السلام عليكم و رحمة الله و بركاته

يا حوائيات يا ستات البيوت يا احلى شيفات في الدنيا >>>>> لازم تدهن السير أول

داخله على الله ثم عليكم ابغى اللي شاطره في عمل الكباب اللي بالفرن بالاعواد الخشب تعلمني وش خلطتها اللي تخلي اللحمة متماسكة و ماتتفكك

وحده من الاخوات هنا جزاها الله خير ارسلتلي طريقة الكباب الهندي بس الله لا يوريكم تحولت النية من كباب الى حشوة سمبوسة لانها ابد عيت تتماسك لدرجة فكر احط لها اسبراي و جل >>>> تتميلح شوي

ياليت تفيدوني زوجي مهووس كباب و غثني ليش ماتعرفين تسوينه شكله سهل ما يبيله >>>>> ورى ما تسوي انت دامه سهل و يومك شيف و تعرف طريقته

انتظر ردودكم الزينه
23-01-1431 هـ, 10:57 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كباب اللحم الطري .. بالصور...
كباب اللحم الطري







السلام عليكم ورحمة الله وبركاته

اهلين حبايبي
قبل امس تعشينا كباب وكنت مسويته على طريقة عبق جزاها ربي كل خير ومتعها بالصحه والعافيه
وطلع جنااان ما شاء الله





هذه المقادير زي ما هي كاتبتها انا استخدمت نص المقدار )
( الكباب )

كيلو لحم مفروم مغسول ومنظف
2_ بصل كبير مفروم ناعم جداً
1_ حزمة كزبرة مفرومة ناعم
2_ ملعقة كبيرة سماق
1/4 كوب بقسماط

ملح ,,, فلفل أسود
بهارات هندية للحم المفروم ( حسب الرغبة )


:: الطريقة ::

* نخلط جميع المكونات مع اللحم المفروم ونحفر حفرة في الوسط ونضع فيها فنجان قهوة صغير
وفيه شوي زيت ونسقط فيه قطعة فحم مولعة ونغطي المكونات بالقصدير مباشرة
* نشك الكباب في اعواد الشوي الخشب
* نضع الكباب في الثلاجة قبل الشوي بنص ساعة
* نخرج الكباب ونشويه في الشواية

:: ملاحظة ::
يجب دهن الكباب بقليل من الزيت بفرشاة سيلكون قبل الشوي واثناء التقليب
سويته بلحمة طازجه انا فرمتها وسويت نفس تتبيلة عبق بس حطيت بقدونس بدل الكزبره ما كان عندي كزبره كفايه وزدت زنجبيل طازج مفروم وزودت عليه شوي شحم
هذا شكل الكباب قبل لا اشويه










انا حطيته في صينيه ودخلته الفرن وهذا شكله بعد ما طلع الفرن









دمتم بحفظ الرحمن
23-01-1431 هـ, 11:04 مساءً
 
ماشاءالله عليك يا لونا مبدعه :27
روووووعه احلى من يد اكبر شيف
23-01-1431 هـ, 11:33 مساءً
 
لونا وش ذا الزين تسلم يدك و مداخيل العافية يااااااااااااااارب <<<<< خقت و هي تتوحم
23-01-1431 هـ, 11:48 مساءً
 
الجده ام البنات

حياك بغيت انساك من شفت الكباب

تسلمين على مرورك الجميل
23-01-1431 هـ, 11:49 مساءً
 


الساعة الآن 11:22 .