استاجرى شغاله اذا تقدرى ياقلبي
وتساعد امك
بس فرزنه شوربه ماادرى اول مره اسمعها
25-01-1431 هـ, 12:18 صباحاً
 
فرزني الكشنه البصل والطماط بس ثم طلعي لك كيس وحطي اللحمه والشوربه وبعدين اللحمه تفقد فايدتها اذا طبختيها ثم جمديها ثم سخنتيها ما راح تكون كالطازجه ابد ابد والله يقومك بالسلامه يارب
25-01-1431 هـ, 12:49 صباحاً
 
يعطيك العافيه يارب ويقومك بالسلامه ....
نصيحتي لك قبل ولادتك فرزني المراصيع (المصابيب )
واذا تعرفين تسوين القرصان سويها وفرزنيها ...
الدجاج او اللحم قطعيه صغار وفرزنيه ....
وكمان فرزني الكشنه (سوي كميه كبيره وفرزنيها ) والله اعرف موظفات وهذا اسلوبهم
تفرم بصل كميه كبيره وطماطم وتجهز كشنتها بس بدون ملح وتحطها بالفريزر ...
وانتهى اذا احتاجت طلعتها وعلى القدر مع اللحم وتحط الملح وربع ساعه وكل شيء جاهز ...
ترى اللي ياخذ وقت هو تقطيع اغراض الكشنه مع تجهيزها ...
...
الله لايحرمك برها ...ويخليها لك
25-01-1431 هـ, 01:03 صباحاً
 
رفوله
ما ادري اذا تذكرين بعد ما ولدت التوينز وشغالتها ربي ينتقم منها اكتشفت انها تدخل رجال وسفرتها
وتعرفين امي الله يرحمها حالتها كيف كانت
المهم انا كنت مسويه التالي من قبل حتى ما ادخل المستشفى:
1- جبت تمر معجون من الصالحية وفرمته مع دقيق وهيل وفلفل اسود وشوية زبده ووزعت الكميه على حوالي 8 اكياس صغيره حقت وجبه....طبعا انتي تقولي ايش بيطلع ذا؟ا
بيطلع حنيني بس حميه 5 دقايق وزيديه سمن وزيت زيتون وكليه

2- الدجاج واللحم قطعيه واسلقيه مع البهارات وحطي كل جزء قد وجبه في كيس او علبه وفي الفريزر ولما تطلعيه زيديه شوية كويكر وهو جالس يسخن وبالعافيه

3- احنا اهل نجد الوالده تاكل حبه اسمها ماش
هي خضرا ومدوره
المهم انا سلقته وحطيت كل جزء في اكياس وفي الفريزر ومره احطه مع مرقه السلق
ومره ثانيه ارشه فوق السلطه

4- شوربة العدس مررره سهله ومغذيه للوالده وزيدي عليها شوية خضار وقرع عسلي وتطلع لذيذه وسريعه

5- فطورك مافيه اسهل منه بيض عيون ولما يستوي رشي عليه زيت زيتون وكمون وفلفل اسود وبالعافيه

6- كمان للفطور شي اسمه مراصيع: انا اسويها كبييييره للسرعه وقرص واحد يكفيني
ومقاديره سهله كلها دقيق بر ومويه ورشة حبة سوداء وانا ابدل المويه بالحليب وازيد بيضه للفايده
وتعمليه زي البان كيك وبالعافية وكليه مع عسل

7- شوربة خضار عاديه اعتقد سهله
ولو ماعندك وقت جيبي خضار مجمده وبهارات ومرقه ويمشي الحال

طبعا الصبح وقبل النوم ضروري خذي لك كاس حليب دافي مع عسل وممكن تحطي ملعقه حلبه مطحونه لو حابة و 7 تمرات..... فلو ما اكلتي كويس هذي تعوضك

هذا اللي متذكرته رفوله
ولا تشيلي هم وربي يقومك انتي والبيبي بالسلامة
26-01-1431 هـ, 06:39 مساءً
 
ماقصرت دلوعه

والله يقومك يارفول بالسلامة 000

00 لأن التوينز جلسوا في المستشفى فأضطريت اني اخذ شقه واجلس جنب عيالي لأن اهلي بعيدين
لكن سواا لي عصيده ووزعوها في علب وكل يوم اطلع منها واحميها واكل نها في الفطور00والغداء مسويين لي ايدام خضار مع دجاج وبرضه موزع في علب ومثلج 00وبس احميه واضيف له فلفل اسود واكله مع البر

والعشاء اي شي او ارجع اكل العصيدة 000المهم الواحد يمشيها اهم شي الأيام الأولى
26-01-1431 هـ, 07:29 مساءً
 


الساعة الآن 02:02 .