هرمون الحليب والأعشاب!!!!!!ومعانتي

السلام عليكم ورحمة الله وبركاتة

انا متزوجة لي سنتين وثلاثة شهور يعني دخلت السنة الثالثة حملت اول زواجي مرتين

أول واحد سقطت من أول شهر بسبب اني شلت ولد عمي

الثاني كنت انا وزوجي مختلفين وأنا عند أهلي وكل يوم اصيح وفكر وفجإه نزل دم كرمكم الله مني بسيط رحت للدكتورة قالت

ارتاحي وعطتني مثبتات بعد فتره خف على ثم رجع يزيد قلت للوالده البيبي طاح

وهذا وأنا في داخله الشهر الثالث قالت وحده اشربي نشاء مع ماء إذا كان ميت ينزل وإذا كان حي يوقف الدم ويرتفع الجنين

في نفس الوقت رحت للدكتورة في مستوصف سوت أشعة قالت مافيه جنين نهائياً

قلت نعم وين راح
حولتني على مستشفى اليمامة 12 واحد خشو على يقولون الرحم متسكر والجنين مانشوفه
التحليل يوجد فيه حمل

قال دكتور زنجي /بنسوي لك عملية منظار ثم عملية فتح بطن عشانك حامل حمل خارج الرحم
قلت له كيف وأنا اعرف أعراض حمل خارج الرحم ومنها الام في الكتف اليمين ودوار

بعدين دخلو فيني شي طويل مره بلاستك وجلست اصرخ كثر ماكنت ابيه قلت خلاص أهم شي عندي عافيتي

رحت كرمكم الله لدورة المياة ابي أتحمم وشفت شي بداء يطلع خفت بس قلت لازم أخذه عشان مايعذبوني بعمليه أو شي ثاني
خذته وعطيته الممرضه قالت هذا البيبي
وقالو بنسوي علي فحص
والله شفت راسه وعموده الفقري وهو على شكل ربيانه
قال الدكتور هذا الجنين ولا كان بسوي لك العمليتين
المهم بعد ماخلصت قلت ابي أطلع من المستشفى رفض قال هذا مو جنين هذا قطعت دم

قلت اول مرة اشوف قطعت دم لها راس وجسم
بعدين انهبلت من الخوف منه ابوي راح يبحث عنه عشان يقول له ليش ماأطلع وش معنا كلامه
رفض يتكلم مع الوالد جاء الأمن قال وشفيك قال بنتي سقطت والدكتور مانعها من الخروج قال منهو الدكتور قال زنجي اسمه كذا وكذا قال وش ودا بنتك للجزار
هذا ماتجي عنده واحد الا يفتح بطنه فتحه ولا فتحتين

____________________________________
المهم بعد سنه وثلاثة شهور
لم يحدث حمل مع إن حملي الاول والثاني من الله ثم منشطات
الآن أنا أسعمل منشطات ماحملت وحللت لقيت فيني هرمون الحليب مرتفع 35.63
مادري هل النسبة هذي تمنع الحمل أولا

الحبوب هيdopergin
بصراحة ماني اداوم عليها

وياليت تفيدوني بشي ينزل الهرمون من أعشاب
وإذا فيه أنواع من الأكل تساعد على أرتفاع الهرمون قولو لي عنها عشان أستفيد أنا وأخواتي


,أسفه جداً على الطاله هذا بعض مما أعانيه

وأتمنى أن الله يرزقني أنا وياكم الذرية الصالحة ولايحرمنا من كلمة ماما
:06::06::44: