وضحي ايش تبغي
بنات الله يجزاكم خير ابي مع القهوه والشاااي تكفوون بروح الاربعا لازم اليوم اعرف وش بسوي مشكورين حبايبي
اللهم ارحم واغفر لزوجي واسكنه الفردوس الاعلى وجميع المسلمين والمسلمات
إهلين وسهلين لاتشيلين هم أنتي بعالم حواء بتحصلين اللي
تبغين وزياده الحوائيات ماراح يقصرون معك حبيبتي
الحين بسررررعه جيبي ورقه وقلم وأكتيب معي مقادير الحلى والساندويش
صدقيني بتدعيلي والكل راح يعجبه ويثني عليه
الحلى :::::
شوفي حبيبتي سوي كيكتك اللي تظبط معك ويفضل تكون" كيكة الزبادي "
إذا طلعتيها من الفرن وقلبتيها هلى صحن التقديم تدهنينه بتوفي طبعا تعرفين
" بسكوت شوكو ساندويش الأحمر"
تجيبين خمسه أو أربع حبات تكسرينه على الكيكه لحد ماتغطين الوجه كامل
بالخلاط" نستله + جبن" وتحطينها فوق البسكوت بخطوط طوليه وتكثرين شوي
وبخطوط عرضيه توفي وبعدين أخر شئ بخطوط مايله هيرشي
تجنن وبيسألونك عنها لأنها لذيذه وغريبه بس سويها بدري مثلا
يكون الصبح وتأخذينها المغرب
وردي علي إذا ضبطت معك وعجبتك
أتمنى تكونين فهمتي علي ولالخبطتك
أي إستفسار أنا حاضره
-------------------------------------------------
المالح أو الساندويشات ::::
ساندويش الهوت دوق:::
شوفي حبيبتي بالنسبه للهوت دوق قطعيه حلقات وبعدين جيبي بصل وثوم مقطع كشنيه على النار
إلين يذبلون شوي وضيفي طماطم مقطعه صغير وفلفل رومي وبهريه بملح وفلفل أسود وأخر شئ

ضيفي الهوت دوق وخليهم على النار مع التقليب علشان يأخذ نكهة الكشنه
الصوص ( كاتشب + جبن سايل + شوي سومطره )
أدهني الصامولي بالصوص وبعدين أحشيه تحبين الخس قطعيه شرائح وحطيه مع الحشوه
=================
ساندويشات الدجاج لذيذه مررررره :::
تجيبين صينية تيفال تحطين شوية زيت إذا أحتر الزيت تحطين مكعبات الدجاج وتقلبينه حتى يستوي وبهريه بملح وفلفل أسود
طبعا تكونين مقطعه بصل أخضر وبقدونس مفروم وتحطينه على الدجاج تقلبينهن مع بعض ونزليه على جنب
الخلطه (2 م ك مايونيز + 2 م ك زبادي + 2 م ك جبن سايل + 1 م ك طحينه سايله )
تخلطين الدجاج والخلطه مع بعض إلين يتجانسن وأحشي خبز الصامولي
===============
شاورما لذيذه وخفيفه :::
دجاجه كامله مسلوقه بماء وزيت ومنتفه
بصل مقطع شرائح بالطول
فلفل رومي مقطع شرائح بالطول
طماطم وسط مقطعه مكعبات صغيره
علبتين زبادي (روب)
رشة ملح
رشة فلفل أسود
خبز عربي الصغير ( مفرود_ الشامي)
بطاطس مقطع أصابع ومقلي
خس مفروم
كاتشب + مايونيز ( أخلطيهم مع بعض لدهن الخبز )
الطــــريقـــــة :::
جيبي صينية التيفال الوسط وضعي ( الدجاج + البصل+ الفلفل الرومي+ الطماطم + الزبادي + الملح والفلفل الأسود ) تخلطينهم مع بعض لحد مايتجانسوا وتفردينهم بالصينيه
طبعا راح يكون الفرن مرررره حار ومشغلته على العين العلويه وتدخلين الصينيه من فوق لحد ماتتشقر من فوق شئ بسيط ثم تطلعينه من الفرن وتقلبينه وتفردينه وتشقرينه مره ثانيه
إذا حبيتي يكون فيها نكهة الفحم ضعي فحم سريع الإشتعال على النار ثم بشوي زيت واكتميه مع الدجاج إذا خرج من الفرن وبالفحم ألذ وأطعم تطلع مثل شاورما المطاعم
الحين جيبي المفرود الصغير وأفتحيه بحيث يصير ثنتين ثم أدهنيه بالخلطه وضعي البطاطس المقلي والخس المفروم ومن الشاورما ثم لفيها بحذر وبعدين لفيه وش أسمه ياربي وش أسمه أيه تذكرت
ورق الأبيض حق لف الشاورما أوناس يسمونه ورق النشاف حق القلي المهم لفوه لو بمنديل بالأخير راح تأكلونه إن شاءالله


وهنــــــــــي وعــافيــه عـلــى قــلــب كــل وحــــدة تســـويــه وتــعـجــبه

دعــــــــــــــــــــــــــــــــوـوـوـوـواتــــــــكـــــ

رفع لعيونك
تسلمين ياندااااااااااااوي الله يجزاكى خير ويوفقك يااارب مشكوووره مررررررررررره
اللهم ارحم واغفر لزوجي واسكنه الفردوس الاعلى وجميع المسلمين والمسلمات


الساعة الآن 01:35 .