السلام عليكم000بنات ماعليكم امرانا عندي عزيمة بنات يوم الخميس ودي اسوي لهم عشاء شغل يدي ماودي اجيب من مطاعم ومني عارفه كيف اجلس معهم او اقعد في المطبخ اطبخ وانفخ00000مع العلم ماعندي شغاله واهلي مو عندي0000

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أبدي أطبخي من الظهر عشان تخلصين كل شي بدري قبل مايوصلون و حاولي تختارين أشياء تقدرين تسخنينها و موضروري

تسوين رز ولحم لأنكي بتطرين تروحين كل شوي تشوفينه و تشرفين عليه وهم بنات عادي ياكلون أي شي مو لازم رز
و أذاكنتي بتسوين حلى سوي نوع واحد سهل من الليل عشان الحلى يبيله وقت عشان يبرد و أصناف العشاء

يكفي صنفين أو ثلاثه على قدهم لاتكثرين لأنكي بتكرفين في المواعين وبس ههههههههههه
شوفي يالغلا إذا كان بس بنات سهله سوي .........
( نوعين سلطه _ نوعين سندويشات _ الطبق الرئيسي صينية خضار أو مكرونه )
السلطات ....
سلطة السيزر
سلطة الفته


أتمنى يعجبونك الطرق اللي بحطهن....

شوفي حبيبتي بالنسبه للهوت دوق قطعيه حلقات وبعدين جيبي بصل وثوم مقطع كشنيه على النار
إلين يذبلون شوي وضيفي طماطم مقطعه صغير وفلفل رومي وبهريه بملح وفلفل أسود وأخر شئ
ضيفي الهوت دوق وخليهم على النار مع التقليب علشان يأخذ نكهة الكشنه

الصوص ( كاتشب + جبن سايل + شوي سومطره )
أدهني الصامولي بالصوص وبعدين أحشيه تحبين الخس قطعيه شرائح وحطيه مع الحشوه
=================
ساندويشات الدجاج لذيذه مررررره :::
-------

تجيبين صينية تيفال تحطين شوية زيت إذا أحتر الزيت تحطين مكعبات الدجاج وتقلبينه حتى يستوي وبهريه بملح وفلفل أسود
طبعا تكونين مقطعه بصل أخضر وبقدونس مفروم وتحطينه على الدجاج تقلبينهن مع بعض ونزليه على جنب
الخلطه (2 م ك مايونيز + 2 م ك زبادي + 2 م ك جبن سايل + 1 م ك طحينه سايله )
تخلطين الدجاج والخلطه مع بعض إلين يتجانسن وأحشي خبز الصامولي
===============
شاورما لذيذه وخفيفه :::
--------


دجاجه كامله مسلوقه بماء وزيت ومنتفه
بصل مقطع شرائح بالطول
فلفل رومي مقطع شرائح بالطول
طماطم وسط مقطعه مكعبات صغيره
علبتين زبادي (روب)
رشة ملح
رشة فلفل أسود
خبز عربي الصغير ( مفرود_ الشامي)
بطاطس مقطع أصابع ومقلي
خس مفروم
كاتشب + مايونيز ( أخلطيهم مع بعض لدهن الخبز )
الطــــريقـــــة :::
جيبي صينية التيفال الوسط وضعي ( الدجاج + البصل+ الفلفل الرومي+ الطماطم + الزبادي + الملح والفلفل الأسود ) تخلطينهم مع بعض لحد مايتجانسوا وتفردينهم بالصينيه
طبعا راح يكون الفرن مرررره حار ومشغلته على العين العلويه وتدخلين الصينيه من فوق لحد ماتتشقر من فوق شئ بسيط ثم تطلعينه من الفرن وتقلبينه وتفردينه وتشقرينه مره ثانيه
إذا حبيتي يكون فيها نكهة الفحم ضعي فحم سريع الإشتعال على النار ثم بشوي زيت واكتميه مع الدجاج إذا خرج من الفرن وبالفحم ألذ وأطعم تطلع مثل شاورما المطاعم
الحين جيبي المفرود الصغير وأفتحيه بحيث يصير ثنتين ثم أدهنيه بالخلطه وضعي البطاطس المقلي والخس المفروم ومن الشاورما ثم لفيها بحذر وبعدين لفيه وش أسمه ياربي وش أسمه أيه تذكرت
ورق الأبيض حق لف الشاورما أوناس يسمونه ورق النشاف حق القلي المهم لفوه لو بمنديل بالأخير راح تأكلونه إن شاءالله


وهنــــــــــي وعــافيــه عـلــى قــلــب كــل وحــــدة تســـويــه وتــعـجــبه
دعـــــــــوـوـوـواتــــــكـــ
اختاري اطباق تقدري تحضريها بالليل مثل السمبوسه والكبه والكفته والحلويات وماشاء الله عالم حواء مليان اطباق تصلح للتفريز حتى يوم الخميس مايكون عندك شغل كثير وتكونين مرتاحه
سوي الحلى من الليل
سوي سمبوسه ورق عنب سبرنغ رول مكرونه بالباشميل ونوعين سلطه وبس
ان شاء اللع اكون افدتك
ربي اجعلني مقيما للصلاة ومن ذريتي ربنا وتقبل دعاء
لإله إلا انت سبحانك اني كنت من الظالمين









الساعة الآن 01:16 .