هنتغير بجد
هنتغير بجد
الحلقة التاسعة ( فن الاتيكيت 1 .. )

حمله هنتغير بجد



( فن الاتيكيت 1 )




+السلام عليكم ورحمه الله وبركاته



=وعليكم السلام ورحمه الله وبركاته



+شو لونك ؟



=بخير وانت شو تسوى ؟



+ قاعد معاك



=اه صح



+بقولك ايه حلقتنا النهارده الاولى من نوعها



= عن ايه ؟



+انت مستعجل على ايه ؟


بص يا حاج


الحلقه النهارده ممكن البعض يستغرب منها


ولكن العالم كله اعترف بيها


والعالم كله بينفذها


ولكن احنا الاصل


نوع من الفن الاسلام اسسه


ووضع القواعد بتاعته



= هو مش الفن حرام ؟



+ حرام ليه ؟!


بص انا عارف ان فى ناس


قالت كده


ولكن نستخدم العقل والشرع


اذا كان النبى حط اسس لمعظم الفنون


منها الفن التشكيلى


وفن التنميه البشريه والفن اللى هنقول عليه النهارده


وفنوووووون كتيره


طالما انا بستخدم ده صح وفى خدمه الدين


ده يبقى خير كبير


وثواب عظيم


وعلى فكره حط قاعده عامه


ان اى حاجه اوظفها على الاسلام


ولكن ما اوظفش الاسلام على حاجه


بمعنى الفن ده


فى حاجات حلوه وحاجات وحشه


اشوف الاسلام هيقول فيه ايه


كمثال


التمثيل ده لما استخدمه صح وانى بوصل رساله بجد


زى بالظبط مسلسله عزازيل


اللى اتذاع على قناه فور شباب


واللى بيحكى ازاى الشيطان اللى هو عزازيل


بيفكر وازاى بيقدر يوقعنا وايه خطواته


وحلها


حاجه زى دى احنا كلنا محتاجينها


لا اعمل فيلم كوميدى حتى


بس يوصل رساله محترمه


طالما فى خطوط حمرا ما تعدتهاش


زى مثلا


الاختلاط بين ناس مش متزوجين ولا اخوات


واقول ده واقع


لانى كده ان كنت بوصل رساله فتركيزى عليها


هيكون قليل جدا


مقابل حاجات تانيه


ندخل بقى فى موضوعنا


وان شاء الله نخصص حلقات تانيه فى الحاجات دى



=ماشى ربنا يسهل



+موضوعنا النهارده بقى عن


فن الاتيكيت



=بقولك ايه ؟


عاوزين نتكلم فى موضوع دينى



+ده كوضوع دينى وكلنا محتاجينه


الاتيكيت


ممكن يكون قليل اوى الى اتكلم فيه


ولكن حلقتنا النهارده


هنحاول نتعلم فيها الاتيكيت


وازاى ان النبى امرنا بيه وانه يتوفر فينا المفهوم ده


واننا لازم نطبقه فى حياتنا


نبدأ بقى واحده واحده


ولكن الاول هل الاسلام من الاتيكيت


ولا الاتيتكيت من الاسلام



=من خلال كلامك الاتيكيت من الاسلام



+طيب والمطلوب مننا


اننا نعمل بالكلام ده ونطبقه



=اكيد



+بص يا سيدى


الاول نعرف ايه هو فن الاتيكيت


الفن ده عباره عن


فن التعامل/ السلوك / أخلاق / ذوق / تصرف/احترام الذات والآخرين / فن الخصال الحميدة / فن التصرف الراقي المقبول اجتماعيا.


دى كلمات تعبر عن هذا الفن ولو توفرت فينا


نبقى روعه


ولكن ليه نطبق الاتيكيت فى حياتنا


لأن أي تصرف أو سلوك قد يعطي صورة عن ذاتك جيدة أو سيئة.


الاتكيت يحميك من أي اساءة في أي مكان


واى تغيير فى تعاملاتنا مش هيتم الا لما يقتنع


نبص بقى فى قواعد الاتيكيت


لازم اول ما تقابل حد


تقوله مساء الخير


بحيث تفتح الكلام ونوع من التحيه


بص حديث النبى صلى الله عليه


"اذا التقيتم فابدأوا السلام قبل الكلام ، ومن بدأ بالكلام فلا تجيبوه"


شوفت كلام النبى اول ما تقابل اى حد قول السلام عليكم


لما تدخل محل قول السلام عليكم فى بدايه اى لقاء


القى السلام


وفى اسس للسلام وقواعد ليها فى حديث شريف


"يسلم الراكب على الماشي ،


والماشي على القاعد ،


القليل على الكثير


ويسلم الصغير على الكبير"


و


"يسلم الراكب على الماشي ،


يعنى لو انت راكب عربيه


والماشي على القاعد ،


او ماشى وعديت على واحد واقف انت اللى تقول السلام


القليل على الكثير


يعنى لو انت لوحدك ومجموعه واقفه انت الى تقول


ويسلم الصغير على الكبير"


ودى مفهومه وفيها دعوه لاحترام الكبير


ولازم تسلم على اللى هتتقابل معاه فى بدايه اللقاء


"ما من مسلمين يلتقيان فيتصافحان الا غفر لهما قبل ان يفترقا"


ولازم نحط النيه


والتصافح اللى هو تسلموا على بعض


ويطمنوا على بعض


يعنى يقولوا ايه اخبارك ؟ ويطمن عليه


واظن عمل بسييييييييييييييييط لكن ثوابه جامد جدا


ان ربنا يغفر لك كل ذنوبك


ودى دعوه جامده للحب


وللالفه وللموده


وبعدين فى حاجات خلى بالك منها


يعنى مثلا


ماتسلمش على حد وانت مش باصص له


مثلا بتسلم على حد وباصص الناحيه التانيه


لان دى وحشه ويعتبر عدم احترم للشخص اللى بتسلم عليه


على الرغم من انه مش قصدك


وماتستاهينش بالسلام لانه وسيله للتعبير عن الاحترام


وماتسلمش على حد وانت فى ايدك حاجه قلم مثلا او معلقه


سيبها وسلم وبعدين امسكها


ولما تسلم تبقى ايدك مشدوده وتمسك كف ايده كله مش تلحس ايده بصوابعك زى ما بنشوف


وعلى فكره دى من قواعد الاتيكيت العالميه


يعنى مع اى حد


ولو حد دخل عليك قوم اقف له احترام ليه


وممكن للمرأه بصوره عامه انها ماتقفش الا لولى الامر ابوها مثلا او رئيسها فى العمل


او كده


و


لما تيجى تتكلم اختار كلام كويس


وماتنساش


( الكلمه الطيبه صدقه )


تخيل ممكن فى اتصال واحد تاخد كام صدقه


واحنا قلنا قبل كده نوع الكلمه الطيبه


وكمان بلاش التكلم فى الكلام


بمعنى تقعد تجيب كلام مجعلص


ما يتفهمش


او مثلا تتكلم بكلمات اجنبيه مش مفهومه من الناس


اللى بتتكلم معاهم


لان النبى صلى الله عليه قاله فى القرآن


"وما أنا من المتكلفين"


وكمان لما تيجى تقابل حد


ابتسم وبلاش الكآبه


حتى لو انت واقع فى مشكله


مش لازم تنكد العالم كله معاك


لعل بالابتسامه اللى ثوابها صدقه ربنا يفرج عنك


وده حديث للنبى صلى الله عليه قال فيه


: "إن من المعروف أن تلقى أخاك بوجه طلق"


وياسلام بقى لو هديه صغيره معاك


يبقى تمام اوى


مش لازم كل مره


ممكن كل مناسبه هديه


ياحاج لو حتى تجيب بونبونايه صغيره


واديها لصاحبه


ومن جواك نيه الهديه


لان النبى قال


( تهادوا تحابوا )


واوبا بقى لو ورده جميله كده


طبعا انا مش بقولك اعمل ده فى زيارات عاديه


لانه صعب شويتين


ولكن فى الزيارات الرسميه


ياحبذا


لان النبى قال


"من عرض عليه ريحان فلا يرده فإنه خفيف المحمل طيب الريح"


يعنى كمان لو حد عرض عليك


ماتقولش لاشكرا


لاء خدها منه واشكره


وعلى فكره الكلام ده مصلوب من اى واحد ومراته


مراته هاه مش .....



= ******ه انا فاهم انا فاهم



+ وشئ مهم جدا


الشياكه


مطلوبه جدا


هدوم شيك ومحترمه


وياسلام لو تظبط شعرك


ولو عاوز تجلجله


بس طبعا تسرحه محترمه


منها شيك


ومنا محترمه بحيث لو النبى شافها يعجب بيها


وعلى فكره ربنا عزوجل


والنبى صلى الله عليه


بيحبوا الجمال


والشياكه جمال


والبنات بقى الشياكه بتكون من نوع معين


لان انتى يا بنوته ليكى اسس معينه الاسلام محطهاش علشان يخنقك


ولكن علشان يحافظ عليكى


وان شاء الله نوضحها برده


وربنا قال


( يا بني آدم خذوا زينتكم عند كل مسجد )


وهنا امر مباشر


خذوا


يعنى بلاش شغل الصحيان من النوم


والشعر الاكرت ده



= ************ه


انت تعرف مناظرنا دى



+ اعرف ايه


انا لما بصحى من النوم ببقى حاجه تانيه خالص


اسكت يا عم دى ماشيه بستر ربك



=************


انا ببقى شبه العفريت المتكهرب






+*********ه


انا ببقى شبه عفريت مخضوض


سيبك من شغل العفاريت ده


وخلينا فى شغل الاتيكيت



=************هه ماشى


اصل لما بتخيل منظرى


مش بقدر امسك نفسى



+ياحاج نكمل


الناس ممكن يمشوا


بس قبل ما اكمل نفسى اشوفلك صوره اول ما تصحى



=ماشى هبقى اجيبلك بس انت كمان هات



+هاها ده اللى مستحيل



= كمل علشان انا حاسس انى الناس اتخنقت مننا



+ماشى


كمان شئ مهم جدا


انك لما تدى معاد لحد


تحاول بقدر الامكان تيجى فى وقت


ولما تكون فى خروجه ومتفقين انكم هتجيبوا حاجات


لازم تجيب اللى متفق معاهم انك هتجيبه او لو مش هتقدر تعتذر قبلها بفتره


لان النبى قال


"آية المنافق ثلاث ، اذا حدث كذب ، واذا وعد أخلف وإذا ائتمن خان"


وربنا يحمينا من النفاق


وكمان حاجه


لما تيجى تروح لواحد بلاش تنادى عليه


ولا تتدى له كلاكس مثلا


بالعربيه


ولكن حاول ترن عليه


او تطلع له مش مشكله



=اشمعنه هى دى كمان الدين اتكلم عنها



+طبعا بص ربنا قال ايه


" إن الذين ينادونك من وراء الحجرات اكثرهم لا يعقلون"


وبعدين هتعمل ازعاج للناس على الفاضى


اخر حاجه نختم بيها الحلقه


حاجات معينه خلى بالك منها


تأكد خير الكلام ما قل ودل ، قلل كلماتك واهتم بكلام الآخرين.


يعنى بلاش تلك كتير


و


اذا أردت ان تكون مهما فعليك أن تكون مهتما


يعنى اهتم بغيرك ما تطنش حد مهما يكون


كده احنا قلنا نوع من فن الاتيكيت


وفى انواع كتيره اوى


كل شويه ناخد حلقه علشان نتعلم فنون الاتيكيت


بس الاهم مش اننا نقرأ وخلاص ولكن نتفاعل ونطبق ده



=على فكره حلقه النهارده على الرغم من انها جديده


ولكنها مفيده جدا وان شاء الرحمن كلنا هنطبقها


حتى لو هندون افكارها فى نوته صغيره لينا


وكل شويه اقراها



+تمام اوى الفكره دى


والواجب العملى فى كل حلقه


من اول حلقه النهارده


كل واحد يقرا الحلقه


يكتب فى مشاركه اللى استفاده من الحلقه


وياريت لو ملخص من وجهه نظره بأهم ما فى الحلقه


يلا يا باشا


نستأذن احنا بقى



=ماشى اوعى تنسى الدعاء


سبحانك اللهم وبحمدك


نشهد ان لا اله الا انت


نستغفرك ونتوب اليك



+ سبحانك اللهم وبحمدك


نشهد ان لا اله الا انت


نستغفرك ونتوب اليك


يلا


السلام عليكم ورحمه الله وبركاته


واوعى تنسى صوره ما بعد النوم



=*********


ماشى


وعليكم السلام ورحمه الله وبركاته
شيهانه®
شيهانه®