اقتباس مشاركة  (ايام العمر)
اول شي ماشاءالله لاقوة الا بالله

ثاني شي العين حق وكل من يدخل ولا ندري من يذكر الله ومن ينسى ذكره ..

فياالغاليه نصيحه لوجه الله شيلي الارقام ..

وكنتي تقدرين تقولين عندي مبالغ من المال ابيكم تنصحوني كيف اتصرف فيها من صدق ونحوه ..

وانا ادري انك كتبتي موضوعك بحسن نيه لكن الناس موب سواسيه ..

وبالنسبه لي باقترح عليك كم شغله ..

اخذي لك مبلغ من المال وابني فيه مسجد او دخليه في بنى مسجد او اي وقف ينفعك بعد الممات << في نظري هذا اهم شي

تصدقي بمبلغ كل شهر حددي انتي قيمته ..

اكفلي يتيم او 2 او اللي يقدرك ربي عليه .. وش كفالتهم 1200 بالسنه !

واسال الله يبارك لك باموالك ويكفيك والمسلمين شر العين

زادكِ الله من علمه اختي ايام العمر


ورب البيت عطيتيني افكار ونورتيني بالذات كفالة الايتام وبما انك فتحتي الباب فتح الله عليكِ من واسع فضله جاوبيني

اختي هل يصح اكفل ايتام من بلدي ؟ يعني اسلمهم المبلغ باليد شهري ؟ لاني سبق وكفلت من الخارج وحتى اكون صادقه

معك قلبي مارتاح مما قرأته بجرايدنا مره يشككون في مصداقية احدى الجمعيات الخيريه وحبيت يكون يدآ بيد انا عندي

بالبيت 3 سائقين وقادرة اوصل اي مكان بس نوريني كم ادفع ؟ وكم اسره اكفل من وجهة نظرك ؟

والمبلغ الي قلتي اتصدق به شهري انا اسوي هالشي بس كم في نظرك ادفع ؟ ارجوكي لو كنتي بمكاني كم تدفعي ؟

ولمن ؟ ولنفس الناس كل شهر ولا اغير ؟ نوريني الله يخليكي . وايش هو الوقف ؟ مسجد او شيء ثاني ؟

جزاكِ الله الجنه
21-01-1431 هـ, 01:44 صباحاً
 
الله يبارك لك فيهم يارب

بس لو تروحي كل شهر دار ايتام وتاخذيلهم هدايا وشكولاتات

وتفرحيهم لك اجر كبير ويصير كعاده كل شهر مره وكمان لو تكفلي

ايتام وتطلبي من البنك يحولهم مبلغ معين كل شهر مصروفاتهم لك اجر عظيم مجرد اراء من اخت لاختها
21-01-1431 هـ, 01:45 صباحاً
 
اقتباس مشاركة  (عائشة28)
الله يباركلك ويزيدك من فضله.....

اختي بلخصلك كلامي بنقاط...
1- اختي .. حاولي تقدرين المبلغ لو بالتقريب... راس مالك كم؟؟ والدخل من الايجار كم؟ وفوائد الوديعة كم..؟ عما ان .. في كل 4000 ريال زكاة 100 ريال فقط... شفتي كيف اليسر سبحان الله ....

2- الربح لازم يكون حلال... يعني اذا اوديعة بنك ربوي... اكيد الزيادة حرام... اسألي عن البنك .. ابحثي في النت . او اسألي اي شيخ عندكم .. خلي راس مالك والزيادة الربوية بعد ماتحسبينها لو بالتقريب.. تصدقي فيها .... يمحق الله الربا ويربي الصدقات ...اطب مطعمك تكن مجاب الدعوة ....

3- ابني مسجد... من بنى مسجد بنى الله له بيت في الجنة...

4- اكفلي يتيم.. انا وكافل اليتيتم كهاتين....او كما قال صلى الله عليه وسلم...

5- اكفلي دعاة ..... الدال على الخير كفاعله ..

6- تبرعي لدور تحفيظ القرآن .. يكون لك مثل اجورهم ...

7- لاتنسي الصدقة على اهلك .. صدقة و وصلة لك فيها اجرين ان شاء الله ... واذا انتي مقتدرة .. واخوك محتاج . مش مشكله تزيدينه .. وش بيضرك .. كل ماجاه ولد زيديه مبلغ من المال ...

واذا انت محتاسة ولا عارفة شي... حسبي المبلغ الكلي الموجود عندك هلحين كم؟؟؟ طلعي مبلغ تقريبي عن الزيادة الربوية اذا تأكدتي انها ربوية .. ووقفي الوديعة ...عشان لايدخل عليكي مزيد من الربا.... وزكي عن كل 4000 ريال .. 100 ريال ...

اختي .. وااذ


اختي عائشه المبلغ بالبنك كان 860000 ريال وزياده مدري كم الف نقصت منهم 180000 ريال شريت لخوي سياره وبعدها اخذت 10000 ريال لضمان السياره كله اوقع شيكات ماروح البنك مدري يمكن الحين صار المبلغ 600000 وشوي لاني اليوم اودعت 18000 كانوا عندي كاش ماشتريت فيهم الي ابيه وجاني مسج من البنك يقول نزل لك راتب 11000 وزياده شوي بتارخ 28 من الشهر بالحساب الجاري ....... تخيلي اليوم بس قريت المسج مش فاهمه ليه اليوم راسلين مو المفروض بآخر الشهر ؟


احسبي لي الله يخليج كم عندي وكم اطلع وكيف ارتب اموري الماليه المشوشه


شوفي اختي انا اليوم رحت البنك زي مانصحتني احدى الاخوات الله يبارك لها اني افتح حساب ثاني وفعلآ بكره اخلص الاجراءات وينفتح الحساب خلاص


ثانيآ احدى الاخوات قالت لي اكفل يتيم او اثنيين وباذن الله تقولي كم المبلغ للكفاله


ثالثآ الموظفات بالبنك قالولي لما تجين بكره لتخليص الاجراءات المطلوبه بالبنك استشيري شيخ يعمل عندنا مختص بحساب زكاة عملاء البنك وهالشي والله ريحني كثير

باقي الصدقات وحياتي كيف اصرف عليها واخواني اعطيهم اكثر ؟ بالذات زوجة واحد منهم كثير مبذره وتعاملني باحترام بس جدامي من وراي اشوف نظرات الاستهزاء بشكلي ولبسي لاني ما اهتم بنفسي مثلها انا يهمني الدين مش الدنيا لكن من سخريتهم الي احسها واشوفها بعيونهم ابي اغير نفسي بس مش عارفه كيف ؟ وكم ؟ خليت لي من الايجار هالشهر 18000 قلت بشتري لبس وطقم اكسسوار وتم المبلغ بخزانتي اسبوعين اليوم اودعته بالبنك .... وش اشتري ؟ ومن وين ؟ مالي بهالشغلات انا زوجات اخواني افهم مني


لو كنتي بمكاني اختي عائشه امانه كيف تتصرفين ؟
21-01-1431 هـ, 02:18 صباحاً
 
اقتباس مشاركة  (المها قطر)
باقي الصدقات وحياتي كيف اصرف عليها واخواني اعطيهم اكثر ؟ بالذات زوجة واحد منهم كثير مبذره وتعاملني باحترام بس جدامي من وراي اشوف نظرات الاستهزاء بشكلي ولبسي لاني ما اهتم بنفسي مثلها انا يهمني الدين مش الدنيا لكن من سخريتهم الي احسها واشوفها بعيونهم ابي اغير نفسي بس مش عارفه كيف ؟ وكم ؟ خليت لي من الايجار هالشهر 18000 قلت بشتري لبس وطقم اكسسوار وتم المبلغ بخزانتي اسبوعين اليوم اودعته بالبنك .... وش اشتري ؟ ومن وين ؟ مالي بهالشغلات انا زوجات اخواني افهم مني


لو كنتي بمكاني اختي عائشه امانه كيف تتصرفين ؟

اسمحيلي ع المداخله اختي بس الاسطر الاخيره لفتت انتباهي واحزنتني

ابسالك زوجة اخوك ايش خصك فيها تعطينها طالما مو محتاجه ؟؟
وثانيا الاستهزاء الي وراءك تعرفي شو معناته انك ماغير تمشي وترمي فلوسك بالهبل من غير حساب هالشي ياعمري يقلل قيمتك وهيبتك
باللهي ايش فائده الانسان بعيش من غير هيبه وعزة نفس والكل يجاملني عشان الفلوس الي اعطيهم اياه ولافلوس الدنيا كلها بتجي شي عند كرامتي ابي ناس تحبني وتحترمني لذاتي
مو ناس قدامي الله الله ومن برا يعلم الله ياختي عيدي حسابتك من جديد
وثانيا كيف ربي مغنيك وحارمه نفسك مايصير عيشي الحياه مره ترا
طالما انا ازكي واتصدق والمحتاج صدق اساعده واعمل اشياء خيريه فيها اجر لدنيتي واخرتي ليش احرم نفسي

نصيحه من قلب صوني فلوسك الي اتوقع فلوس والدك الي تعب فيها طول عمره واخوانك اذا صغار ومعندهم وضائف ساعديهم لكن لو كبار ومتوضفين مالك خص فيهم لاتخلي نفسك بهالشكل الطيب مرره

الطيبه طيبه النفس والقلب مو اعطي اعتذر جدا ع كلامي لو بيزعلك بس يعلم الله
اني قلته من قلبي حزنت عليك بقوة ربي يسيرلك امورك ويوفقك
21-01-1431 هـ, 03:15 صباحاً
 
الى الاخت المها قطر ..
قبل كل شي الله يبارك لك في عمرك واعمالك ومالك والله يرزقك ويرزقنا الرزق الحلال من اوسع ابوابه ويطرح لك البركة فيما عندك...والله يسخر لك عباده الصالحين
انتي تبحثين عن سبل لانفاق المال في طريق الخير وابتغاء مرضاة الله المنعم عليك بهذه النعم وهذا شي طيب ويدل على حبك للخير وخوفك من الله سبحانه وتعالى..((الله يعطيك على قد نيتك الطيبة))
تبحثين عن محتاجين اوايتام لكفالتهم ...؟!!
فلتجعليني على رأس هذه القائمة ولك الاجر والثواب عند رب السماوات والارض الذي لايضيع اجر المحسنين.. فمن فرج كربة مسلم فرج الله عليه كربة من كرب يوم القيامة..
فليس لي سوى حلم واحد في هذه الدنيا ...لوتحقق على يدك فلك مني دعوات صادقة في السر والعلن وبكل سجدة وركوع
ولك مني دعوات بظهر الغيب لن تنقطع مادمت على هذه الارض...
اسأل الله لك ولي التوفيق في الدنيا والاخرة..
21-01-1431 هـ, 03:23 صباحاً
 


الساعة الآن 11:15 .