يسعد مساكم
وشلونكم يا احلا طباخات بالدنيا
حبيباتي
عندي مشكلة صغنونه
اول كنت اسوي الكيكة بنجاح وعلى نفس الطريقة من 10 سنوات تقريبا
بس الحين مدي ليش يخرب عليّ؟؟
مدري البلا مني ولا من الصينيه الجديدة؟
ولا من الاضافات اللي تفلسفت وحطيتها؟

عموما ما راح اطول عليكم
هذي المقادير والطريقة

اضرب بيضتين
واضيف فنجانين سكر
وفانيليا

احط كاس عصير او حليب

ثلث كاسه زيت

كاستين دقيق منخول

اجهز الصينيه وادهنها


بالعادة بايركس
واسخن الفرن

واحط باكينغ باودر
حوالي ملعقه افضل نوع فوستر كلاركس
واخلط لما اشوف حركه الشريط
اخبزها لثلث الى نص ساعه تقريبا
او حتى اشم ريحتها
اغرس العود ويطلع نضيف

اوكي طيب الحين بتقولون وين المشكله؟؟؟؟؟؟؟؟
يوم اقطعها تطلع على قول وحدة-عيونها مقفلة-
او كانها مو مستويه


انواع الاضافات اللي جربتها
الفانيليا سائلة

بشر الليمون او البرتقال كميه قليلة جدا
يخليها تتفتت

الصينية حديدية مدورة مخرمة من الوسط
مدري وش تسمونها

استناااااااااااااكم حبايبي
11-01-1431 هـ, 03:19 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اذا كانت هذه مقاديرك من زمان فغالبا يكون من البيكنج بودر ترى احيانا قبل ينتهي

ماعاد يصير له نتيجه غيريه وشوفي

شوفي سماكة العجينه نفسها اذا كانت خفيفه زياده تعطي مفعول عكسي يعني ما تنتفش

او على قولتك ما انتفشت من الوسط خليها مدة اطول وغزي العود في الوسط مو الاطراف
11-01-1431 هـ, 03:40 مساءً
 
شوفي ياقلبي انا ولله الحمد
و ماشاء الله تبارك الله يزبط معي الكيك وهذي طريقتي فية


باكأس الخلاط حطي ( كاس سكر و بيضتين و شوي فانيلا و علبة زبادي او بدل الزبادي كأس لبن

و نصف كاس زيت ) اخلطيهم زين بعدين حطيهم على كأس وربع دقيق الكويت وملعقتين صغار بكم بودر

ودخلهم النار على نار متوسطة تقريبا ساعة الا ربع وبعدها احمره من فوق ويطلع

ماشاء الله لاقوة الا بالله يجننننننننننننننننننننن

11-01-1431 هـ, 03:47 مساءً
 
يسعد صباحكم

mona_daloo3ah
هلا بك حبيبتي
تاكدت من الباكينج ما بعد انتهت صلاحيته
وعندك النوع الرخيص اللي مكتوب عليه مفعول مضاعف
فااااشل
شكلي برجع للبايركس ولو اني ماحب الكيك يصير مسطح
يعطيك العافيه

بسر برحي
الف شكر لك على الطريقه وان شاء الله باجربها قريب
13-01-1431 هـ, 10:53 صباحاً
 
حبيبتي الكيك لما يعجن من الوسط معناه انك ما اعطيتيه راحته في الفرن

يعني مااستوى حتى لو شفتيه مرتفع ترى لس يبيله وقت
13-01-1431 هـ, 11:02 صباحاً
 


الساعة الآن 04:15 .