Analysis Services
البسبوسه اللي اسويها دايم يمدحون فيها ويحبونها

وبعض مرات اسويها خصوصي حق اللي يطلبونها مني

وطريقتها سهله ودايم اعتمد عليها

يعني من سنوات وانا دايم اسويها

وماحبيت ابخل عليكم فيها

لانكم حبايبي والله

مقاديرها سهله ... وماتاخذ وقت حق اللي يحبون السرعه

المقادير :

2 قلاص سميد خشن
1 قلاص جوز الهند
1 قلاص حليب بودر
1 قلاص ماء
ثلاث ارباع قلاص زيت
1 قلاص سكر
2 بيض
ملعقه متوسطه باكنج بودر
ملعقه صغيره فانيلا للبيض
شيره بالهيل والزعفران
للتزيين: ممكن وضع صنوبر عليها ... او اللوز المبشور

الطريقه :

اخلطي البيض مع الفانيلا بالشوكه بدون الخلاط
ثم اضيفي عليها المكونات السائله
ثم المكونات الجافه
واخلطيهم جيدا بالملعقه
.... ادهني صينية الفرن بالزيت
وصبي الخليط فيه
وضعي عليها الصنوبر ... او اللوز المبشور
ثم ادخليها الفرن حتى تحمر من الاسفل ثم اشعلي الفرن من الاعلى حتى تاخذ اللون الذهبي
طلعيها واسقيها بالشيره البارده وهي ساخنه
والشيره حسب ذوقك اذا تحبينها بشيره وايد او اشويه

في ناس تحب تاكلها حاره وفي ناس تحب تخليها لما تبرد مثلي

وبالعافيه



اهني طلعتها من الفرن وبديت اقص فيها ...


بعد ما قطعتها سقيتها بالشيره ... والبسبوسه حاره والشيره تكون بارده


ولما تبرد اشوي ... احملها لصحن التقديم بالشوكه




وبالعافيه واتمنى انكم تجربونها وتعطوني رايكم فيها

واتابع معاكم طريقة الشيره ... دايم اسويها وتطلع مضبوطه

03-07-1425 هـ, 09:17 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شكلها يجنن .. ولهت عالبسبوسة كنت قبل ما اعرف اسوي غيرها
مشكوره اختي
03-07-1425 هـ, 09:24 صباحاً
 
طريقة الشيره سهله وانا دايم اسويها بكميات كبيره واحفظها في برطمان بالثلاجه لوقت الحاجه

وكثيره هي طبعا استخدامات الشيره

8 قلاصات سكر

لاتقولين وايد ممكن تسوينها بنص المقادير

4 قلاص ماء

اضيف عليها الهيل

اضعها على النار ولما تبدي تغلي خمس دقائق اجربها اذا صارت او لا

وتراها تصير بسرعه يعني ما اطول لان مقاديرها مضبوطه

واللي حابه تسوي مقدار صغير تسوي نص المقدار

والقاعده لعمل الشيره هي

2 قلاص سكر بقلاص واحد ماء

وانا احط الزعفران في البرطمان ولما تدفي اشوي اصبها فيه



يطلع لونها احمر وريحتها تجنن ودايم احفظها بالثلاجه







03-07-1425 هـ, 09:30 صباحاً
 
pure tear

العفو عزيزتي

جربيها وان شاء الله ماراح تندمين

03-07-1425 هـ, 09:31 صباحاً
 
مممممممممممممم

روعة

يسلمو ايديكي

03-07-1425 هـ, 09:33 صباحاً
 


الساعة الآن 06:46 .