الدانه25

الدانه25 @aldanh25

عضوة نشيطة

ضــاع ابني عشر دقائق وفقدت صوابي

الملتقى العام

اليــوم كنت طالعه السووق ومعي ولدي عمره 3 سنوات وكان يمشي قدامي هو لف قبلي
وانا وراه يوم لفيت مالقيته مشييت بسرعه ماشفته رجعت اشووف المحلات ماهو فيه خفت
بس قلت ان شاءالله بلقاه واروح وارجع وقلت للامن بعدها خلاص لاتكلمووني صرت مثل المهبوله
ماادري وش اسوي المشكله اني ماادور في السوق قاعده اروح واجي في نفس المكان وبس ادعي
ان ربي يرده لي اكثر شي ضيق صدري انه مايتكلم متأخر مابعد تكلم والله الحريم ماقصروا اللي
تدوره معي واللي تقولي ادعي بدعاء اللهم رد ضالتي والله فيهم الخير وقفوا معي الله يجزاهم خير
ولقوه في الدور اللي تحت استغرربت هو اصلا يخاف ماينزل درج الكهربائي الا وهو ماسك يدي
مدري وشلوون نزل وجابووه لي حسيت خلاااص اني ماعاد اقدر اشووف الحمد لله والشكر لك يارب
المهم من السالفه من رجعت وانا افكر اقوول مدري ماعرفت اعبر بس قصدي احس اني سويت سالفه

في السووق مدري ليه مانثبت في المصايب ليه الواحد هلى طوول يخااف ويصايح احس انه شي طبيعي
الواحد يخاف بس الحريم يقولون لي ليش خايفه هدي نفسك واكيد بنحصله مدري اذا انا مكبره الموضوع
يااااربي تثبتنا عند المصايب يااااربي لك الحمد والشكر انك رديت لي ولدي ياااربي ترزق كل وحده
وقفت معي باللي تبيه واللي قالت لي اني حامل ادعي لي ياااربي تهون عليها وكل حامل
معليش احس كلامي مو مرتب بس حبيت انبهكم تنتبهون لعيالكم في غمضة عين ماتلقينه وتتنكدين
نسييت اقولكم ان هالعشر دقايق كنها ساعه
38
3K

يلزم عليك تسجيل الدخول أولًا لكتابة تعليق.

تسجيل دخول

جارة قمر
جارة قمر
الحمدلله على سلامة ولدك .. والله لا يوريك مكروهـ بغالي
وشي طبيعي انك تفقدين صوابك بمثل هالمواقف
أنا امس انا وعيالي الاثنين كنا بنركب السياره وهي واقفه بشارع عام يعني سيارات رايحه وجايه
كان الكبير ماسك الصغير واختفو وراء السياره انا طار عقلي على بالي الصغير لحاله وخلاص راح تحت السيارات كلها لحظات لكن جلست بعدها اليوم كله متوتره اعصابي من الموقف
تفاحة حبنا
تفاحة حبنا
الحمد لله على سلامة ولدك أنا مثلك كنا في الملاهي وخارجين رايحين للبيت وعيالي قدامي وفجاءة بنتي أختفت وأدورفي المكان اللي إحنا فيه مهي فيه وأبوها يدور في المكان اللي كنا فيه وأنا زي المجنونه ورحت أسئل رجل الأمن واللي يبعون وأمشي وأوصف لين واحدإبن حلال قالي روحي عند البوابه وأناأمشي إلاورجل الأمن الله يوفقه ماسك بنتي من يدها وأناأقوله جزاك الله خير هذي بنتي كأنه جابهاليه من السما وبنتي مثل ولدك ماتبكي اللهم لك الحمدياربي....طولت عليكي بس ماقدرت أسكت
فله وأخوها عله
لام الله من لااااامك ياشيخه
والله لا مكبره الموضوع ولا شي إلا طبيعي بيصير كذا وأكثر ..الموضوع مو هييييين
انتي عشر دقايق انا 10 ثواني بس اختفت من قدام عيني وراحت ورى الصراااااف وعمرها سنتين ولا تتكلم بعد بهالثواني بس نشف دمي ووقف قلبي وطول اليوووووم وانا اطالعاها واصيح اتخيل انها راحت مني ولا رجعت هذا غير الكوابيس باللييل>>>مهبوووووله

الحمد لله على سلامته وانتبهي له مره ثانيه زييييين اربطيه بالعربانه وكيفه يصيح ويمل ولا تصيحين عليه بعدين بسم الله عليه
الدانه25
الدانه25
مشكوورين خواتي صحيح مواقف ضياع الابناء صعبه
مثل العسل
مثل العسل
ياربي لاتفزعنا بحبايبنا ربي ثبتنا عند المصائب... نفس الموقف مر على وكنت قبل لاطلع مستودعه ولدي ابو سنتين رب العالمين

وكنت عند تي شوز اخذ لي كم غرض الولد كان تحت نظري واتصل ابوه قالي اطلعي قلت انت عند الباب واقول لاختي يالله فلان على الباب الولد سمع الكلمه وطار للباب وانا ماشفته بلمح البصر سبحان الله ماتوقعته فهم علي
هي اقل من دقيقه غاب عن نظري اقوم ادوره بالمحل مو فيه وانا اركض للشارع التفت يمين شمال ماله اثر يالله لحظات كانها سااعات المهم ويشوفني راعي ليموزين واقف عند المحل ويضرب هرن وياشر ان ولدي تعدى وانا اقوم اركض للشارع العام ااالا وذاك الشيبه اللي مسك ولدي لايقطع الرصيف للشارع العام يالله ياني خفت وتجمد الدم بعروقي وبلحظة خوف وفرح صطرته كف مااينسااه <<يااقلبي اثريه لمح سيارة ابوه على الشارع العام وبيروح له وابوه مااشافه ولا درى عنه على اساس انه معي بالدراجه.. ومن ذاك الوقت وانا مما انسى اني استودعه كل مااخرجت