السلام عليكم ورحمة الله وبركاته
اخواتي ودي اسأل عن اراضي المنح اللي توزعها الحكومه على المواطنين هل يشمل ذلك النساء الغير مطلقات ولا ارامل يعني المتزوجات مثلنا ؟؟
وبعدين زوجي مقدم من زمان على منحه ولا طلع له شيء ياليت تقولون لي كيف الواحد يطلع منحه

وجزاكم الله خير

وطن لا نحميه لا نستحق العيش فيه
اختي قمرا

بالنسبه لاراضي المنح الخاصه بالنساء فهي تشمل المطلقات والارامل والغير متزوجه اذا كان عمرها من 25 وفوق بس عاد يبغى لك سنين على ماتطلع

اما بخصوص الرجال فمعروف من يطلع بطاقه مدنيه يعني يصير عمره 18 يمكنه التقديم لمنحه بس على ما اشوف انتي من الرياض ويمكن مقدمين بالرياض وهنا تطول المنحه بس يبغى لها متابعه بين فتره وفتره .

حسب ما اقرأ بالجرايد في بعضهم شياب وصل عمرهم 60 و65 وما جاهم شي وجالسين يشكون وبعضهم ماتو وعيالهم يطالبون فيها تصير هالحالات بس اذا الله كاتب لكم نصيب فيها بتاخذونها ان شاء الله طال الوقت او قصر.

الله يوفقكم ويرزقكم.
محبتكم لودي
بارك الله فيك وجزاك خير الجزاء
بس والله هو شيء يقهر ان فيه ناس عندهم كذا ارض منحه وفي احسن الاماكن وهم لسى في مقتبل العمر اللهم لا حسد بس هم حصلوها بطرق ملتويه ..وزوجي من زمان مقدم ولا حصل له شيء هذا واحنا ساكنين إيجار يعني بحاجتها
ما اقول الا حسبي الله ونعم الوكيل
وطن لا نحميه لا نستحق العيش فيه
بنات وين اقدم على المنح من الرياض
لايحزن من له اب فكيف يحزن من له رب ؟؟؟


الساعة الآن 10:00 .