اول شي ماشاءالله لاقوة الا بالله

ثاني شي العين حق وكل من يدخل ولا ندري من يذكر الله ومن ينسى ذكره ..

فياالغاليه نصيحه لوجه الله شيلي الارقام ..

وكنتي تقدرين تقولين عندي مبالغ من المال ابيكم تنصحوني كيف اتصرف فيها من صدق ونحوه ..

وانا ادري انك كتبتي موضوعك بحسن نيه لكن الناس موب سواسيه ..

وبالنسبه لي باقترح عليك كم شغله ..

اخذي لك مبلغ من المال وابني فيه مسجد او دخليه في بنى مسجد او اي وقف ينفعك بعد الممات << في نظري هذا اهم شي

تصدقي بمبلغ كل شهر حددي انتي قيمته ..

اكفلي يتيم او 2 او اللي يقدرك ربي عليه .. وش كفالتهم 1200 بالسنه !

واسال الله يبارك لك باموالك ويكفيك والمسلمين شر العين
ربي يزيدك ويبارك لك

انا راي نفس كلام البنات بس لازم الفائده الربويه تطلعينها من فلوسك
اذا كان البنك ربوي
وعندي اقتراح انك تساهمين باعمال خيريه كفالة يتيم بنا ء مساجد
صدقه جاريه لان هذا الاشياء استثمار لك حتى بعدمماتك الله يعطيك
طول العمر والصحه والعافيه واحب اكرراختي على الفائده الربويه
عشان ربي يبارك لك وباذن الله ربي يزيدك كل ماسويتي خير وجاتك
دعوه صالحه من قلب صادق
ماشاء الله عليك طيب اشتريلك عقار احسن من حطتها بالبنك
الله يباركلك ويزيدك من فضله.....

اختي بلخصلك كلامي بنقاط...
1- اختي .. حاولي تقدرين المبلغ لو بالتقريب... راس مالك كم؟؟ والدخل من الايجار كم؟ وفوائد الوديعة كم..؟ عما ان .. في كل 4000 ريال زكاة 100 ريال فقط... شفتي كيف اليسر سبحان الله ....

2- الربح لازم يكون حلال... يعني اذا اوديعة بنك ربوي... اكيد الزيادة حرام... اسألي عن البنك .. ابحثي في النت . او اسألي اي شيخ عندكم .. خلي راس مالك والزيادة الربوية بعد ماتحسبينها لو بالتقريب.. تصدقي فيها .... يمحق الله الربا ويربي الصدقات ...اطب مطعمك تكن مجاب الدعوة ....

3- ابني مسجد... من بنى مسجد بنى الله له بيت في الجنة...

4- اكفلي يتيم.. انا وكافل اليتيتم كهاتين....او كما قال صلى الله عليه وسلم...

5- اكفلي دعاة ..... الدال على الخير كفاعله ..

6- تبرعي لدور تحفيظ القرآن .. يكون لك مثل اجورهم ...

7- لاتنسي الصدقة على اهلك .. صدقة و وصلة لك فيها اجرين ان شاء الله ... واذا انتي مقتدرة .. واخوك محتاج . مش مشكله تزيدينه .. وش بيضرك .. كل ماجاه ولد زيديه مبلغ من المال ...

واذا انت محتاسة ولا عارفة شي... حسبي المبلغ الكلي الموجود عندك هلحين كم؟؟؟ طلعي مبلغ تقريبي عن الزيادة الربوية اذا تأكدتي انها ربوية .. ووقفي الوديعة ...عشان لايدخل عليكي مزيد من الربا.... وزكي عن كل 4000 ريال .. 100 ريال ...

اختي .. وااذ
اقتباس مشاركة  (المها قطر)
بسم الله الرحمن الرحيم


السلام عليكم والرحمه



ياليت تنصحوني بترتيب وضعي المادي بنصيحه لوجه الله فأنا كنت موظفه ولازلت اتقاضى راتب وعندي تجارة بالكفاله ورب البيت ما احسب يمكن اكثر وعندي ايجارات شهريه والله العظيم مدري كم بالشهر اجمع انا ماعرف ولا احب احسب المهم عندي علموني كم اصرف وكم اطلع زكاة وكم اتصدق وكم اعطي اهلي انا اعطي واحد من اخواني مبلغ شهري واحس شويه وصديقتي تقولي لا المبلغ كويس له ولزوجته لاتزيدي وانا اخذ برايها لانها متدينه وادفع لخدامات امي ويزيد عندي كثير لاني ماعندي صرف زوجي يصرف على كل شي بالبيت وعلى عياله طيب انا كيف ارتب اموري الماليه ارجوكم اذا وحده تقدر تفيدني وبارك الله فيكم اجمعين

ونسيت شغله يابنات المبلغ الي تجمع بالبنك يقولون لي البنك انه يزيد كل شهرلانه توفير مثل الوديعه ورب البيت مدري كم يزيد واذا حرام هل اتخلص منه ويجوز اتصدق فيه لاني سنين طويله اجمع بالبنك بدون ما اسأل والله لو ينقص 100 او 200 ألف ما ادري لاني ملخبطه وحاولت اسوي دفتر صغير احسب فيه مصاريفي وكم احط بالبنك شهر واحد وتمللت لان الفلوس تجيني كل اسبوع مو كل شهر وحساباتي ضايعه


افيدوني والله بتكسبون اجر الفقراء الي بتصدق عليهم لان الفلوس الكثيره راح ننسأل عنها يوم القيامه وهالشي يرعبني وخاصه اني غير مبذره بس مدري كيف يتصرفون بالاموال كيف يوزعونها صح ارجوكم انصحوني


(( جزاكم الله خير تم مسح الأرقام ))


الساعة الآن 07:32 .