هلا بك سوفت كوين
انا اقصد القوالب اللي يحطون فيه حلى اللؤالؤ
فهمتي علي
23-01-1431 هـ, 10:12 مساءً
 
للرفع
23-01-1431 هـ, 10:31 مساءً
 
مرحبااا حبيت أساعدك بس مدري إذا هم اللي تقصدين أو لا

هذي قوالب سيليكون عندي صورتها ونزلتها لك شوفيها

بس مافهمت قصدك كيف حلى اللولو يصلح بقوالب كذا يعني ...












23-01-1431 هـ, 10:47 مساءً
 
, الأواني تحصلونها بساكو , وبالأساس تستخدم للحفظ وتقديم الــ sauce و الــ dip و الـ مربيات والزبده ( خاصه بأفطار مع كروسون وتوست تطلع جُونان) , أيضاً مع بعض المثلجات ..



أيضاً ممكن تحصلونها بالسيف جاليري , سعر الصحن الواحد بين الــ 12 ريال إلى الــ 8 ريال

وهذي صورة القوالب رفعتها على موقع ثاني لانه الموقع الاصلي مايرضى صوره تطلع
لذلك اسفه مانقلت الحلى كله لانه طويل والنت مايساعدني
..[/URL]

..[/URL]

..[/URL]

..[/URL]
23-01-1431 هـ, 11:55 مساءً
 
لقيت الحلى بموقع ثاني وجبته كامل


المقادير:

ملاحظه}
لنتائج افضل يستحسن يكون عندج الأواني الزجاجيه مثل اللي استخدمتها ، في حال ماتوفر لج ممكن تستخدمين أواني الشموع اللي تجيج صغيره ، حلاتها بصغر حجمها ، لاتغركم مبين بالصوره كبيره بينما هي عكس ذلك , حجمها مطابق تقريباً مثل الفنجان


الكميه تكفي 12 مله لـ 12 شخص .
كيك بالشوكولاته ( استخدمت نصف كيكة امريكانا ) شخصيا افضل اصلح الكيكه بنفسي بس هالمره عشان التصوير استخدمت امريكانا <== خايفه تتهمونها بحب الشقاء ..( بنات مره مره تغيرت بعض الماركات عندنا يستخفون بنا .. ممكن تستخدمين بيتي كروكر , sara lee ( سارا لي ),لأن أمريكانا تغير بالحيل بس مايبين بالحلى )
12 حبة بسكوت بالسمسم ( اولكر)
( كيس أوريو واحد) أبو 6 حبات منزوع الكريمه ( يعني بيطلع معنا 12 شرحه)
حليب للتغميس

مقادير صوص الشوكولاته :
علبة قشطة.
4 اصابع تويكس
1 شكولاته فليك
ظرف بودرة كريم كراميل
2 حبه بسكوت اوريو ( منزوع الكريمه يعني 4 شرحات )

للزينه :
شوكولاته مره


الطريقه}
نقطع الكيك قطع عشوائيه ونرصها أسفل كل وعاء


نضغطها بالاصبع ( عاد مو تفعصينها لين تموت , بالراحه ياقلبي , لأني زمان كنت أفعصها بكل جوارحي ماأدري ليه , فتصير تتعب بالأكل أنتبهي)

نغمس بسكوت السمسم بالحليب ونضعه فوق الكيك ( بعد مو تخلينه يسبح على كيفه ؟؟ بسكويت السمسم بسرعه يتفتت بس ذوقيه الحليب .. غمسه وحده ونزليه بسرعه )

ايضاً نغمس بسكوت الأوريو ونرصه فوق بسكوت السمسم (يستحمل الحليب حبتين ماراح ينخنق) <==== مسكين مو راضي يشرب الحليب لووووووووووول



نخلط مقادير صوص الشوكولاته بالخلاط الى ان يتجانس .
ياكتاكيت عارفين كلنا أن التويكس يابس , فـأفضل طريقه أنج أول ماتبدين بالتحضير تخلطينه , وكل شوي دز دز دز ( مسموح التعذيب هنا ) ..
وأحرصي أن المكونات تكون على درجة حرارة الغرفه عشان لا تتعبين بالخلط ..


نصب الخليط فوق كل اناء حتى نغمره


نزينه ببشر شوكولاته مره أو اي نوع شوكولاته ، بس يستحسن تكون مره عشان تعدل النكهه ، وتعطي شكل أحلى .



و تقدم عليكم بالعافيه

للعلم يا بنات الصحون ممكن تستخدمينها للحلى البارده والتشيز كيك وبعد للافطار تحطين فيها الزبده او المربى او اللبنه واجمل تحيه لكم
24-01-1431 هـ, 02:16 صباحاً
 


الساعة الآن 09:49 .