السلام عليكم ورحمة الله وبركاته ...


احلى كليجا قصيميه بيدين احلى بنت قصيميه >>>>> اموت بالثقه انا

انتم عارفين بالسعوديه يالله نلحق ولا في وقت وكل شي نلقاة جاهز بس بالغربه غصب نتعلم كل شي ....
وذاك اليوم اشتهيت كليجا ولا اعرف لها وكالعادة جيت لمنتداي الحبيب ودورت ولقيت طريقة تجنن ربي يسعد صاحبتها ويحرم يدينها عن النار وهي للاخت (اشراقة امل ) وطبقتها ومشاء الله النتيجه جنان ..>>>>>يكفي هذرة وعطينا الي عندك اخلصي ..طيب طيب.

المقادير ,,,

4/كاس دقيق اسمر..
1/كاس دقيق ابيض..
ا/كاس سمن نباتي ..
(انا استخدم اي نوع زبدة بعد ما اذوبها لاني ما لقيت سمن نباتي )
1/فنجال سكر مطحون (انا استخدم الناعم )
2/فنجال حليب بودرة..
ذرة ملح ..
ماء للعجن ..

مقادير الحشوة,,,

1/كاس سكر ناعم
1 1/2 ./ملعقه صغيرة ليمون اسود مطحون..
1/ملعقه صغيرة فرقه ناعمه ..
ا/ ملعقه صغيرة زنجبيل بودرة..
1/ملعقه صغيرة هيل ..


الطريقه ,,,

اولا نفرك السمن بالدقيق حتى يختفي نهائيا وبعدها نضيف السكر والحليب لبودرة والملح ثم نعجن بالماء لحد ما تكون العجينه متوسطه القساوة اقسى من الفطاير والين من المطازيز شوي .نتركها ترتاح ربع ساعه ...

مشاء الله تبارك الله ...
وهذي صورتها ..





وهذي صورة الحشو والبيض حق دهن الوجه ..




بعد ما ترتاح ربع ساعه نكورها صغيرة او بالحجم الي تبغون ونتركها ترتاح تقريبا 10 دقايق بس نغطيها بسماط عشان ما تنشف ....وهذي صورتها ....




الان افرديها او قعريها بيدك مثل الفنجال عشان تحطي الحشو وسطها ....







وهذي هي والحشو جواتها ...وبعدها لميها وسكريها ...




الان افرديها على شخال او صحن فيه زخرفه من حقات الحلا عشان يتشكل سطحها ...



الان صفيها بالصينيه وامسحي الوجه بالبيض ...





دخليها الفرن على درجه حرارة متوسطه بالرف الوسطي...الحرارة بفرني 300 ..وبعض الافران 180 تقريبا ربع ساعه لحد ما تنتفخ وتتحمر .....وهذا شكلها بالفرن



وهذا شكلها بعد ما طلعتها متحمرة .....

وبالهنا والعافيه على قلوبكم ....

27-01-1431 هـ, 11:19 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشالله شكلها مشهي تسلم يدك
27-01-1431 هـ, 11:41 مساءً
 
ماشاء الله عليتس
تسلم ايدينتس ياقلبي وننتظر المزيد من ابداعاتس
وعقبال ما تشوفون ابداعات فوزيه يوسف -ام عمر
ادعو له بالتوفيق ............
27-01-1431 هـ, 11:45 مساءً
 
تسلمين اختي ..
يارب يوفقها ويوفق الجميع يارب..
27-01-1431 هـ, 11:53 مساءً
 


الساعة الآن 05:59 .