استخدمي رز سن وايت او تايجر
وانقعي وحطي مي قد ما حطيتي رز... بتقدري تشوحي الرز أول بالسمنة قبل ما تضيفي الماء المغلي
او تحطي نص عيار السمنة (انا بخلط سمنة وزيت مازولا وشوية سمنة بلدية) (اولها على العالي وبعدين هدي النار لما تتنشف المي)
ولما يتنشف الرز ويقرب يستوي احمي خليط السمنة مزبوط وحطي على الوجه وبعدين بالملعقة غزي شوي بالرز حتى يدخل لجوا
واتركي على النار الهادية شوي
وبعجين اطفي وخلي شوي يتهدا
وبيطلع عندك احلى رز منسف
خبز الشراك بالعادة رفيع كتير
ما بعرف ازا عندكم منو
بس الصاج منيح بتفردي تحت الخبز، وما تنسي قبل ما تديري الرز تفتي كمان خبز بالنص وبتشريي الخبز شوي وبعدين بتديري الرز وبتجللي باللحمة الكبيرة وبلحمة مغرومة اظا بتحبي ولوز وصنوبر
وبالعافية
بالنسبة للبن
اطيب اشي انك تستخدمي جميد وبتنقعي بعد ما تغسلي بالمي منيح عشان يروح الملح
وبعدين بتخلطي بالخلاط ولضيفي معو لبن نعاج وشوية لبن شنينة "مخيض"
وبتخلي يغلي ولازم نضلط تحركي مزبوط وما تتركي ولا بيفرط
وبعدين بس يغلي بتتركي وبتضيفي عليه شوي من مية اللحمة
(بتصفيها)
وخلي على النار، وازا بدو ملح حطي
بعدين بعد ما يغلي منيح ضيفي اللحمة وخليها تغلي معو (اللحمة مسلوقة)
عشان تشرب طعم اللبن، فيكي كمان تحطيها وهي نصف سلقة وتكمل سلق باللبن
وكل ما تشوفي تقيل ممكن تضيفي من مرقة اللحمة
وانبسطو بمنسف ملوكي وصحتين
25-01-1431 هـ, 01:17 صباحاً
 
فار اويه هاد منسف بدوي اصلي ماله داعي المعالق
25-01-1431 هـ, 03:55 صباحاً
 
يالله سويتة مرة وطلع جناااااااان
والله مابقي شي بالصحن
وايش استخدمت لة؟
رز شعلان
والخبز نسوية على الصاج عادي
25-01-1431 هـ, 04:02 صباحاً
 
اقتباس مشاركة  (اتوب اليك)
فار اويه هاد منسف بدوي اصلي ماله داعي المعالق

صحيح كلامك

شوفي، ما شاء الله أهلي هم أسياد المنسف بلا منازع

يعني في العائلة عنا وبالمناسبات والعزايم الفخمة، لا بد من اشراف أهلي لإضافة اللمسان

وبالمناسبة، طبخ المنسف لا يقتصر على الزوجة فقط

بل هو حدث يشارك في الزوج أيضًا ووالدي لازم يدخل ويضع تعليماتو على اللبن

اللبن هو الاساس

والرز لازم ينعد بطريقة يلي ابدا ما يخبص، ويكون مستوي

وزي ما تفضلو الاخوات، الرز الطويل "الشعلان وغيرو" مش هو الاصل ازا بدك منسف أصلي

بس اذا بدك تعملي للبيت مو لعزيمة ممكن.. بس برضو ازا بدك النكهة الاصلية ويختلط اللبن ويتشربو الرز، ما عليكي الا بالرز العادي "مصري، اسباني..)
25-01-1431 هـ, 10:31 صباحاً
 
كلام الاخت فارأوي هو الصحيح

المنسف اكلة اردنية ولازم تكون على اصولها

يعني رز مصري وممكن سن وايت (قصير الحبة) ويكون الرز طري ويشرب اللبن
أما الاخوات اللي يقولوا ينفع برز أمريكي ولا شعلان هذا كلام مو صحيح

إعذروني بس اصول المنسف إنه الرز
يشرب اللبن والرز الامريكي او الشعلان بس تخلي عليه اللبن يصير الرز يسبح وما يشربه (ما صار منسف ابداً)
25-01-1431 هـ, 11:10 صباحاً
 


الساعة الآن 06:59 .