وانا بعد ودي اسوي محشي كوسا بس ما اعرف
لا شي يستحق ان نتالم لاجله سوى الذنوب ❤
هلا غاليتي..

مادري تقصدين يأنا والا غير لأني مانزلت ورق عنبي لكثرتها بالمنتدى ..

عالعموم حصل خير وهذي طريقة محشي الكوسا..

أنا أحطي المقادير بدون مقدار معين..

كزبرة.. بقدونس.. نعناع.. شبت ................ مفرومين ناعم (الشبت أكثر شي والنعناع أقل شي)..
بصل مفروم ناعم..
طماط مفروم ناعم..
رز مصري..
بهارات ( كمون.. قرفة..بزار.. فلفل أسود)
ملح

الطريقة..
1- طبعا الكوسا تكونين منظفتنه عدل وشايلة راسه بس قطع خفيف.. وتقورينه من الداخل..
حاولي ماتخلين لحم كثير فيه تخلينه شبه فاضي..

2- تخلطين الخلطة كلها مع بعض وتحشينها الكوسا لفوق النص بشوي لأنه راح ينفش الرز واذا كانت متروسة فبيعجن ومايطلع حلو..

3- تصفينها بالجدر بعد وضع قطع دائرية من البطاطس أو لب الكوسا اللي شلتيه مع الكزبرة الكاملة.. وتمسحينهم بالسمن.. مثل طريقة المصريين يطلع المحشي يميييييييي

4- تخلطين عالنار ماي + ماجي + القليل من صلصة الطماطم.. وتصبينه فوقهم بحيث يغطيهم فقط..
وتخلينهم عالنار لين يغلي الماي ومن يغلي توطين عليه وتكون النار جدا خفيفة وتخلينهم يطبخون ..

وقدمية مع سلطة بالروب أحلى سلطة تركب على المحاشي وبالعافية..










ملاحظة: ممكن بطريقة ثانية تسوين مرقة وهي انج تحمسين البصل والطماطم والخضار عالنار وبعدين تخلطينه مع الرز وممكن كله ني بني.. والطريقتين حلوين...

تسلمن الأخوات العزيزات على رفعكن الموضوع لي
ومشكورة الأخت العزيزة*المسافرة* على الوصفة ..... على ذكر مقاديرج لورق العنب هذي الوصفة إنتي منزلتنها من زمان يمكن أكثر من سنتين وألحين جربتها والكل يسألني عنها وعن ولذتها يعطيج العافية وبجرب طريقتج في محشي الكوسا وبردلج خبر
الحمدلله طبقت وصفتج بس زدت بالمقادير يعني الكوسا ثلاثة كيلو والرز تقريبا من كوبين وشوي والباقي نفس المقادير وللأمانة طلع طيب ولذيذ وزدت الفلفل لانه يعطي نكهة حلوة ويشهي أكثر بس نسيت اصوره لكم ان شاءالله المرة الياية تحياتي
يسلمووواا على الوصفه ,,, ***** الله اجربها


الساعة الآن 11:28 .