انا اقولك
3كاسات دقيق - اقل من ربع كاسة زيت - بيضتين - ملعقة كبيرة مليانة بكنج بودر - قليل ملح - قطعة صغيرة زبدة او سمن - ماءللعجن
الطريقة:-
اولا اخلطي المقادير الجافة ثم السائلة واضيفي الماء ولاتكون العجينة قاسية خليها مايلة انها تكون لينة اكتر بالعربي زودي الموية
والخلطة زي منتي عارفة
قطعي العجينة دوائر صغير وخليها ترتاح ساعة ومن فوقها منشفة نظيفة
العجينة دحين لينة نوعا ما مو كدة؟
غطسي العجينة في الدقيق وافرديها خفيفة جدا
وافردي وحدة تانية زيها خفيفة
بعدين حطي الحشوة على وحدة من العجينتين وحطي التانية فوقها وقطعي اطرافها بالقطاعة
لمن تقليها خلي الزيت قادح شوية وحطي حبة وكبي عليها بالزيت اللي بتقلي به
وخلاص بالعافية
04-07-1425 هـ, 08:33 مساءً
 
سكرة

ماما اللي يطول بعمرها تسوي بف مشهور وماشاء الله كأنه جاهز..زي حق المطابخ..

لما تفردي العجينة دائرية افرديها بالنشابة كويس الى ماتصير بسمك نص سم...وجهة سوية المفرومة او الجبنة ونص الدائرة الثاني صكيه على الحشوة والأطراف مرة كويس قفليها بأصابعك بعدين جيبي صحن وبطرفه قطعي العجينة أطرافها الخارجية وقطعيهم مربعات

وجيبي صينية كبيرة يا تحطي عليها شرشف مرشوش بالدقيق أو سفرة..وكل ما تجي تحطي وحدة قفلي أطرافها كويس ورصيهم وغطيهم كويس

الزيت لازم يكون حار وأول ما تحطي سمبوسكة (مفرد)ههههه على طول بالملعقة رشي على وجهها الزيت الحار وشوفي كيف تنفش وتصير مقرمشة

ونصيحة البف كل ما قلت مكونات عجينته كل ماصار رهيب..يعني بلاش كثرة المقادير واذا تبغي مقدار عجينتنا قوليلي

04-07-1425 هـ, 08:43 مساءً
 
مشاالله... الخير جا مرة وحده... الكل رد علي

للي سألت عن طريقة العجينه هذي مقاديرها...
3 كاسات دقيق ابيض
1 كاس دقيق الذرة
ملعقتين سمنه
ملعقة بيكنغ باودر
بيضه واحده
ملعقة ملح

هذي المقادير ...

اختي عاشقة الرومانسيه... وين القا العجينه الجاهزه؟

ام مايا... تشكرين يا عمري... و****الله بجرب طريقتك وشوف...

بشاير.. نورتي الموضوع... نجرب طريقة امك الله يطول بعمرها.. واذا ماعليكي كلافه ابي مقادير عجينتكم

تسلمون كلكم على الدخول :24:
04-07-1425 هـ, 09:45 مساءً
 
شوفي يا اخت sugar
انا والعياذ بالله من كلمة انا... وحسب ما يقولوا في العائلة شاطرة في البف
بس انتي اذا ما شوفتي احد يسوية قدام عينك صعب تنفذيه وهو استحالة تكون له عجينة جاهزة
في السوق يعني لازم تسويها بيدك وان شاء الله واذا كان عندك عزيمة حتتعلمية
وانا حأكتب لك طريقة مظبوطة ان شاء الله
بس فية مشكلة اني انا اسوية بدون مقادير يعني بالنظر لكن احاول اظبط المقادير
عشان خاطرك بس اعطيني مهله يومين
وعلى كل حال هو ما فيه بيكينج بودر
وثاني شي البف الاصلي ما يتسوى بالجبن لكن يتسوى بالحمة المفرومة
06-07-1425 هـ, 03:33 صباحاً
 
عزيزتي أمبسمه... انا انتظرك ... وشكرا جزيلا
06-07-1425 هـ, 07:01 صباحاً
 


الساعة الآن 05:05 .