السلام عليكم ورحمة الله
اخواتي الحبيبات ربي يتقبل صيامنا وصيامكم
قصتي ومافيها ان زوجي كل موسم صيام يطلب مني اسوي اللقيمات (العجينه المدوره والمقليه بالزيت)
ودايم اجربها واجربها واحاول بكل الطرق مي راضيه تضبط معي ولا زم اتفشل واطلع اعذار
وانا الحمدلله مني رفلا ولا جاهله الحمللده اعرف اطبخ اصناف وانواع بس هو يحب الاكلات القديمه الشعبيه وانا مي راضيه تضبط معي هالطبخه

ياليت اللي عندها لها طريقه بالمقادير وتضمن انها تضبط تعطيني اياها
بشرط تكون بالطريقه المعتاده اللي هي دقيق وماي وملح وزبادي ونشا << كلها جرتبتها

يالله انتظركم بأسرع وقت عشان اقوم اعملها
إذا استفدتي من أي من ردودي دعواتك لي بالبركه في الوقت والرزق وصلاح الذريه
انصحك تشتري خليطها جاهز تطلع روعه مره وهشه بس تضيف الخليط ومعاه يجي جو الكرتونه خميره حطيها كلها وصبي عليها مويه دافيه وخليها تكون عجينه متماسكه مو رخوه مره عشان تقدري تسويها دواير بسهوله وتقليها وصبي عليها الشيره وعووووافي
حتى انا ما اعرف اسويها
كنت بيت اختي الخميس وسوتها اعجبتني سالتها عن الطريقه
قالت طحين الكويت وملعقه حليب بودره
وبيضه وكسترد وماي طبعا
بس ما جربتها
كل مره اسويها ماتضبط
اذا فضيت سويت هالطريقه
ولا اعرف اصلا اشلون احطها في الزيت
استغفر الله
طريقتي اعتقد مكوناتها بسيطه ، بس اللقيمات بشكل عام بالرغم من سهولتها الا أن اتقانها صعب او بالاحرى تقدرين تقولين عجينتها حساسه ، وممكن تواجهك عدة مشاكل في صنعها ، اما انها تتخمر بزياده وتصير ريحتها خميره وهذا اللي مادانيه في اللقيمات واكره ماعندي تكون ريحة الخميره بارزه بالعجين .




أيضا مشكلة سرعة
طراواتها ، ألافضل تكون هشه وخفيفه وتتكسر بالفم ماتكون مثل العجين طريه ، وطراوتها ترجع بالغالب لمشكله في تحميرها وقليها او انك سقيتيها بشيره قوامها خفيف او ساخنه
.




المقادير :






[img]https://s3-eu-west-1.amazonaws.com/edgecast-upload/PE/2009/12/28/04/******e02b7a161a-1.jpg[/img]


كوب دقيق ( الافضل الطحين الكويتي لانه خفيف ومناسب لهالنوع من العجائن )


ملعقه طعام
نشاء الذره
.


ملعقة طعام مسطحه
خميره
.


ملعقه صغير
بكينج باودر
.


ملعقه طعام
سكر
.


ذرة
ملح
.



اي نكهه تفضلينها انا ماستغنى عن
الحبه السوداء
في اللقيمات ربع ملعقه صغيره تقريبا .

كوب
ماء فاتر
ممكن ياخذ اقل بقليل او أكثر .





الطريقه :




نضع المقادير الجافه




[img]https://s3-eu-west-1.amazonaws.com/edgecast-upload/PE/2009/12/28/04/******c9c8516938-1.jpg[/img]




ونخلط




[img]https://s3-eu-west-1.amazonaws.com/edgecast-upload/PE/2009/12/28/04/******2e5b219b0a-1.jpg[/img]



ثم يضاف الماء ، شخصيا افضل العجينه طريه ماحبها قاسيه افضلها تكون اقرب للسائله . يفضل لو تضيفينه بالتدريج .




[img]https://s3-eu-west-1.amazonaws.com/edgecast-upload/PE/2009/12/28/04/******80e71305b2-1.jpg[/img]







اخفقيها ( اضربيها باليد) زين وحاولي ترفعين يدك اثناء الخفق فوق عشان يدخل الهوى وتصير خفيفه أكثر .




[img]https://s3-eu-west-1.amazonaws.com/edgecast-upload/PE/2009/12/28/04/******f76d14e09b-1.jpg[/img]





[img]https://s3-eu-west-1.amazonaws.com/edgecast-upload/PE/2009/12/28/04/******a650079629-1.jpg[/img]




ولاحظوا شلون سائله لما اخفقها .




بعد الخفق غطي العلبه و اتركيها
تتخمر ، حسب حرارة الجو ، انا ماحبها تخمر اكثر من ساعه واحيانا اقل من ساعه ، ولاحظي إذا خمرت العجين ماراح تحمر معك بيطلع لونها اصفر
مهما حمرتيها .



إذا خمرت ارجعي
اخفقيها
شوي .


وابدي
إقليها
.


تختلف طريقة كل وحده
بتشكيلها
قبل القلي .



الطريقه المثلى ، انك تمسكين العجين
بقبضة يدك كأنك تبين تعطين بوكس <== امحق تشبيه عدواني



وتضغطين العجين وتطلعينه من فوق... بين الأبهام والسبابه . تاخذين اللي طلع بالملعقه وتسقطينه في الزيت
.



طبعا هالسالفه طويله
شخصيا
ماتبعها .




طريقتي بتشكيلها ، ابل أطراف اصابعي ب
الماء . وابدأ اخذ شوي من العجين وامسكها بثلاث اصابع ( الخنصر والبنصر والاوسط ) وادف العجينه بالابهام . نفس طريقة الاكل باليد عاالسنه النبويه
.




ان شاء الله يكون
الشرح واضح




[img]https://s3-eu-west-1.amazonaws.com/edgecast-upload/PE/2009/12/28/04/******5066219c58-1.jpg[/img]




إذا سقطيها بالزيت طبعا بتغوص .وبترجع تعوم




[img]https://s3-eu-west-1.amazonaws.com/edgecast-upload/PE/2009/12/28/04/******f8dfe22101-1.jpg[/img]






استمري في التقليب عشان تحمر بشكل متساوي . وخليها تاخذ راحتها بالنار عشان لو حمرتيها وشلتيها على طول بترجع تطرى ، بس لو تحمرت بروقان بتظل قاسيه وهشه لليوم الثاني . بس راعي ماتكون النار هاديه مره لانها راح تشرب زيت بهالشكل .


شيليها من عالزيت وعلى طول اسقيها
شيره بارده ( والشيره لازم يكون قوامها مثل العسل
تطلع احلى وتحتفظ بهشاشتها )





وقدميها .




[img]https://s3-eu-west-1.amazonaws.com/edgecast-upload/PE/2009/12/28/04/******531996f920-1.jpg[/img]





وبالعافيه .
خذي هذي الطريقه وادعيلي ...<<مجربه

2 كاس دقيق
4ملاعق حليب بودره
1 ملعقة خميرة
رشة ملح
1 م سكر
وتعجينينها بالماء وتكوون سائلة

وتخمرينها

وتقلينها

وبالعااافيه عليييييييييييييييييييييكم ..

سبحان الله وبحمده سبحان الله العظيم ...


ربي اكتب لي الخير يا ارحم الراحمين



الساعة الآن 08:29 .