ماشاء الله
ماشاء الله تبارك الله
من جد روعه
شي خيال
يعطيك مليون عافية
رح جرب طريقة الدجاج عن قريب جدا
((اللهم إن كان رزقي في السماء فأهبطه وإن كان في الأرض فأظهره وإن كان بعيدا فقربه وإن كان قريبا فيسره وإن كان قليلا فكثره وبارك اللهم فيه))
ما شاء الله تبارك الله

الله يحرسك ويحفظك تسلم ايديك

الله يعطيك العافيه
وي وي أخيــــــــــــ ـراً قدرت ارد
والله يابنات من امس اشوف ردودكم بس مااقدر ارد عليكم عشان مااقدر اشارك اكثر من 3 مشاركات خلال 24 ساعه

المهم ابجاوب الحين على كلللل اسألتكم ...
اول شي يعطيكم الف عافيه ع الردود الحلوه بصرااااحه رفعتوا معنوياتي حيييييل ودي كل يوم اسوي سفره وانزلها بالمنتدى <<< تحمست خخخخ

المهم الي سألت عن الكوريين عجبهم الاكل ولالا ماشاء الله عجبهم واكلوا كللل شيء ما خلوا الا قليل
حتى المرقوق عجبهم
والي سألت هم جلسوا على الارض ايه ياعسل اصلاً هم بكوريا مطاعمهم الشعبيه طاوله وااطيه ويجلسون ع الارض <<< راحت بلدهم وعاشت فيها سنه والله كانت احلى ايام عمري عشان كذا احب الكوريين

والي سألت اصحاب زوجي ليه كوريين عشان هم زملائه بالدوام مهندسين
والي قالت وين المويا على السفره ههههههه ياقلبي حسيت السفره زحمه فحطيت الماء والعصير والكاسات بصينيه والحلى بصينيه على طاوله بنفس الغرفه ويعطيك العافيه على الملاحظه

خلصنا من اسألة اللقافه خخخخخخ نجي لأسألة السفره

طريقة الدجاج المحمر

اول شي قطعي بصل وفلفل رومي وتبليهم مع الدجاج بالبهارات الي عندك يعني كمون فلفل اسود وملح وبهارات مشكله

وبعدين احشي الدجاجه بالبصل والفلفل الرومي وحطيهم بصينيه وقصدريها وخليها ساعه بالفرن لين تستوي

بعدين شيلي القصدير وسوي هذي الخلطه الي هي معجون طماطم وصلصة الصويا وكركم وعصير ليمون وزيت زيتون وبس ادهني فيها الدجاج من برا زييييين يعني خلي تصير طبقه كثيفه عليها من الخلطه وشغلي عليها الفرن من فوق لين تتحمر زييين وبس


وصينية الخضار

اقلي الخضار بطاطس وكوسه وباذنجان وجزر وحطيها بالصينيه وحطي عليهم عصاج لحم او دجاج او ربيان مقلي على كيفك وحطي بالخلاط علبة قشطه ومكعب ماجي وملعقتين كبار جبنه سايله وملعقه كبيره مايونيز وصبيها على الخضار ودخليها الفرن واخر شي حطي على الوجه جبنه تشيدر وخليها تتحمر شوي والله هالصينيه ماتشبعي منها مررره لذيييذه وبالعافيه ياقمر

طريقة الرز الصيني :

نقعي الرز بماء حار اقل شيء عشر دقايق وبعدين اسلقيه بماء وملح وربع قالب زبده واجينو موتو

وحطي زيت في قدر وحطي عليه جوانح بصل لين تتحمر شوي وبعدين حطي دجاج فيليه مقطع طوال وبعدين فلفل رومي وبازلاء وقلبيهم على النار وحطي بهارات فلفل اسود وكمون وكزبره ناشفه لين يستوي الدجاج واخر شيء حطي ملعقتين من صويا صوص واضيفي الخلطه على الرز وقلبيهم بالقدر زين وحطي على الوجه شرائح ليمون ونعناع للنكهه بس وغطي عليه القدر وخليه ربع ساعه وبعدين قدميه وزينيه بالصنوبر المقلي وبالعافيه

طريقة حلى الكاسات :

الطبقه الأولى : كيك سويسرول امريكانا بالشوكلاته
الطبقه الثانيه : دريم ويب مخفوق بالحليب عادي
الطبقه الثالثه:أوريو مجروش بالخلاط
الطبقه الرابعه : سنكرز مذوب بحمام مائي مع قشطه
وزينيه بالهيرشي والمالتزيرز
وبالعافيه

يالله ياحلوات الي عندها اي سؤال ثاني انا حاضره


الساعة الآن 04:16 .