السلام عليكم

انا عندى مبلغ 8000 الالاف بس

وفكرت اشترى بهم اسهم عشان ما اصرفهم

وبالمره استفيد

فى هالفتره حابه اعرف شو الاسهم النازل سعرها

واللى متوقع ارتفاعها قريب

شوو تنصحونى

اعمار
تكافل
بنك دبي الاسلامى
اتصالات

مادرى اى شركه فيهم اشترى
انا مو مستعجله على الربح
المهم ما ينزل سعر السهم

وحبيت اسال اللى من دبي

شو رايكم باسهم الجمعيات؟؟

خصوصا جمعيه الاتحاد
يقولون الاسهم زينه

واظن ارباحهم سنويه
على حسب

كل ما تشترين عندهم تزيد الارباح؟؟

سلام عليكم
الاخت العزيزه .. كراميل

جمعه مباركه نشأ الله ولك اجمل التحايا

عزيزتي انا سمعة عن سهم اعمار انه كويس ورخيص وزين وانا انصحك بانك تشترين سهم اعمار
لان الشركه سوف تطرح عندنا في الكويت واذا فتحت السهم بيولع بالحيل

والاسهم القليل التكلفه قليله الخساره

وتمنياتي لكم بالتوفيق .......... وهذه الورود مقدمه للنجاح
الف شكر عزيزتى

هلا اختي انا عندي نبذه بسيطه عن الاسهم

شوفي اعمار لها مستقبل بس في شي غريب في هاي الشركه من بعد التجئه ان سعرها في مكانه يزيد وينقص بس مايزيد عن الخمس دراهم مثل مايقولون لعبة تجار ويخوف

تبريد لها مستقبل

شعاع كابيتال بعد لها مستقبل ويزيد

املاك لها مستقبل بس على المدى البعيد

بس انتي عندج رقم مستثمر ؟ وفاتحه حساب عند وسيط؟؟

انا اقول اصبري وادرسي السوق في البدايه

(مب كل من فر سريحه قال هذا خيط وبايره) عشان محد يقول عليج هذا المثل

وهذا الموقع عشان اتابعين السوق وتفكرين شو تشترين وانا اقولج خذي نصيحة الوسيط احسن واااايد من اي وحده في المنتدى
http://www.sca.ae/arabic/markets/generalindex.asp

الصراحة سعر اعماركان وايد مناسب للشراء الاسبوع اللي طاف واللي قبله لأنها كانت 5,55 ارتفعت شوي هالأيام 5,88 بس بعدها زينه لأن في أخبار وايد يديده تقوي هذا السهم ....وبعدين هاي شركه قوية وكل اللي فيها هوامير ...ولها مستقبل ...ومشاريعها لله الحمد ما توقف ....وإذا أتابعين الأخبار الاقتصادية بروحج بتأكدين ...


وبعد سهم شركة الواحة اشوفه زين

ومثل ما قالت الأخت سهم أملاك زين س للمدى البعيد

انتي تابعي الاسعار
ودشي منتدى الأمارات للأوراق المالية عشان تستفيدين أكثر من أهل الخبرة

www.uaesm.com


الساعة الآن 01:09 .