وعليكم السلام يا هلا وغلا حبيبتي
شوفي ياقلبي عندك الحلا حلا التمر يجنن وسهل ويصلح للبر بعد الي هو كاس حليب محموس وعلبة بسكوت شاهي مجروش واصبع زبده وثلاث ارباع الكيسه الصغيره تمر سكري او عادي حوالي كاسين تقريبا اعجنيهم مع بعض وكوريه ورشي في صينية التقديم بسكوت علشان ما يلزق صفيه وحطي في الخلاط نستله و2 كيري وصبيها عليه زينيه بهرشي وحطي فيه الاعواد وصلى الله وبارك بعد عندك البسبوسه المحشيه حلوه وتصلح للطلعه وتقدرين بعد تاخذين صينية شعبيات معمول مشكل وبسكوت وشابوره تكون جاهزه اريح وانتي صفيهافي سله اوصينيه بطريقه حلوه وممكن تاخذين معجنات مشكله او سمبوسه بس اومطبق اومنتو كذاب انتي وذوقكوقهوه وزنجبيل الا اذا كنتو بتسونها هناك بس هذا الي عندي الغدا والفطور اعتقد ماله داعي لانهم بيكونون عاملين حسابهم واذا كان فيه بنات وفله خذي شيبسات ومكسرات وخذي مارشميلو اشووه على الفحم يجنن وبس ادري طولت عليك ياعمري بس ان شاء الله اكون افدتك وطلعه سعيده مقدما ولا تنسينا من دعواتك

يالغلا
صلحي سينابون ومعجنات
إن شاء الله يعجبهم ويقولون عنك سنعه والله يوفقك
أسهل طريقة للصدقة
جمعية إنسان 5055
جمعية مرضى السرطان 5070
جمعية الإسكان الخيري 5040
جمعية مرضى الفشل الكلوي 5060
للتبرع شهريا بمبلغ 12 ريال ارسل 1
و للتبرع بمبلغ 10 ريال أرسل رسالة فارغة إلى أحد الأرقام السابقة
وتقبل الله منا ومنكم
ولايهمك يالغلا مالك إلا يقولون سنعن وسنعه بعد مرة ولدنا
روحي طيران وجيبي ورقه كبيره وقلم ياحلوه وأكتبي معي
شوفي حبيبتي بالنسبه للهوت دوق قطعيه حلقات وبعدين جيبي بصل وثوم مقطع كشنيه على النار
إلين يذبلون شوي وضيفي طماطم مقطعه صغير وفلفل رومي وبهريه بملح وفلفل أسود وأخر شئ

ضيفي الهوت دوق وخليهم على النار مع التقليب علشان يأخذ نكهة الكشنه
الصوص ( كاتشب + جبن سايل + شوي سومطره )
أدهني الصامولي بالصوص وبعدين أحشيه تحبين الخس قطعيه شرائح وحطيه مع الحشوه
=================
ساندويشات الدجاج لذيذه مررررره :::
-------

تجيبين صينية تيفال تحطين شوية زيت إذا أحتر الزيت تحطين مكعبات الدجاج وتقلبينه حتى يستوي وبهريه بملح وفلفل أسود
طبعا تكونين مقطعه بصل أخضر وبقدونس مفروم وتحطينه على الدجاج تقلبينهن مع بعض ونزليه على جنب
الخلطه (2 م ك مايونيز + 2 م ك زبادي + 2 م ك جبن سايل + 1 م ك طحينه سايله )
تخلطين الدجاج والخلطه مع بعض إلين يتجانسن وأحشي خبز الصامولي
===============
شاورما لذيذه وخفيفه :::
--------

دجاجه كامله مسلوقه بماء وزيت ومنتفه
بصل مقطع شرائح بالطول
فلفل رومي مقطع شرائح بالطول
طماطم وسط مقطعه مكعبات صغيره
علبتين زبادي (روب)
رشة ملح
رشة فلفل أسود
خبز عربي الصغير ( مفرود_ الشامي)
بطاطس مقطع أصابع ومقلي
خس مفروم
كاتشب + مايونيز ( أخلطيهم مع بعض لدهن الخبز )
الطــــريقـــــة :::
جيبي صينية التيفال الوسط وضعي ( الدجاج + البصل+ الفلفل الرومي+ الطماطم + الزبادي + الملح والفلفل الأسود ) تخلطينهم مع بعض لحد مايتجانسوا وتفردينهم بالصينيه
طبعا راح يكون الفرن مرررره حار ومشغلته على العين العلويه وتدخلين الصينيه من فوق لحد ماتتشقر من فوق شئ بسيط ثم تطلعينه من الفرن وتقلبينه وتفردينه وتشقرينه مره ثانيه
إذا حبيتي يكون فيها نكهة الفحم ضعي فحم سريع الإشتعال على النار ثم بشوي زيت واكتميه مع الدجاج إذا خرج من الفرن وبالفحم ألذ وأطعم تطلع مثل شاورما المطاعم
الحين جيبي المفرود الصغير وأفتحيه بحيث يصير ثنتين ثم أدهنيه بالخلطه وضعي البطاطس المقلي والخس المفروم ومن الشاورما ثم لفيها بحذر وبعدين لفيه وش أسمه ياربي وش أسمه أيه تذكرت
ورق الأبيض حق لف الشاورما أوناس يسمونه ورق النشاف حق القلي المهم لفوه لو بمنديل بالأخير راح تأكلونه إن شاءالله


وهنــــــــــي وعــافيــه عـلــى قــلــب كــل وحــــدة تســـويــه وتــعـجــبه
دعـــــــــوـوـوـواتــــــكــــ

أما بالنسبه للقهوه خوذي
قشد _ حنيني _ كيكة لزبادي ساده أو فوقه خلطه شوكولاتات مشكله _ بساكيت _
أي مساعده أو إستفسار أنا حاضره


الساعة الآن 01:16 .