السلام عليكن خواتي

اغلبنا تعلمنا الطبخ من امهاتنا وخواتنا وكتب الطبخ والنت

بس هل وحده فيكم تعلمت شي من أبوها أو أخوها أو زوجها؟؟
هل تعلمتن منهم سر مطبخي نفعج في الطبخ؟؟؟

تفضلي علمينا


عن نفس ببتدي

تعلمت من ايدين أبويييييي الله يشفيه ويعافيه ويخليه لي هو وامي ياااااااااااااارب
تعلمت شيئين:

بيض وطماط

نقطع طماط قطع صغييير ونحطها في التاوه على نار متوسطه لين ما يذوب
الطماط.........نحط عليه البيض المخفوق والملح ونقلب باستمرار لين يستوي

طبعا طريقه عاديه بس احب طعم البيض والطماط يوم اسويه بهالطريقه خصوصا
اني ما استخدم زيت ولا صلصة


الشي الثاني اللي علمني اياه فديته صالونة دياي

دياي نقطعه صغاااااااااااااار
كزبرة ، بصل، ثوم، زنجبيل، بهارات، طماط

نحمس البصل ونضيف عليه الثوم والزنجبيل وبعدين نضيف الدياي والبهارات
ونقلب ونضيف الطماط ونقلب شويه وبعدين نخلي الدياي لين يطلع الماي ماله
واخر شي نضيف صلصه وشويه ماي لين يستوي الدياي كامل


طبعا طرق عاديه بس ما ادري الأكل يطلع طعمه غييييييييير يوم ريال
في بيتكم اللي مسونه.........أحس له نكه ألذ

احلى شي يوم تستعبطين على واحد منهم وتمدحين طبخه عشان يريحج شويه
وتستمتعين بأكل من ايدين غير ايديج
بس للأسف ان هالاستعباط ما بيفكج من غسيل المواعين
يالله كل وحده تخبرنا شو تعلمت
01-02-1431 هـ, 07:45 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
موضووع حلوو..

والله يخلي لك الوآلد ويشفيه ..

انا عن نفسسي مااذكر شي معيين.. بس اللي اذكرره اني تعلممت الاندوومي من عمي

كنت مااعرف شي اسمه اندوومي .. لين جآآ وعلمني عليه ههههه ..


مشكوورة ع الموضووع الفلهـ ~
/

01-02-1431 هـ, 08:56 مساءً
 
يعطيك العافيه تعلمت من امي والمدرسه حصص التدبير الكل يعرفها
01-02-1431 هـ, 09:05 مساءً
 
الله يرحم امي
الرز
01-02-1431 هـ, 09:21 مساءً
 
رفع
01-02-1431 هـ, 09:24 مساءً
 


الساعة الآن 12:01 .