Analysis Services
بنات ابغى اسألكم التاجرات من وين يجيبون بضاعتهم ومثلا لوشريت بضاعه وشلون اعرف مكسبي وكم ازيد فيها ووشلون اعرف فيها مكسب اولا
وهل تحطون لكم شنطه خاصه ببيعك تحطين فيها كل ريال لاني مره بعت واذا عطوني الفلوس حطيتها بشنطة يدي وكل مااحتجت خذت منها ولا عرفت كم كسبت ساعدوني احس ما عندي ماعند جدتي ابغى اعرف اهم شروط التجاره
واذا بعتي وقعدت عندك بضاعه مامشت وش تسويين فيها ووش احسن شي تحسون انه يمشي وعليه طلب الله يرزق كل مسلمه ترد علي ماتتمنى كانها ماتزوجت تتزوج وكان ماعندها عيال ان ربي يرزقها والله يبارك لكم بمالكم ويهدي عيالكم
03-02-1431 هـ, 09:03 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
البضايع موجوده مو شرط تكون من برا


عندك محلات الجمله فيها كل شي بضايعهم روعه ومنوعه فيها الاصلي والتقليد اذا انتي في الرياض فيه شارع السويلم والمرقب ومحلات الجمله

والشنطه الي قلتي عليها لسى انا ماجربت البيع مشروعي اجلته شوي
انتظري الاجابه من العظوات


احسن شي ممكن يمشي مثلا كمثال اكسسورات الجوالات واللاب توب هذي بضاعه شبابيه

والعطورات والبخور ممكن تمشي

وايش رايك في اقتراحي؟
03-02-1431 هـ, 11:01 صباحاً
 
اقتراحك حلو مره الله يوفقك زيوفقني
03-02-1431 هـ, 11:11 صباحاً
 
اللي ماشي البخور وملابس الاطفالي
حبيبتي لازم كل بضاعتك تسوين لها جرد يعني تكتبين في جدول القطعه الفلانيه- عدد القطع- سعر الحبه-كم بعتي من حبه-
لازم يكون عندك راس مال لبضاعتك يعني ميزانيه على حسب نوع بضاعتك
اما الارباح لا تصرفين منها الا وقت الحاجه

انا مو تاجره بس عندي حس تاجري
03-02-1431 هـ, 12:34 مساءً
 
انا عن نفسي اتاجر في اشياء مختلفه

بس كلها ضروريه

مثل البخور والبهارات ودهن العود ومسك الطهاره

ومرغوب عند الجميع صغير وكبير

المهم

كيف اعرف راس مالي من ارباحي

لي طريقه ومادري عن باقي التاجرات بس من خلال موضوعك بنستفيد

انا عندي حساب يتم تحويل مبلغ الطلبيات عليه واحيان يكون عندي طلبيات سلم واستلم

من خلال حسابي اشيك عليه واعرف اذا خلصت البضاعه قد ايش مكسبي وقد ايش راس المال

واطلع راس مالي واشتري فيه بضاعه جديده واترك المكسب في الحساب

وعلى ذا الحال


بس تدرين وش الي يخربطنا احنا يالحريم ؟

حكاية الصرف من ربح التجاره اي شي نحتاجه سحبنا من هالفلوس وبكذا ماتعرفين ولا يبين كم كسبتي


والاسعار يقولو لك قليل دائم ولا كثير منقطع

حاولي يكون مكسبك حلو مو مبالغ فيه علشان ربي يبارك لك


والله يرزقك ويرزقني
03-02-1431 هـ, 01:26 مساءً
 


الساعة الآن 05:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏