اقتباس مشاركة  (ام هاروون)
هذا ملف للبنات ابتدائي ولا ايش

ماعرفت قصدكم ايه من الملف

او للمبتدئات في الطبخ رجاءا وضحوا علشان نفيدكم في طبخات

للمبتدئات و المقبلين على المطبخ

لا يا اختي

هذا موضوع للطبخات اللي تعلمتها العضوات على ايدين آبائهن، اخوانهن أزواجهن
باختصار على ايدين ريال من العايله

ومشكوووووووووره
02-02-1431 هـ, 05:02 مساءً
 
أنا تعلمت من زوجي إذا حمست البصل اشقره بزيادة واحط عليه من الرز اللي انا مسويته الكبسة
واحمسه دقيقتين بعدين اضيفه فوق الرز
وشكرا
02-02-1431 هـ, 05:09 مساءً
 
وبه نستعين

السلام عليكم

موضوعك خفيف دم ومفيد...اشكرج عليه

أنا تعلمت من أبو العيال....فاصوليا بالبيض...والهريس

وشلون يصير الشاي مخدر وريحته تعدل الراس....

ولحم بالبيض.....

تعلمت منه أشياء كثيره......وهالحين مايعرف كيف يغسل الرز...


تحياتي
02-02-1431 هـ, 05:38 مساءً
 
ياااي يالزمن وبسم الله نبدأ ع بركة الله مسيره العائله الموقره مع الطبخ والنفخ
ابوي الله يخليه لي ويحفظه مااذكر تعلمت منه شي بس اذكر مره
ذبح ارنب وطبخه >>واو ياتسبديه بذاك اليوم
الله يديم النعمه ويحفظه بس قديم كان يسوي كمن طبخه
مااقدر اسوي زيه وبس كنت اكتفي بالمشاهده
ومره طلعنا للبر وحب يدلع الوالده سوى القهوه بداله
اوما امي الله يخليها لي ويحفظه
تعلمت منها الكثير ولا زلت اتعلم
اممم قهوه شاي كبسه يعني اغلب الطبخات
ووده ومنى عينه اني اتعلم كيف اسوي القرصان
مير عجزت مو راضي يضبط معي خصوصا تشكيله بالايدي
وواحد من اخواني راعي مكاشيت تعلمت منه طبخه تووحفه
وادمنا عليها يسميها ( القصديرهـ ) نسبة للقصدير
نقطع بصل وطماط وبطاطس صغار جدا
ناخذ قصدير ويشكل بطريقه معينه
ونحط فيه البصل والطماط والبطاطس وملح وبهارات
ونحط دجاج مقطع ارباع ثم ناخذ كوب مويا ونخلط معه معجون طماطم ونصبه ع الدجاج
ونسكر القصدير كويس همن نحطه ع الجمر وبسسس
وكمان اخوي الثاني تعلمت منه طريقه تشبه لاخوي الاول >> فهمتوا هع
بس اظن كان خضار ومافيه طماطم مااتذكر زين
وكمان كان يعلمني كيف اسوي البيض بما اني البنت الاولى
وهو اكبر مني
وكمان مره اخوي الصغير جاب صامولي وتونه وجبن وشطه
وسواه قدامي قلت من وين لك هالطريقه قال واحد من اخوياي
وسويت زيه وطلع طعمه حلوو >>>ياحوبي له
وهه هذا اللي اتذكرهـ وسامحون طلعت عن الموضوع شوي
ومشكووره حبيبتي ع الموضوع التوووحفه
02-02-1431 هـ, 07:02 مساءً
 
اقتباس مشاركة  (ام هدى 2009)
أنا تعلمت من زوجي إذا حمست البصل اشقره بزيادة واحط عليه من الرز اللي انا مسويته الكبسة
واحمسه دقيقتين بعدين اضيفه فوق الرز
وشكرا
تسلمين يا ام هدي

وان شاء الله اطبق هالطريقه
مبين حلوه

تسلمين والله يخلي لج ريلج ويخليكم لبعض
يااااااااااااااااارب
03-02-1431 هـ, 03:36 مساءً
 


الساعة الآن 04:55 .