هيبة أنثى @hyb_anth

محررة

رد على خاطرة بس من نوع ثاني

مساكم ورد ياأحلى بنوتااااااااااااات
حبيت أضحك خششكم بهالمودوع الحلو

سلمكم الله هذا واحد كتب خاطرة وجاء واحد اخر ورد عليه
الله من التحطيم في الردود

مداخلة
على فكرة أنا كنت مشروع بداية كاتبة <<< إيه هين
بس لما قريت الردود خفت على نفسي قلت انكتمي وادفني مواهبك أحسللك:hahaha:

الموهيم <<< متعووووب عليها
هذي الخاطرة ومعاها الردود اللي مدري شسمها

الــخاطرة

لقد جفت اقلامي
( عادي نشتري لك واحد جديد )

وتكسرت مجاديفي
( حاول تسبح او خليك في القارب لحد مايجيك احد يساعدك)
سأبقى هنا حتى مغيب الشمس
( أقول قول بسم الله وروح البيت )

لن أدع الاحزان تأخذني
(وش تبغى فيك علشان تأخذك)

لقد أبحرت وعبرت المحيطات بدون قارب
( بلاكذب قول بعد انك عبرتها سباحة وعلى ظهرك )

لقد جمعت آهات الحزن وحنين الالم
(وش رايك لو تجمع طوابع البريد احسن لك)

هكذا الدنيا تدور وتدور
( نعرف ان الدنيا تدور ماجبت شي جديد )

نظرت لها وهي تسقط وتتناثر
( مافكرت تجمعها مثل ماجمعت آهات الحزن وحنين الالم )

اني اسمع تكسرات عظامي
( اكيد ماتشرب حليب ؛ ذبحك الديو والبيبسي)

ان عظامي تتكسر وتتهشم
( اكيد عندك صداع في العضلات )

انظر هناك خلف الافق
( نظرنا وش فيه هناك )

هناك حيث الامل وحيث الحياة
(لوحدهم ولا احد معاهم )

انظر الى تلك الفراشة اليافعة النحيلة الهزيلة وهي تطير
( فكرتها تسبح لالا يا نزار قباني)

سوف اعلن للعالم
(لا ياهتلرأعلن بس تكفى لا تصيح الله يخليك )

سوف اعلن للعالم ان الابداع قد مات
(( مات ))
سوف اعلن ان هناك من يقتل الابداع
( اذا انت الابداع فقتلك حلال )
سوف اقف امام كل الاعداء
(الله يقويك انت اوقف وإحنا معاك )

سوف اوقف زحف الاقلام التي تحارب قلمي
( تكفى ياروبن هوود )

من قال ان الابداع مات
((أنت قلت قبل شوي ولا غيّرت رايك ))

سوف أريهم من أنا
(( والله منت سهل ))

أنا القلم الذي أكتب بلا خوف
( ياشيخ اش هالقووة ))

انا القلم الحر
(( ليش كنت مسجون ))

سوف أكتب في كل مكان
((الله يخليك الا الجدارن لا تكتب عليها ))

أما زالت أقلامي جافة
((ترى أزعجتنا انت وقلمك خذ لك قلم رصاص وريحنا ))

هل مازلت تايه في معمعة الايام
((اللي يسأل مايضيع ))

سوف أحقق كل أهدافي
((بس انتبه لا تطلع تسلل ))

ماقد بنيته بالامس لن أهدمه اليوم
((البلدية اللي راح تهدمه .. ))
أنا كنت ولا زلت وسوف أبقى
((هذا درس في القواعد ))

وسوف تبقى ابداعاتي تدوم وتدوم وتدوم
((قاعد تسوي دعاية لصابون فيري ))

نحن لا نفهم
((تكلم عن نفسك يابو الشباب لاتعمم ))

إلى متى ونحن هكذا
(( الين يفرجها الله ))

كل المواضيع التي لاتحمل معنى فهي ليست ابداع
((متأكد ))
من قال ان الكلام الذي بلا معنى ليس ابداع
((والله انت اللي قلت))
كل الايام متشابهه ولكن تختلف في الاسماء
((كلام صحيح))

كذلك السنين متشابهه
((بس السنين مالها اسماء يعني قلنا كلامك صحيح وصدقت نفسك))
كذلك الوجوه متشابهه
((يمكن في الصين تتشابه بس هنا تختلف))

كذلك الاماكن متشابهه
((ترى كثرت من كلمة متشابهه حاول تغير الموضوع))

لو كنت اقف بجانب هذا الزمان الصعيب لكنت شبيه له من كثر احزاني
((خليك ولا تتحرك بخذلك مع الزمان صورة تشييييز ))

عندما تاتي بكل الحب وتقدمه للاخرين ثم تنصدم
((اكيد كنت مسرع وقاطع اشارة ))

وقتها تعرف ان الحب بين الناس قد ضاع
((تبغى احد يدور معاك))

هل هناك شي اسمه حب
((يابو الشباب انت وش تبغى))
لقد تشربت عروقي من اليأس والاحزان
وبدأت مدامعي تنهمر مثل الامطار
((اللهم حوالينا ولا علينا))
بعد هذا الجهد والعناء سوف اقف على قدم وساق
((مطول وانت واقف))
سوف اقف وابتسم في وجه الايام الحزينة
((ماصارت حزينة الا منك))

سوف اقول لهذه الايام الحزينة ارحلي
((طيب حجزت لها اوكي ولا تبي تخليها انتظار))

ما تسوووى عليه هالخااااااطرة
الله يرجه من جد تحطيم

يلزم عليك تسجيل الدخول أولًا لكتابة تعليق.

تسجيل دخول

أم الفيصل 🌷 • 14 سنة

يسلمووو موضوع رووعه

^^الدمعه الحايره^^ • 14 سنة

يسلمو على الموضوع

مهاو القلب • 14 سنة

كلي امل بالله • 14 سنة

لله يسعدك
ضحكة من اعماق قلبي
انواع التحطيم كلها

هيبة أنثى • 14 سنة

أم الفيصل 🌷 :

يسلمووو موضوع رووعه

يسلمووو موضوع رووعه

كلك ذوووق ياعسل