السلام عليكم ورحمة الله وبركاته
كيف حالكم
بدخل بالموضوع على طول قبل فتره كان التساقط ذابحني وشعري بكل مكان بالبيت حتى :arb: يقول شكلي انا الي بحلق لك شعرك :( مع انه يحب الشعر الطويل
وبيوم كنت اتكلم مع اختي عن خلطاتنا اول للشعر واهتمامنا بشعورنا واحنا بنات الي للاسف تركناها بعد الزواج واهملنا انفسنا
قالت انا الى الان ماتركت هذي الخلطه رح اكتب لكم طريقتها بعد شوي
المهم صرت اسويها والحمد لله لاحظت فرق كبير بالتساقط وماعدت اشوف الا كم شعره بالمشط يمكن 10 شعرات او اقل لما امشطه بعد السباحه قولو ماشاء الله
الخلطه سهله وماتحتاج منك وقت كثير والاهم انها متوفره بكل وقت تقريبا
الخلطه
علبة زبادي حتى لو كانت منتهيه مدة صلاحيتها
1 ملعقة حنا +1 ملعقة سدر أو 2 ملعقه حنا أو 2 ملعقه سدر
(انا كل مره كنت احط شئ ما اتقيد بسدر او حنا على حسب الي اشوفه بوجهي )
3 ملاعق زيت للشعر
اي نوع زيت انتي تستخدمينه والهدف منه علشان الشعر مايجف لان الزبادي والسدر او الحنا يجففون الشعر
( انا كانت عندي عدة زيوت ومخلطتهم مع بعض واخذ منهم 3 ملاعق )
تخلطينهم مع بعض وتحطيته على شعرك ومو ضروري تلبسين نايلون على شعرك وخليه من نص ساعه الى ساعه بعدها تروشي عادي وان شاء الله بتلاحظون الفرق مثل ماصار معي :27:
انا كنت اسويها مره بالاسبوع او مرتين على حسب مزاجي وحسب وقتي الفاضي ولي الان حوالي الشهرين بس انا لاحظت الفرق من قبل فتره
واي سؤال انا جاهزه انتو تامرون امر :26:
أجمل فراشه @agml_frashh
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة