السلام عليكم


اشتريت الماكينه الكهربائيه وجربيتها بس احس البسكوت مب مستوي وما اعرف كم اخليه
وكم كمية الكور العجين اللي احطهم .


يوم حطيت شويه ما تكتمل الكوره ويوم احط وايد يزيد وفي كل الاحوال يستوي البسكوت غليظ

إعلان

ما اعرف شو الساااااااااااااااالفه .


ارجوكم انكم تساعدوني وتجاوبوني على الثلاث اسئله وباسرع وقت ممكن .


على فكره المكينه اللي اشتريتها تسوي نوعين من البسكوت ها البسكوت والولفن كيك واغلى من المكينه القبليه .

ردوا عليه بسرعه عشان ما تحسف اني اشتريتها

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيت اسالك المكينه كيف شكلها ومن فين اشتريتيهاوهل البسكوت يكون محشي
روح جميرا
بس حطي كرة صغيرة مو كبيرة ولما يطلع دخان خلاص سكريه على طول لأن بسرعة يستوي ..
أختي رقيقه

مشكوره لانج رديتي عليه لاني اترياكم بفارق الصبر

بس بسالج عدة اسئله اذا ما عليج اماره

انتي عندج المكينه ؟

ويوم تسوينه يستوي يابس ولا ؟ لاني انا يستوي عندي جنه حصا واحس انه مب مستوي

واي خلطه تسوين اللي حاطتنه الاخت بيان ولا اللي مكتوب في كتيب المكينه ؟

والتوفى اي طريقه تسوين

انا جربت البسكوت البارحه واليوم بجرب طريقة الكتيب

***** الله يستوي

اسمحيلي اختي وايد طولت عليج بالاسئله
:24:
شوفي حبوبة
آنا عندي الجهاز شريته قبل فترة، وأستخدم طريقة واحة أمل اللي حاطتها بنفس ملف بيان، روحي هناك وتلاقين واحة أمل كاتبة طريقة إستخدميها لأنها تستخدم سكر الكاسترد بدل السكر العادي، وهذا يعطي ليونة للبسكوت، والنقطة الاهم من هذا كله إني وبإجتهاد وللله الحمد مني حطيت مرة بدل الطحين العادي حطيت طحين الرز لأني سمعت إنه يعطي ليونة للبسكوت وتصدقين صار لين ولذيذ، يعني مثلا لو مقدار البسكوت كوبين طحين حطي كوب ونص طحين رز ونص كوب طحين عادي، وجربي، ولو إني المرة الجاية راح أحط كل طحين الرز..

بالنسبة للتوفي إخذي علبة النستلة الحديد، وشيلة الورقة اللي عليها علشان ماتحترق وسخني ماي حار وحطي العلبة كلها داخل الماي وخليها مدة ساعة ونص إلى ساعتين، وبعدين فتحي العلبة راح تلاقين الحليب المكثف صار لونه بني حطي عليه شوي زبدة وكم نقطة من ماي الورد يصير لج خوش توفي، تدرين آنا من سويت البسكوت والتوفي بالثلاجة ماخرب كلش حاطته بعلبة، طبعا المسافرة هم نصحتني بجذي..


الساعة الآن 05:34 .