المهم عزيزاتي
السالفه اني في يوم من الايام كنت رايحه عند صديقتي
وعقب ما تعشو الحريم(كاني قمت اقط خيط وخيط)
المهم قدمت لنا حلا بارد شكله عجيب
ايي في ملال من تحت لونه ابيض ناصع ومن فوق احمر ومزينته بشرايح من الفراوله
والحريم خلصو من لذته
والكل طلب طريقته وهي مسكينه ما قصرت (مو مثل بعض الحريم اللي يناحسون)وزعت علينا الطريقه وهي ما يلي:-


المقادير
2/1 2 الكوب روب مرموم او المراعي (المهم ما يكون في حموضه)
4 م/ص جيلاتين
4/3 استكانه ماي حار
1 كوب كريما سائله
4/3 كوب سكر
ماي ورد
فراوله طازجه
فراوله مثلجه
سكر


الطريقه
نذوب الجيلاتين بالماي الحار
نخلط
الروب والجيلاتين والكريماوالسكر و3م/ك ماي ورد بالسلك اليدوي
حتى يذوب السكر ونصبه في الملال
وبعدين بالخلاط نحط
الفراوله النوعين والسكر وشوي ماي ورد
ونصبه فوقه
ونحطه في الثلاجه
ياللا يا حلوين جربوه
والله ما راح تندمون
وادعوا حق صديقتي وادعولي انا بعد
واي سؤال انا حاضره
مع السلامه
07-07-1425 هـ, 02:12 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
باين عليه بيكون لذيذ ان شاء الله نجربه واقول لج النتيجه الله يعطيج العافية
07-07-1425 هـ, 10:36 صباحاً
 
تسلمين على الحلي اللذيذ

بجربة ان شاء الله

07-07-1425 هـ, 12:42 مساءً
 
مشكوره اخت بدره على هذه الوصفه
بصراحه واضح انها لذيذه ومفيده للجسم لانها كلها البان وفواكه
بصراحه يعطيك العافيه وهذي مني لكي


07-07-1425 هـ, 03:23 مساءً
 
مشكوره عزيزتى على احلا شكله مره حلوه
بس ابسالك ايش هى الكريمه السائله ؟
07-07-1425 هـ, 10:35 مساءً
 


الساعة الآن 01:03 .