كيكة البرتقال ... بصوص بيان اللذيذ
الكيكه هذى دايم اسويها واكيد عرفتوها

بس اغير فيها النكهه


مره سويتها بيضه ومره بالنسكافيه ومره ملونه والحين بالبرتقال

والصوص حق عزيزتنا بيان .... وطلع لذيذ جداااااااا وطعمه مميز






المقادير :

1 ونص قلاص طحين

1 ونص قلاص سكر ناعم

ثلث قلاص زيت

5 بيضات

فانيليا واشوي خل عشان ريحة البيض

بيكن باودر ملعقه

ربع كوب عصير برتقال+ مع القليل من بشر البرتقال

الطريقه :


نضيف الفانيليا والخل على البيض ونخفق جيدا ثم نضيف عليه الزيت والسكر والحليب ونخفق حتى يتجانس

نضيف الطحين والبكن باودر والنسكافيه ونخلط جيدا

نضع الخليط في قالب مدهون

وندخلها الفرن لمدة ساعه الا ربع على حرارة 160 درجه او حتى تنضج ويصير لونها ذهبي

بعدها نطلعها من الفرن ونخليها اشوي ثم نقلبها على السلك حتى تبرد تماما





الصوص:

ربع قلاص عصير برتقال

نص قلاص ماء

1 قشطه

نص كوب سكر

الطريقه :

نحمر السكر على النار حتى يصير لونه ذهبي ثم نضيف عليه القشطه والماء والعصير ونقلب فيه حتى تذوب كتل السكر كلها

ونخليه يغلي على النار لمدة ربع ساعه ... حتى يثخن عندنا مثل التوفي

ولما تبرد الكيكه نصب الصوص عليهااااااااااا

وعليكم بالعافيه



اهني السكين ماكانت زينه وخربت علي شكل قص الكيكه








منقول كيكه ام عزيزان


يا بنات ياحبيباتي لا تعبو نفسكم بالكيك
اشترو الجاهز بيتي كروكر منها اشكال والوان
وسووها وحطوها في فرن كهربائي نصف ساعه وتكون جاهزه ..
وسوو عليها الكريمة الي تحبوها ..
شوفي حبيبتي ام المحمدين ادخلي ذالموضوع راح يفييييييدك فية طبقي النصايح اللي فية وراح تشششؤفي
كيف الكيك يطلع معك ولا الجاهز
http://forum.hawaaworld.com/showthread.php?t=1343693


بالنسبة لي انا مثلك مايظبط معي الكيك بس اللحين اسؤي اي نوع كيك ويظبط معي
اهم شي تتبعي الخطوات الاتية
1- جهزي اغراض الكيك على طاولتك
2- شغلي الفرن تحت على حرارة وسسط
3- اخفقي بالخلاط الكهربائي اليدوي البيض والفانيليا والسكر مع بعض لين ينفش البيض ويصير لونة ابيييييييض
ضيفي الزيت واخفقي شؤي ثم ضيفي باااقي المقااادير واخفقي لمدة 5 دقائق لين يتجانس الخليط ويصير معك خليط لا خفيف ولا ثقيل وسسسط
بعدها ادهني صينية بشؤي زيت واسكبي خليط الكيك وحطي الصينية في الرف اللي تحت أخر شي يعني على صينية الفرن
4- دخليها الفرن وتركيهاااا ولاتفتحين الفرن ابداااا وهذااهم نقطة في الموووضوع لمدة نص سسسسساعة بعد النص الساعة افتحي الفرن واغرزي عود اسنان او سكين في وسط الكيكة اذا اطلعت السكين ناااشفة يعني
الكيكة نضجت واذا طلعت السكين رطبة رجعيها في الفرن وانتظري 10 دقايق واختبريها مرة ثانية بالسكين بعدها شغلي اللي فوق انتظري خمس دقايق لين يتحمر وجة الكيكة .اتركيها تبرد بعدهاااا
قدميييييييها بكل ثقة..


اذا جربتيهااا وظبطت معك دعواتك الله يهدي عيالي وبنتي الصغيرة مجنننتني .ويسخر زوجي لي.
وان شاء الله اشؤف تطبيقك موووفقة باذن الله تعالى
اللَّهُمّ اكْفِنَي شُرُورَ أَنْفُسٍ قَدْ أَقَضَّ مَنَامُهَا حَسَدَهَا ۩
كرري المحاولة بالطرق اللي ذكروها الاخوات وربي يوفقك
افسر بالقسم الخاص حسب التيسير














لا افسر ع الخاص ارجو المعذرة وعدم الإحراج






ارجو الدعاء لي بالتوفيق في حياتي وبحسن الخاتمة
ان شاء البنات فادوك


الساعة الآن 10:52 .