Analysis Services
الله يعينج يا أختي ... صار لي نفس الموقف ..بس كان العدد قليل كنا 6 أشخاص .. فسويت لهم كبسة دجاج .. طبعاً تغيير .. لأن في الإمارات ما نسوي الكبسة ..بس الحمدلله توفقت و طلعت تمام...

جهزت الأغراض اللي تحتاجينها من بليل .. يعني الصحون الملاعق .. السكاكين و الحصير و الماي و العصاير و الكبريت .. المواعين اللي بتستخدمنها و حطي كل شي في بوكس بلاستيك كبير ..من ايكيا مثلا ..(لسهولة التحميل من البيت للسيارة و العكس بدل ما تشيلين معاج أغراض كثير بالأكياس)..
أنا جهزت السلطة من بليل بس بدون تتبيلة و حفظته بالحافظة البلاستيكية بالثلاجة .. و كذلك الصوص الخاص بالسلطة ..

ثانيا بالنسبة للطبخة .. حطيت بصل و ثوم و طماطم و صلصة طماطم بالخلاط (إذا تبين تضيفين أشياء ثانية على راحتج) و بعدين بحافظة بلاستيكية .. قطعت البقدونس و الكزبرة و الفلفل الحار الأخضر و بالحافظة البلاستيكة .. كذلك بالنسبة للزيت والبهارات و أي شي ثاني إنت تحتاجينه للطبخ .. أحسن لين ييتي تطبخين ما عليج إلا إنج تحطين الأشياء اللي بالحافظات بالقدر و ترتاحين من التقطيع و غيره .. و أنظف ..

و حتى اللحم جهزيه بالبيت و خليه بالقدر اللي بتطبخين فيه ..أحسن و أنظف من برا بالبر ... و حتى الحلو تقدرين تجهزين قبل بيوم و تحفظينه بالحافظات البلاستيكية ..مثل الكيك و الدونات .. يعني مو حلا بارد عشان ما يذوب ..

و طبعا حطي في بالك المغارف للأكل و الملاس و الصحون الكبيرة للغرف ... و صوص الحار نحن نسميه داقوس ما أعرف شو تسمونه ..

و السموحة هذا اللي عندي ..
11-01-1431 هـ, 01:35 مساءً
 
نفاف دبي مشكووووووره وربي ماقصرتي واعجبتي فكره احط كل شي بحافظه بلاستيك وارتاح من التقطع والحوسه

ماقصرتي يالغلاااا
11-01-1431 هـ, 01:38 مساءً
 
للرفع

الله يعينك
11-01-1431 هـ, 01:39 مساءً
 
والله بجد الله يعينك عموماً لاتكلفين على نفسك

البر مايبيله تتفننين قطعي سلطه واطبخي جريش

والذبيحه بيساعدونك الجميع عليها وخلصنا
11-01-1431 هـ, 01:41 مساءً
 
للرفع
11-01-1431 هـ, 01:43 مساءً
 


الساعة الآن 03:15 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏