع كاس كاكاو بودره
نص كاس حليب سايل
ملعقه صغيره فانيلا
كاسين طحين
ملعقه صغيره و ربع بيكنج صودا
نص ملعقه صغيره ملح
كاس زبده او مارجرين
كاس و ربع سكر بني
ثلاث ارباع كاس سكر ابيض
4 بيضات
نخلط الأربع مكونات الأولى و نتركها على جنب
في وعاء ثاني .. نخلط الزبده مع السكر الأسمر و الأبيض
نضيف البيض وحده بعد الثانيه مع الخلط الجيد بعد كل بيضه
ننخل الطحين مه الملح و البيكنج صودا
نضيف الطحين المنخول و خليط الكاكاو باودر بالتناوب على مزيج السكر و البيض
نخلطهم جيدا ... و نصبهم في صينيه مدهونه و ندخلها فرن حار ( 350 ف ) الى ان تنضج ( خذت معي تقريبا ساعه )
نطلعها و نخليها تبرد تماما ..
لعمل الكريمه :
نخلط كاسين سكر بني + كاسين سكر بودره + نص كاس حليب سايل + ملعقه صغيره فانيلا
ندخلها الثلاجه تبرد و نوزعها على الكيك ..


تحياتي
10-01-1431 هـ, 09:33 مساءً
 
مشكووووره
10-01-1431 هـ, 09:43 مساءً
 
العفو اختي
11-01-1431 هـ, 10:59 صباحاً
 
رووووووووووووووووووووووووعه سلمت الايادي
11-01-1431 هـ, 03:59 مساءً
 


الساعة الآن 09:15 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏