ابي طريقة للرز اللبن لا 4 اشخاص ومن غير نشا وشكرااااااا
مالح ولا حالي ؟؟
لا حلو ياريت

الرز باللبن












عرفت طريقة جديدة للرز باللبن مختلفة شوي عن اللي كنت عارفاه من ماما






عرفتها من اصحاب محلات الاصيل شخصيا


للي مايعرفش محلات الاصيل


دول ناس بتوع كباب و كشري و حلواني و كله يعني


موجودين في مدينة نصر و المهندسين و وسط البلد






و الغريب ان حاجتهم كلها ممتازة


سواء كانت حوادق او حلويات


بس الرز باللبن بتاعهم غيييير






المهم ندخل علي المقادير و الطريقة علي طول بأه










كوب ارز

(طبعا ارز مصري)

(متنقي و مغسول)


5 كوب مايه


2 كيلو لبن


فانيليا


سكر حسب الرغبة










الطريقة بأه






بنسوي الرز في الماية اللي قلنا عليها


بس نهدي النار و نغطي الحلة كويس علشان احنا عايزين الرز يستوي براحته خااااالص


لحد ما الماية بتاعته تنشف و الرز يكون معجن خاااالص







خلاص كده الرز مافيهوش ماية


نحط سكر بتاعنا و نقلب كويس لحد ما السكر يسيح


و بعدين نزود اللبن حبه حبه


نزود و نقلب لغاية ما يوصل للقوام المطلوب

(ممكن مايحتجش ال2 كيلو كلهم)


لو بتستخدمي اللبن المعلب يبقي حطي شوية قشطة مع اللبن حجم كوب زبادي كبير كده


علشان يدي طعم حلو


و نسيبه لما يغلي علشان نتأكد ان هو ده القوام بتاعنا


بس اول ما يغلي حطي الفانيليا


في ناس هتقوللي احنا ليه ماحطناش نشا






اقول علشان احنا لما غلينا الرز و قطعنا نفسه استخلصنا النشا بتاعه فهو ده اللي هنستخدمه










كده خلاص نغرف بأه في السلطنيات بتاعة الرز باللبن


و نرش علي الوش قرفة و جوز هند و زبيب و مكسرات مجروشة







و بألف هنا و شفا





الأرز باللبن
الأرز باللبن من الأطباق البسيطة التي تقدم باردة بطرق متعددةمنها طاجن الأرز باللبن في الفرن و منها الأرز باللبن بالمكسرات و الأرز باللبن بالفاكهة و الجيلي
و يمكن أن تتفنني في تقديم أطباق الأرز باللبنو هو صنف محبب للأطفال سأقدم لكم اليوم أسرع طرق إعداد الأرز باللبن

الطريقة

1/2 كوب أرز
1/2 كيلو لبن حليب
7 أو 8 ملاعق سكر
2 ملعقة قشدة (إختيارية و يمكن الاستغناء عنها)
2 كوب ماء
رشة فانيليا



* يغسل الأرز و يوضع على النار في كمية الماء حتى الغليان ... ثم تهدأ النار و يوارب الغطاء مع ملاحظتها من آن لآخر و التقليب حتى لا يلتسق الأرز في القاع.





* بعد ان ينضج الأرز نلاحظ أنه تشرب كل كمية الماء و نضج تماماو أصبح شكله كما في الصورة التالية.



* نضع اللبن و السكر مع الاستمرار في التقليب حتي يبدأ في الغليان مرة اخرى بعد لإضافة اللبن


* بعد حوالي خمس دقائق نضيف القشدة و الفانيليا و نقلب جيدا و نطفئ النار
* يوزع في أطباق و هو ساخن
* هذه اكمية تكفي أربع أطباق متوسطة أو خمسة صغيرة





هذه هي أبسط و أسرع طرق إعداد الأرز باللبن
يمكن تجميل الأطباق برش قليل من القرفة و جوز الهند أو المكسرات حسب الرغبة.


الساعة الآن 05:56 .