هلا فيج
شوفي لاتحطين مقدار طحين الرز كامل بس مجرد نص بنص أو 1 ونص رز والنص الباقي طحين عادي.. ونصيحة غطي البسكوت على طول وحطيه في برطمان علشان مايصير يابس..

والتوفي لازم يتفور على النار وغطي على الجدر علشان ماينشف الماي وكل نص ساعة تأكدي إن الماي ماخلص علشان ماتحترق العلبة..
08-07-1425 هـ, 03:39 مساءً
 
اختي روح جميرا

ممكن اطرشيلي عال الخاص من وين شارتنها لاني ادورها وما لقيتها
17-07-1425 هـ, 02:58 مساءً
 
هلا بالجميع.. روح جميرا ورقيقة..

أنا داشة بساعدج بس رقيقة الغالية ماقصرت..

شوفي طرقتي مثل واحة أمل بالضبط.. بس أنقص من الطحين مقدار ملعقة أو ملعقتين وأستبدلهم بالنشا.. والباقي نفس الشي..
يطلع أطرى شوي..

بعدين اذا شغلتي الجهاز لا تنتظرين لين يلبق الليت الأحمر.. من تشوفين دخان طلع بنديها وافتحي عالبسكوت.. شوفي تماسك والا لا.. اذا تماسك خلاص شليه واذا لا.. سكريها وشغليها شوية.. لين ماتستوي.. وعلى هالحال ويا الباقي..

التوفي.. نفس اللي قالته رقيقة.. فوري علبة الحليب المركز بالجدر لمدة ساعتين ومن تجهز حطيه بملة وحطي عليه ملعقتين أو 3 زبدة وكمن نقطة ماي ورد.. وبس.. حطيه بعلبة مسكرة وبالثلاجة واستخدميه وقت الحاجة والباقي خليه بالعلبة.. يتم فترة بالثلاجة.. وهذي طريقتي وأي سؤال أنا حاضرة..
17-07-1425 هـ, 05:10 مساءً
 
أختي بيرل

ما اعلاف كيف يستخدمون الخاص لاني يديده في المنتدى علميني وبخبرج كيف اشتريتها



وأختي المسافره


مشكوره على الرد

بس التوفى انا امتاكده انه مب اللي تستخدمه الحرمه لانه لونه يطلع غامق وسائل يوم احطه في البسكوت ينجب

اذا عندج طريقه غير خبريني
17-07-1425 هـ, 11:11 مساءً
 
السلام عليكم.............
هذي أنا وحووووحة
شوفي روح جميرا.........للأمانة أنا جربت العجينة مرة بالسمن وطلع وايد أطرى عن الزبد بصراحة رهيب
والشيء الثاني التوفي فوري العلبة(حليب نستله المركز) مدة من 2-إلى2.5 ساعة وبيطلع بني غامق وغليظ وايد بتضيفين له شوية زبد مع كم قطرة ماء زهر واخلطيه والنتيجة بتكون نفس اللي تسويه الحرمة وأحلى
وأعطيج ضمان على النتيجة
وسلااااااااام
18-07-1425 هـ, 08:54 صباحاً
 


الساعة الآن 08:26 .